2 Iha kota Yeriko nia, noo ema ida naran Sakeos. Sakeos nia, maksisi bea ulun bodik ukunrai Roma. Nia moos ema maksoin. 3 Baa oras rona na'ak Yesus atu la'o liu, Sakeos nakara naree Yesus. Mais Sakeos basuk basuk. Nia la bele titu-naree Yesus di'a-di'ak, tan ema lear kabuun nola Yesus ti'an. 4 Tan baa nia, nia nalai uluk, sa'e baa ai ida leten iha dalan tehen mak Yesus atu la'o tuir.^a 5 To'o ai nia, Yesus tanaat baa leten nodi bolu na'ak, “Sakeos! Sakeos! Tuun mai lai-lais! Tan ohin loron ne'e, Ha'u atu ktuli iha okaan uma.”

6 Rona nola nunia, Sakeos blaar karin. Nia tuun lai-lais, hotu nodi Yesus baa uma. Nia neon boot lo-loos. 7 Mais ema wa'in nakmuuk na'ak, “Hoi! Ema hotu-hotu natene Sakeos ne'e lisan aat! Tan saa Yesus tuli niakaan uma?!”

8 To'o uma baa, Sakeos nariik iha Yesus oin, hotu dale na'ak, “Ama Boot! Nahuu ohin loron ne'e, ha'u kfa'e baa rua ha'ukaan sasoin hotu-hotu, nebee fa'ek ida ha'u kfoo baa ema mukit sia. Bodik ema mak ha'u kusu bea liu, ha'u kselu kikar isin haat.”

9 Yesus nataa na'ak, “Di'ak. Ohin loron ne'e Na'i Maromak sori o mo okaan ema uma laran hotu-hotu ti'an, tan o fiar Na'i Maromak nu'u Bei Abraham. 10 Na'i Maromak solok Ha'u kdadi Ema Raiklaran Isin iha raiklaran ne'e. Ha'u kmai atu buka ema mak sees nosi Na'i Maromak dalan, nebee Ha'u ksori sia.”^b

11 Baa oras nia, ema wa'in tuir nanono Yesus. To'o kre'is kota Yerusalem, sia naneo na'ak Yesus atu nala'ok Na'i Maromak ukun hanesan na'in ona. Mais tan sia nanoin sala nunia, Yesus dale baa sia lia hatetek ida 12 na'ak, “Noo na'in ki'ik ida. Nia atu baa rai seluk, nebee ema foti nia dadi baa na'in boot. Foti ti'an, foin nia mai nikar. 13 Baa oras nia nadi'a aan atu la'o, nia bolu nola niakaan ata na'in sanulu. Nia fa'e baa ida-idak osan mean matak ida.^c Hotu nia naruka sia na'ak, ‘Halo osan ne'e dadi baa osan na'in. Kalo ha'u kmai kikar, emi musti hasara funan hira.’ Dale notu nunia, nia moos la'o. 14 Mais niakaan hutun-renu sia hirus nia. Sia solok klosan tuir baa nebaa atu katak na'ak, ‘Ami la ho'uk ema ne'e kaer ukun baa ami.’

15 Masik nunia moos, sia foti nia dadi baa na'in boot. Foti ti'an, nia fila. To'o uma baa, nia bolu nola ata sanulu nia, nodi nusu na'ak, ‘Emi hetan funan hira hosi osan mak ha'u kfoo baa emi nia?’

16 Ata nomer ida nasara na'ak, ‘Ama na'i! Ha'u ketan funan dala sanulu.’

17 Na'in nataa na'ak, ‘Kabaas! O ne'e, ata di'ak. Ha'u kbele fiar o kodi lia ki'ik. Tan baa nia, ha'u kfoti o kaer ukun baa kota sanulu.’

18 Hotu, ata nomer rua nasara na'ak, ‘Ama na'i! Ketan funan dala lima.’

19 Na'in tonu nia na'ak, ‘Kabaas! Kalo nunia, ha'u kfoti o kaer ukun baa kota lima.’

20 Mais ata nomer tolu, nodi nikar niakaan osan mai. Nia nasara na'ak, ‘Ne'e, ama na'i osan! Ha'u kfalun kodi subar di'a-di'ak, nebee keta lakon. 21 Ha'u kalo nunia, tan kata'uk. Ha'u katene ama ne'e, maka'as. Ama nakara nola saa mak lahoos ama niakaan, no ku'u nola saa mak lahoos ama kuda.’

