3 Ledo-eik Yudas bubuluk nae, Yesus hambu huku mate so, boe ma ana fale dalen, huu ana se'o heni Yesus. Boe ma ana fali neni malangga anggama Yahudi malanggan nala ma lasi hadak kala, fo ana fee falik doi lilo fula katelu huluk ndia. 4 Ana nafada nae, “Au asala ia so, huu au fee heni Hataholi sala taak ia.”

Tehuu ala lataa lae, “Wei! Ai ta nau mbali o so bali! O mesa nggo ndia tanggon salak ndia.” 5 Boe ma Yudas mbia heni doik kala sila leni Uma Ina Huhule-haladoik dale neu. De ana kalua neu londa aon losa maten.

6 Boe ma malangga anggama Yahudi malanggan nala leu hele lakabubua lala doik, fo Yudas mbia henik kala. Ala kokolak lae, “Ita ta bole tanggodi falik doik kala ia leni peti doik dale leu, huu doik kala ia manggenggeok. 7 De malolenak ita teu hasan neu dae bibiak esa neme hataholi mana tao ule dae. Mete ma hataholi nusa dea maten, ma ta hambu hataholi nalelak kana, na, ita bisa tatoin neu ndia leo.” 8 Basa boe ma ala pake doik ndia, de leu hasa lala dae ndia. Huu ndia de losa hatematak ia, ala foi dae ndia nade, ‘Dae Daak’.^b

9 No leo ndiak, ala tungga hata fo Manetualain mana kokolan Yermia kokolak memak kana so nae,

11 Ledo-eik hataholi la sila loo Yesus losa nggubenol, boe ma ana natane Yesus nae, “Leo bee? O ia tebe-tebe hataholi Yahudi Manen, do?”

Yesus nataa nae, “Tetebes. Ama kokolan tetebes ndia so.”

12 Tehuu neu faik fo malangga anggama Yahudi malanggan nala ma lasi hadak kala kalaak dede'ak no'uk leu Yesus, tehuu Ana ta nataa faa boe.

13 Boe ma nggubenol natane Ndia nae, “O ta mamanene hataholi no'uk kala kokolan sila, do? Ala soli salak makadotok neu O. Tehuu hatina de O ta bala sala boe?!”

14 Tehuu Ana ta nataa faa boe, losa nggubenol heran nalan seli.

15 Tungga-tungga teuk, mete ma hataholi Yahudi la tao feta Paska, na, hataholi no'uk kala lateme hele hataholi bui esa, fo nggubenol mbo'i henin. 16 Faik ndia, hataholi bui esa, nade Barabas.^d Basa hataholi la bubuluk ndia see, huu manggalaun ana seli. 17 Faik ndia boe oo, hataholi no'uk leni nggubenol Pilatus leu loke, fo ana mbo'i heni hataholi bui esa leo natetemek. Boe ma Pilatus natane sala nae, “Malole! Tehuu au mbo'i heni see? Nai ia hambu Barabas, ma Yesus boe fo hataholi la lae, Karistus. De Au mbo'i heni see? Kada ei hele leo.” 18 (Nggubenol kokolak leo ndiak, huu ana bubuluk malangga anggama Yahudi malanggan nala loo Yesus neni ndia neu so, huu ala dale hedi Ndia lalan seli.)

19 Neu faik fo nggubenol bei palisak dede'ak ndia, tehuu ndia saon haitua heheluk neu ndia nae, “Ama! Besa-besa bou, huu Yesus ia Hataholi fo salan ta faa boe. Huu Ndia ia, de le'odaek au alame'i ta malole. Losa hatematak ia au bei ameda ta malole alan seli.” 20 Tehuu malangga anggama Yahudi malanggan nala ma lasi hadak kala mbau-edo hataholi no'uk kala sila, fo loke nggubenol mbo'i heni Barabas, ma huku nisa Yesus. 21 Boe ma ana natane sala seluk bali nae, “Neme kaduak kala ia, au mbo'i heni see?”

Boe ma ala lataa no'u lae, “Barabas! Kada mbo'i heni Barabas leo!”

22 De ana natane sala nae, “Mete ma leo ndiak, na, au tao leo beek neu Yesus ia, fo hataholi seseik lae, Karistus?”

Boe ma basa sala eki no'u lae, “Mbaku misan nai ai ngganggek leo!”

23 De nggubenol natane bali nae, “Tehuu Ndia salan hata? Au palisak Ndia so, tehuu au ta hambu salan faa boe!”

Tehuu basa sala boe eki latingga lae, “Tao misa Ndia! Mbaku Ndia neu ai ngganggek leo!”

