3-4 Tehuu Yesus sipo' asa nae, “Leo' bea? Emi ta mafarene ba'i Daud tutui na? Ba'i Daud no ana mana tuka dea nara ramalaa raan seli. Boe ma ara maso' leo Manetualain Laa' Huhule-haradoin dale' reu, de hai roti fo ri' malaka agama ra fee basan neu' Manetualain a, de raa. Sekonaa te lahenda feke' ta bole raa roti ria, noi malaka agama ra. Ba'i Daud asa raa, tehuu ta hapu lahenda sale si. Nonoo' leo nae, emi ta lees Manetualain Susura Makamoi Na.^b

5 Nenene matalolole! Au Lahenda Dae-bafo' Tetea'. Au anuu haak aetu' ae, lahenda bole tao ubea' naraa la'e fai hahae ao'.”

6 Naraa la'e fai hahae ao feke' esa, boe ma Yesus nanori-nafada nai uma mamaso' dale'. Nai naa tou' esa mate liman esa. 7 Nai naa boe, mesen agama ma lahenda agama Farisi ra saka eno' fo nau rahihii' Yesus. De rahani kalu Ana puli na tou' fo ri' mate liman esa a naraa la'e fai hahae ao'. No ria naa, ara bisa rahihii' Ana.

8 Tehuu Yesus bubulu' matetu' sira maksud nara. Huu ria naa Ana naloo lahenda ria nae, “A'a! Mapadei' mai' talada ia!” Boe ma ana neu tuti' a. 9 Yesus natane lahenda sira nae, “Au atane sudi emi dei. Tuka ita atoran agama na, ita bole tao ubea' naraa la'e fai hahae ao'? Ita tao malole, do tadalu'? Po'i-tata lahenda, do tao talulutu' masoda na?” 10 Yesus mete nalelei' asa, boe ma dedea no tou' fo ri' mate liman esa a nae, “Loo' lima ma mai!” Ana loo' lima na boe ma te'e tuti' a.

11 Yesus musu-noo nara rita leo' naa, boe ma ramanasa ro Ni. De ara mulai rabua fo saka eno tadalu' rae,“Ami muste saka eno feke' bali fo matuda Ni!”

12 Fai' esa boe ma Yesus ae leo lete' esa lain neu hule-haradoi. Ana hule-haradoi nai na hatu' esa katema'. 13 Malua boe ma, Ana naloo na ana mana tuka dea nara. Neme basa sira mai Ana here na lahenda sanahulu dua dadi reu' Ria lahenda nadedenu nara. Ana here na lahenda ra si':

17 Fai ria ara onda reme lete' lain mai, Yesus no ana mana tuka dea nara rapadei nai dae matetu'. Lahenda dodou' rabua rai naa boe. Ara reme propensi Yudea, kota Yerusalem, Tirus ma Sidon, ri' kota dua rai tasi' a suu na. 18 Ara mai nana nau ramanene Yesus, ma ruma hule fo Ana puli lahenda hedis ara, de puli na si. Ana puli na lahenda nitu heke' ara ma usi heni nitu ra reme lahenda sira boe. 19 Basa lahenda ra nau oi la'e Ni, huu fo kalu ara oi la'e Ni, sona Ria kuasa Na kalua, de puli na si.

20 Boe ma Yesus nasare na ana mana tuka dea nara, ma nanori-nafada si nae,

De leo mae lahenda tao rasususa' emi boe, mamaho'o-matadale ma roke-foti nai basa ledo-fai! Boso' heran, huu no lahenda sira besa' ia rasususa' emi, sira bei-ba'i nara boe tao rasususa' Manetualain mana nesi mata fai ulu nara.

27 Boe ma Yesus dedea bali nae, “Nenene matalolole! O muste sue-lai musu-noo mara, ma tao malole soa-neu' lahenda fo ete' ao nara ro o. 28 Hule-haradoi neu' Manetualain ela Ana fee ua-nale' neu' lahenda fo kutuk o. Ma hule-haradoi fee lahenda fo rahehedi' o. 29 Kalu lahenda fapa o suke ii ma, sona soro' suke ona ma neu bali. Kalu lahenda ralea ra badu hanas ma, sona fee tamba selu' ana badu. 30 Kalu lahenda hule o hatam esa, sona fee ni neu. Kalu lahenda hai reni hatam esa, sona boso' hule fali' ana bali! 31 O nau lahenda tao malole neu' o, sona o muste tao malole neu' lahenda boe.^f

32 Ma kalu o sue-lai lahenda fo ri' sue-lai o, sona malole na ri' ubea'? Huu fo lahenda masala-masiko' ara boe sue-lai lahenda fo ri' sue-lai si! 33 Kalu o tao malole noi neu' lahenda fo tao malole neu o, malole na ri' ubea? Huu fo lahenda masala-masiko' ara boe ratulu-rafali ao leo naa'. 34 Kalu lahenda ra tonda doi', ma o fee noi lahenda fo bisa kati fali' a, sona malole na ri' ubea'? Huu fo lahenda masala-masiko' ara boe, fee lahenda ara tonda doi nara, sadi balahaa-binesa' ara sipo fali asa katema'.