22 Rona nola nunia, na'in nakanas ata nia na'ak, ‘Hoi! Notar lalek! Okaan dale nia kastikar okaan isin lolon du'uk. O matene ti'an, ha'u ne'e ema maka'as, mak kola saa mak lahoos ha'ukaan, kodi ku'u kola saa mak lahoos ha'u kuda. 23 Tan saa o la rai osan nia iha uma rai osan? Nebee oras ha'u kfila mai, bele ketan funan. Masik oan ida dei moos, di'ak.’

24 Hotu na'in naruka ema seluk sia na'ak, ‘Hola osan nia, latan baa ata mak netan funan dala sanulu.’

25 Mais sia nataa na'ak, ‘Ama! Ema nia netan to'o ti'an. Tan saa hola hosi ema mak netan oan ida dei, hotu foo tu'an baa ema mak netan wa'in?’

26 Na'in nataa na'ak, ‘Hanoin di'a-di'ak! Ema mak natene babilan saa mak ema fiar atu foo baa nia, ema nia atu netan tu'an tenik. Mais ema mak baruk babilan, ema seluk atu nola mohu saa mak niakaan.^d 27 Baa kohi ha'ukaan funu sia mak la nakara ha'u kdadi na'in! Hodi mai ne'e, hotu ho'o hotu-hotu iha ha'ukaan oin. Baa ona!’”^e

28 Yesus dale notu nunia, sia la'o liu baa Yerusalem. Yesus la'o iha oin.

29 Nare'is aan baa leo Betfage no leo Betania iha Foho Saitun tehen, Nia naruka Niakaan maktuir na'in rua baa uluk 30 nodi na'ak, “Emi rua baa leo iha oin nia. Emi atu haree kuda keledai oan ida, ema no'i kesi iha nia. Ema sei la sa'e dauk. Kore, hodi mai. 31 Kalo ema nusu na'ak, ‘Tan saa emi kore kuda keledai nia?’ emi hataa sia ha'ak, ‘Ulun atu sa'e.’”

32 Hotu, sia baa. Sia netan kuda keledai oan nia, tuir Yesus dalen. 33 Baa oras sia kore, kuda na'in nusu sia na'ak, “Tan saa emi kore kuda keledai ne'e?”

34 Sia moos nataa na'ak, “Ulun atu sa'e.” 35 Kuda na'in moos simu. Hotu sia rua dada nodi baa Yesus. Sia taka tais hafu'ut baa kuda keledai, hotu Yesus sa'e baa.^f 36 Ema lear iha nia nola siakaan tais hafu'ut no tais sakat, na'e baa dalan. Hodi nunia, sia simu Yesus hanesan simu Na'i boot. 37 Oras Yesus nahuu tuun nosi Foho Saitun, ema lear nia no Niakaan maktuir sia nahii tonu-naboot Na'i Maromak, tan tadak blaar hotu-hotu mak sia naree ti'an nia. 38 Sia nahii na'ak,

39 Oras nia, noo ema Farisi sia iha ema lear nia leet. Sia nasara baa Yesus na'ak, “Ama! Kahi sia nebee sia keta nahii nunia! Ne'e, liu resik ti'an!”

40 Mais Yesus nataa na'ak, “Hoi! Ha'u katak kedan! Kalo ema ne'e sia taka ibun, fatuk sia mak tonu-naboot Maromak!”

41 Kre'is Yerusalem ona, Yesus titu-naree kota nia. Nia tanis nodi na'ak, 42 “Adeei, ema Yerusalem sia! Ha'u kakara nebee emi simu dame mak kodi mai baa loron ne'e. Mais emi la titu Maromak. Oras ne'e, la noo leet ona. Dame dook ti'an nosi emi. 43 Emikaan funu sia atu butuk satan nola emikaan kota, to'o emi la bele sasin. Hotu sia tama tuda emi, 44 nodi naro'on emikaan kota weer to'o rai. Hotu sia no'o emi ho emikaan oan hotu-hotu. La nela fatuk ida mak nariik, tan Maromak namaan aan mai atu sori emi, mais emi la simu Nia!”

45 Nunia hotu, Yesus tama baa Uma Hamulak Huun. Iha lalawar laran, ema fa'an bibi no karau no manu mak ema sosa atu sera baa Na'i Maromak. Titu-naree nunia, Yesus te'ur sai sia. 46 Nia nakanas na'ak, “Maromak mako'an nakerek kedan na'ak,

Mais emi halo fatik ne'e dadi baa ema na'ok nuuk!”

47 Yesus dale notu nunia, sura loron Nia baa Uma Hamulak Huun atu nanorin. Mais na'ilulik Yahudi, manorik ukun Yahudi, no fukun Yahudi sia buka dalan atu no'o Nia.ⁱ 48 Mais sia la netan dalan, tan ema lear beer basuk nanono baa Yesus.