24 Ta dook boe ma, ana bubuluk nae, ndia ta bisa tao hata-hata bali, huu hataholi no'uk kala sangga manggalau so. Huu ndia de ana ha'i oe de ana safe liman neu sila matan nala, ma nafada nae, “Au ta tanggon Hataholi ia mamaten! Elan fo ei ndia musi tanggon!”^e

25 Boe ma hataholi no'uk kala sila lataa lae, “Hei, neme naa! Elan fo ai mia ai umbu-anan nala tanggon Ndia daan ndia!”

26 Ana namanene leo ndiak, boe ma nae, “Neu.” De ana mbo'i heni Barabas, tungga sila hihiin. Basa boe ma ana palenda hataholi mana manea kala fo ala filo Yesus lenik fifilok.^f Filo late'e, boe ma soldadu la loo Yesus, fo sangga mbaku nisan nai ai ngganggek.

27 Basa boe ma soldadu la hela loo Yesus leni sila kota musun pasa ina-huun neu. Nai ndia, ala loke lala sila nonoon nala batalion esa.^g 28 Boe ma ala papaken badu manalu mbila manggaledok esa, sama leo manek kala lateme paken.^h 29 Boe ma ala ha'i lala ai kanggouk ndanan, de ala nanen leo solangga. Boe ma ala nene'e solangga kanggouk ndia neu Yesus langgan, fo lakamiminak sama leo ala so'u mane beuk fo pake solangga manek. Boe ma ala latoto'un ai esa neu lima konan, sama leo tete'e-ai palenda. Boe ma ala sendek lasale Ndia, ma ala haumemee Ndia lae, “Hada-holomata neu hataholi Yahudi la Manen.” 30 Boe ma ala mbula ambe neu Ndia, ma ha'i lala tete'e-aik neme Ndia liman mai, de ala lambue denggu Ndia langgan. 31 Ala lambue haumemee basa Ndia, boe ma ala odu heni badu nalun. Boe ma ala papake seluk Ndia balo'an. Basa boe ma ala loon neni kota Yerusalem deak neu, fo sangga leu mbaku Ndia neu ai ngganggek losa maten.

32 Ledo-eik ala hela loo Yesus, ala latonggo lo hataholi esa neme dala laladak, fo bei fo neme kota Kirene mai. Ndia naden Simon. Ala lakasetin lu'a ai ngganggek nggati Yesus. 33 Boe ma ala losa mamanak esa, nade Golgotaa. (Nai dede'a Aram, ndandaan nae, “Mamana langga duik.”) 34 Ala sangga feen ninu anggol nana seseok no akidoo makaheduk, fo suek Ana bisa nakatataka nala hedis. Yesus ninu kada faak, de Ana timba henin.ⁱ

35 Basa boe ma ala mbaku Ndia neu ai ngganggek. Boe ma soldadu la hela lot, fo sangga bubuluk see ndia hambu Ndia balo'an.^j 36 Boe ma ala langgatuuk lanea Ndia. 37 Ala sulak neu papak esa nae,

Boe ma ala mbaku papak ndia neu langgan ndandaan lain, fo lafada to'on hatina de ala huku lisa Ndia.

38 Ala mbaku lisa hataholi manggalauk dua lai ndia boe. Esa nai Ndia boboa konan; ma esa nai Ndia boboa kiin.

39 Basa hataholi mana la'ok lesik ndia, mete Ndia. Boe ma ala mu'ek de haumemeen.^{k l} 40 Ala eki Ndia lae, “Wei! O mae O bisa tao matu'u heni Manetualain Uma Ina Huhule-haladoin, fo basa na mambadedei falik kana nai faik telu dalen, hetu? Mete ma O tebe-tebe Manetualain Anan, na, soba mbo'i heni sudik O aom, fo konda muma ai ndia mai leo.”^m

41 Leo ndiak boe, malangga anggama Yahudi malanggan nala, mese anggama, ma lasi hadak kala tungga haumemee Ndia lae, 42 “Ana nasala'e nala hataholi fe'ek so, tehuu Ana ta bisa nasala'e nala ao hehelin bae maa. Ana nae, Ndia ndia hataholi Israel asa Manen! Mete ma leo ndiak, na, malolenak Ana konda memak neme ai ndia mai. Mete ma ita tita leo ndiak, bei fo ita tamahele teu Ndia. 43 Mete ma Ndia tebe-tebe Manetualain Anan, na, elan fo

44 Hataholi mana mamoa kaduak kala sila boe oo, tungga haumemee Ndia leo ndiak.

45 Basa boe ma makiu-mumuuk mboti nala mamanak ndia neme ledo kamatetun losa li'u telu ledo bobon. 46 Nandaa li'u telu ledo bobon, boe ma Yesus nanggou nenik dede'a Aram nae, “Eli! Eli! Lema sabaktani?” (Ndia ndandaan nae, “Au Lamatuang! Au Manetualain! Hatina de Ama heok masadea ela Au leo iak?”)^o

47 Hataholi hida deka-deka lai ndia lamanene Ndia halan. Boe ma ala lae, “Wei! Ei mamanene dei. Ana noke Elia, fo Manetualain mana kokola makahulun ele ndia!” 48 Basa de hataholi esa nalai neu ha'i lombu, de ana bolon neu anggol makeis. Boe ma ana naton neu ai esa mbedan, de solok kana neu Yesus bifi doon, fo suek Ana musi.^p

49 Tehuu hambu hataholi fe'ek bali kokolak nae, “Mahani dei, fo ita mete sudik, Elia sangga mai nasala'e nala Ndia, do taa?”

