3-4 Tehuu Yesus bala nae, “Talo bee, bae? Ei ta masaneda ba'i Dauk tutuin ndia? Ba'i Dauk no ana mana tunggan nala ndoe lalan seli so. De ala maso leni Manetualain Tenda Huhule-haladoin leu, de ha'i lala loti fo malangga anggama la feen neu Manetualain so, de la'a. Naa te kada malangga anggama la bole la'a loti ndia. Hataholi fe'ek ta bole. Boe ma ba'i Dauk asa la'a, tehuu ta hambu hataholi soli salak neu sala. Nonook leo ei ta lees malelak Manetualain Susula Malalaon!^b

5 Pasa ndi'i dook fo mamanene neulalau! Au ia, Hataholi Isi-isik. Au aena haak fo aketu ae, hataholi bole tao hata nandaa no fai hahae tao ues.”

6 Faik esa, nandaa no fai hahae tao ues fe'ek, boe ma Yesus neu fee nanonolik nai uma huhule-haladoik. Nai ndia, hambu touk esa liman seli kamates. 7 Nai ndia boe oo, hambu mese anggama hida ma hataholi leme paltei anggama Farisi mai sangga lelak, suek nau tao latuda Yesus. De ala lahani, mete ma Ana nau tao nahai hataholi liman seli kamates ndia, nandaa no fai hahae tao ues. No leo ndiak, na ala bisa soli salak neu Ndia nai hataholi no'uk matan.

8 Tehuu Yesus bubuluk tebe-tebe sila maksut. Huu ndia de Ana noke nala hataholi liman seli kamates ndia nae, “Ka'a! Mai mambadeik muu lalada ia dei!” Boe ma ana neu nambadeik tutik. 9 De Yesus natane hataholi la sila nae, “Au atane sudik ei dei. Tungga ita anggaman heti-heun, na kada ita bole tao hata, nandaa no fai hahae tao ues? Ita tao dede'a malole, do tao manggalauk? Ita tasala'e tala hataholi, do takalulutu ndia sodan?” 10 Basa de Yesus suli ndule sala, boe ma Ana kokolak no hataholi liman seli kamates ndia nae, “Look o limam mai!” Boe ma ana look kana neu, de liman hai tutik.

11 Yesus musun nala lita leo ndiak, boe ma ala manggalau. De ala mulai heti dalak lae, “Ai musi sangga dala fe'ek bali, fo tao matudan!”

12 Ta dook bali, boe ma Yesus neni letek esa neu fo hule-haladoi. De Ana hule-haladoi nai ndia, le'odae katemak esa. 13 Neu fo'a fafain, boe ma Ana noke nala ana mana tunggan nala. Neme sila basa sala mai, Ana hele nala hataholi sanahulu dua, fo dadik Ndia nadedenun. Hataholi fo Ana hele nalak kala sila:

17 Ledo-eik Yesus no Ndia ana mana tunggan nala konda leme letek ndia lain mai, boe ma lambadeik leme dae matetuk. Nai ndia hataholi no'uk lakabubua boe. Sila ndia, leme propensi Yudea, kota Yerusalem, Tirus ma Sidon mai, fo ndia kota dua lai tasi bifin. 18 Ala mai fo sangga lamanene Yesus ma luma loke Ndia tao nahai hataholi kamahedik kala. Boe ma Ana tao nahai sala. Ndia boe oo tao nahai hataholi nitu nalak, ma husi kalua heni nitu leme hataholi la mai. 19 Basa hataholi nau daba la'e Ndia, huu mete ma ala daba la'en, na, hambu koasa kalua neme Ndia mai fo tao nahai sala.

20 Basa de Yesus heok nasale ana mana tunggan nala, boe ma fee nanonolik nae,

De, mete ma hataholi tao nakatoto'ak ei leo ndiak, na, kada tao ei dalem lamahoko! Ma makaboku mamahoko! Boso heran, huu hataholi mana tao nakatoto'ak ei hatematak ia, sila bei-ba'in nala mesak kasa tao lakatoto'ak Manetualain mana kokola lele ulun nala.

27 Boe ma Yesus tuti nae, “Pasa ndi'i dook fo mamanene neulalau! O musi sue o musum mala, ma tao dede'a malole neu hataholi mana binci o. 28 Hule-haladoi fo moke Manetualain tao dede'a malole neu hataholi mana sumba-soo o. Ma moke fo Ana tao dede'a malole neu hataholi mana tao babalik o. 29 Mete ma hambu hataholi famba o nasum seli, na, mbo'in fo ana famba o nasum seli bali. Mete ma hambu hataholi namoa nala o jeket, na, fee tamba o badum neu ndia bali. 30 Mete ma hambu hataholi noke o buam esa, na, kada feen. Ma mete ma hambu esa ha'i neni o buam esa, na, elan fo ana soan leo. Boso muu moke falik kana bali! 31 O musi tao hataholi fe'ek kala, nandaa leo o hii ala tao o leo ndiak.^f

32 O mahiik matudu susuek neu o hataholi hehelim mala. Ndia malole. Tehuu ndia ana selin, hata? Huu hataholi manggalauk kala boe oo sue sila hataholi hehelin! 33 Mete ma kada o tao malole neu hataholi mana tao malole neu o, na, ndia ana selin nai bee? Huu hataholi manggalauk kala labalak tao malole leo ndiak boe. 34 Mete ma o bisa fee doi tonda neu hataholi fo ana bisa bae falik kana, na, ndia ana selin hata? Huu hataholi manggalauk kala bisa fee doi tonda neu hataholi fe'ek boe, sadi mbila-binesak ala simbo falik kana no katemak.