35 Tehuu malole na, leo ia': sue-lai o musu-noo mara! Ma tao malole soa-neu' asa. Kalu sira parluu tonda ubea', sona fee si. Boso afi mae, ara bisa kati fali', do ta'a. No ria naa, neu' ko Manetualain balas o. Ma o dadi Manetualain Madema a ana Na. Nana huu o masoda sama leo' o Papa ma fo ri' tao hihii-nanau' malole soa-neu' lahenda tadalu' ara. Ana tao hihii-nanau' malole soa-neu' lahenda fo ta hule makasi. 36 De o muste matudu dale kasian ma neu' lahenda ra, sama leo' o Papa ma nai nusatetu-ikutema' a boe natudu dale kasian Na neu' o.”

37 Yesus nanori-nafada naroo nae, “Boso' uku-sudi lahenda, ela lahenda boso' uku-sudi o. Boso' sale lahenda, ela lahenda boso' sale o. Mafarene heni lahenda salan, ela lahenda nafarene heni o sala ma. 38 Kalu o fee lahenda hata fo ara parluu, neu' ko o sipo fali' ana. Huu fo neu' ko Manetualain bati-pala fee o henu-sofe'. Ria sama leo' lahenda po'a hade leo balee uuku' a dale' neu, rakaleleko' ana, ma po'a tamba selu' neu losa' sasi. De neu' ko o sipo leo' naa boe. Kalu o fee baiana', sona o sipo fali' baiana'. Tehuu kalu o fee dodou', sona o sipo fali' dodou'.”

39 Yesus nanori-nafada pake dedea nasasama'. Ana tui nae, “Lahenda poke' a ta bisa hela lahenda poke feke'. Ta'a sona dua si tuda bela' a rala bolo' dale'!^g 40 Ana sakola a ta bisa kahere' lena neme ria mesen na! Tehuu kalu ana tuka natalolole mesen a nanori-nafadan, sona ana bisa dadi sama leo' ria mesen na boe.^h

41 Lahenda sala na bau lima pa'i keon ia, o mapeda maheren, tehuu o sala ma bau' basa sona o mae sala' ta ria. Ria sama leo' o mita kadafu ana' esa nai lahenda mata na. Sekonaa te balo' kaba'u-ina a babaa etu mata ma, tehuu o ta bubulu'! 42 Tao leo' bea de o maparani mafada mae, ‘Toranoo' mai fo au kue heni kadafu ana' a ri' mata ma dale' ria.’ Sekonaa te o ta mita dae, huu fo balo' a babaa etu o mata ma! Tebe o lahenda masarole-masarali! Kalua heni balo' ria neme o mata ma mai dei, ela mita dae matetu', besa' ko o kue heni kadafu ana' a neme toranoo ma mata na mai.”

43 Yesus tamba selu' dedea nasasama' esa nae, “Ta hapu ai huu' malole naboa boa ta malole. Ma ta hapu ai huu' ta malole naboa boa malole. 44 Lahenda bisa nalela' ai huu' a, nana neme boa na mai. Basa lahenda bubulu' lahenda ta bisa seu ufa boa' do anggor boa' neme ai huu makou' a.^{i j} 45 Leo' naa boe, lahenda dale malalao-malalafu' bisa tao hihii-nanau' malole. Tehuu lahenda dale makekeo-makakanu', sona tao hihii-nanau' tadalu'. Huu fo neme lahenda a dedea-nafadan, natudu fee ria hada-parin.”^k

46 Boe ma Yesus dedea bali nae, “Emi maloo Au sona mae, ‘Ramatua'.’ Tehuu ubea' taon emi ta tuka Au dedea-nafada Ki? 47 Lahenda fo ri' mai ramanene Au, boe ma tao tuka Au dedea-nafada Ki, ria sama leo' 48 lahenda fo nafoa uma tea-mepe'. Ana ali fanderen na neu' dae batu, dama naan, besa' ko nafoa uma a neu' lain. Kalu faa ina a sa'e na uma ria, uma ria ta naleu', huu fo fanderen na tea' a. 49 Tehuu lahenda fo namanene no dale poo seseri' ma ta tuka Au dedea-nafada Ki, sama leo' lahenda fo nafoa uma no muda'. Ana ta dama fanderen, noi nadidite' uma ria neu' lee a suu na. Fai fo faa ina a sa'e na uma ria, boe ma hea neu!”