50 Basa de Yesus nanggou natingga seluk bali, boe ma Ana mate.

51 Nai Uma Ina Huhule-haladoik, hambu tema maloa esa nana londak, fo babaa Manetualain Kama Malalaon Ana Seli. Nandaa no Yesus ketu ani hahaen, boe ma tema maloa nana londak ndia sii ba'en neu dua, neme lain mai losa dae. Boe ma dae nangge'o, losa batu ina-huuk ndala ba'en.^q 52 Late sala boe oo latanggaa. Ma Manetualain hataholi mana maten nala, luma lasoda fali. 53 Ledo-eik Yesus nasoda fali so, boe ma ala kalua leme late sala mai, de leni Yerusalem leu. Hataholi no'uk kala lita sala lai ndia.

54 Nai Golgotaa, malangga soldadu esa ma ana mana palendan nala lanea Yesus ai ngganggen. Ledo-eik lita dae nangge'o, ma basa dede'a mana dadik kala sila so, de ala bii lalan seli. Ala lakokola lae, “Awii! Hataholi ia, memak tebe-tebe Manetualain Anan!”

55 Nai ndia boe oo, hambu inak hida, lita Ndia mamaten neme dook mai. Ala tungga Ndia neme Galelea mai, huu ala ono-lau Ndia neme makahulun mai. 56 Neme inak kala sila, hambu Maria neme Magdala mai, Maria esa bali, (fo ndia Yakobis no Yusuf inan), ma Sabadeus saon (fo ndia Yakobis no Yohanis inan).^r

57 Hataholi kamasu'ik esa nai ndia, neme nggolo Arimatea mai, nade Yusuf. Ana tungga Yesus nanonolin dook ia so. Yesus mamaten ndia, la'e-neu fai Lima. Neu fo'a mai la'e hataholi Yahudi la fai huhule-haladoin. Huu ndia de ledo sangga tesa, boe ma Yusuf sangga dalak fo sangga nakonda Yesus mbombolan neme ai ngganggek mai. 58 Boe ma ana neni nggubenol Pilatus neu, fo noke Yesus mbombolan. Basa de nggubenol palenda fo ala fee mbombolak ndia neun. 59 Boe ma Yusuf neni Golgotaa neu. Fo ana nakonda Yesus mbombolan neme ai ngganggek ndia mai. De ana mbomboti neulalau mbombolak ndia, nenik tema beuk mabeli. 60 Faik ndia, hataholi bei fo mba'a basa lua anak esa nai lete batu, fo sadia memak Yusuf no bobonggin nala laten nala, mete ma mate sala. De Yusuf asa ko'o Yesus mbombolan fo leu taon neu lua anak ndia. Boe ma ala loli lala batu ina-huuk esa, fo ala kena neulalau lua anak ndia. Basa boe ma Yusuf asa fali.

61 Faik ndia, Maria maneme Magdala mai, ma Maria fe'ek ndia, ala tungga lai ndia boe. Ala langgatuuk lasale leni bolok ndia leu.

62 Neu fo'a mai, nandaa no hataholi Yahudi fai hahae tao uen. Boe ma malangga anggama Yahudi malanggan nala ma hataholi Farisi la leu lasale nggubenol. 63 Ala lafada lae, “Ama nggubenol, ai masaneda faik fo masapepekok ndia bei nasoda, ana nafada nitak nae leo ia: ‘Memak Au mate, tehuu seli faik telu, boe ma Au asoda fali.’^s 64 Huu ndia de ama tulun fee soldadu la lanea latalolole lates ndia, losa fai katelun. No leo ndiak, Ndia ana mana tunggan nala ta bisa lamana'o lala Ndia mbombolan, fo pepeko hataholi lae, Ana nasoda fali so. Huu mete ma ala pepeko leo ndiak, na, ndia manggalaun lena sila pepeko makahulun ndia, fo ledo-eik lae Ndia ndia, Karistus.”

65 Nggubenol namanene leo ndiak, boe ma ana nataa nae, “Malole boe! Tehuu hambu ei hataholim mala lanea aom. Malolenak kada pake sila, fo leu lanea latalolole mamanak ndia.”

66 Basa de leni mamanak ndia leu, ma loo sila hataholi mana manean nala. Losa ndia, de ala segel lisa batu manai lates lelesun.^t Boe ma ala ladenu hataholi lanea lakandoo mamanak ndia, fo hataholi fe'ek boso mai ha'i lala mbombolak ndia.