35 Tehuu ana selin ndia, leo iak: sue o musum mala! Ma tao dede'a malole neu sala. Hata fo ala paluu, na kada fee sala tonda. Boso dudu'a mae, ala bisa fee falik kana, do taa. No leo ndiak, na dei fo Manetualain bala o. Ma o dadik Manetualain fo Naden Manai Lain Seli anan. Huu o masoda sama leo o Amam, fo nahiik tao dede'a malole neu hataholi manggalauk. Ndia boe oo tao dede'a malole neu hataholi fo ta noke makasi nalelak. 36 De o musi matudu dale kasian neu hataholi, sama leo o Amam nai nusa sodak natudu dale kasian neu o boe.”

37 Yesus fee nanonolik nakandoo nae, “Boso timba-tai hataholi, fo suek hataholi ta timba-tai nasafali o. Boso sapa hataholi, huu dei fo hataholi la sapa lasafali o. Mafalende heni hataholi salan, fo suek lafalende heni o salam boe. 38 Mete ma o fee hataholi hata fo ala paluu, na, dei fo o simbo falik kana. Huu dei fo Manetualain heti, fo o simbo falik makadotok. Ndia sama leo hataholi mbo'a fufue makadotok neni balee u'ukuk dale neu, boe ma ndondokon, ne'en, basa de isi seluk bali losa ana sasi. O sisimbon ndia, matak leo ndiak. Mete ma o fee faa, na, o simbo falik faa boe. Tehuu mete ma o fee no'uk, na, o simbo falik makadotok boe.”

39 Yesus boe fee nanonolik nenik nakandandaak. Ana tui nae, “Hataholi mbokek ta bisa natudu dalak neu hataholi mboke fe'ek. Huu dei fo dua sala tuda no'u leni bolok dale leu!^g 40 Sakola anak ta bisa ana selin lena heni ndia mesen! Tehuu mete ma ana tungga neulalau ndia mesen nanonolin, na, ana bisa dadi sama leo ndia mesen.^h

41 O mahiik kada tanda neulalau hataholi sala kadi'i anan. Tehuu o sala ina-huum, o taok leo bali taa. Ndia sama leo o mita hu'uk esa nai hataholi matan. Naa te hambu balok ina-huuk babaa nala o matam, tehuu o ta mameda sana! 42 Talo bee fo o mambalani kokolak mae, ‘Tolanook! Mai fo au tulun nggai heni hu'uk neme o mata de'em mai dei.’ Naa te o mesa nggo ta bisa mita hata-hata, huu hambu balok babaa o matam! Wei! Memak o mana dea-matak tetebes! Tulun dei! Nggai heni balok ndia neme o mata hehelim mai dei. Bei fo o bisa mita, fo tulun nggai heni hu'uk neme o nonoom matan mai.”

43 Yesus tamba nakandandaak esa bali nae, “Ta hambu ai malole, naboa boa ta malole. Ma ta hambu ai ta malole, naboa boa malole. 44 Hataholi bisa tanda ai esa malole do taa, na neme ai ndia boan nala mai. Basa hataholi bubuluk lae, ta hambu hataholi seu ufa boak, do anggol boak neme ai kanggouk mai.^{i j} 45 Leo ndiak boe hataholi dale malalaok, bisa tao dede'a malole. Tehuu hataholi dale manggenggeok tao dede'a manggalauk. Huu neme hataholi kokolan mai, natudu ndia hada teteben.”^k

46 Boe ma Yesus tuti bali nae, “Ei mambue moke Au mae, ‘Lamatuak’. Tehuu hatina de ei ta nau tungga Au kokolang? 47 Hataholi mana mai namanene Au, boe ma tao tungga Au kokolang, ndia sama leo 48 hataholi mana sangga nambadedei uma matea. Ana kali neulalau bolo fanderen nai dae isik dei, losa hambu batu isik. Boe ma ana tao fanderen ndandaak neu batu lain, bei fo ana nambadedei uma. Mete ma faa mai, na, uma ndia ta nangge'o, huu fanderen matea so. 49 Tehuu hataholi fo kada namanene no dale bibiak, ma ta tungga Au kokolang, na, ndia sama leo hataholi fo nau nambadedei uma kada no lofo anak. Ana ta tao fanderen, tehuu kada nanggatutuu uma ndia neu dae isik lain nai lee bifin. De faik fo faa mai, boe ma ana sapu nakalulutu heni uma ndia!”