Ne'e ne, Lii Lolo Be'a lula-nèti Ana Ama Lamatua.^a Ngara na Yesus Kristus, dhu Ama Lamatua paj'uj'u karèi nèti uru ka mai. Lii lolo Na mulai sèmi ne'e:

2 Lod'o Yesus sab'a mèka sasab'a Na, Ama Lamatua pua uru dhèu èci, ngara na Yohanis, la'e tao tèke j'ara hia Yesus dhu mai bèli-camèd'a. Lula uru èèna, Ama Lamatua peka le dènge dhèu nèti lii padhai Na, ngara na Yesaya. Na suri tèke, peka na,

4-6 Ra pangare dhèu ne'e, Yohanis, tuka sarani dhèu. Era pea nèngu ètu d'ara mamoo. Kodho na tao nèti rèu badha onta, dhara hake na, tao nèti ka'uri badha. Nganga'a nèngu kabara dènge dhua nasu oni.^d

Lod'o èèna, dhèu ae nèti kota Yerusalem dènge propensi Yudea, mai paraga dènge Yohanis ètu era pea na. Dhèu se mai neo rèdhi Yohanis, aa nanene lii holo-nori na. Na peka, “Hua iia miu ele-ho'a nèti tatao karehe, sèna ka Ama Lamatua saku eele sasala-sasigo miu. Èle èèna miu sarani uuru ku j'aj'i mi tadha, na, miu be'a le dènge Lamatua.”

Nèti èèna ka, dhèu se'e bhoka sasala rèngu, ka Yohanis sarani si ètu loko Yarden.

7 Ka na peka hari, “Bèli-camèd'a dhèu èci mai, dhu kapai risi nèti ja'a. Lula ja'a ne haha d'ai seli, neo j'aj'i ana pua-paleha èèna ka, lèke boe sa hèi.^e 8 Ja'a ne dhodhoka sarani miu dènge èi di, te ngaa Nèngu tao risi eele nèti ja'a. Te Na papènu d'ara miu dènge Roh Ama Lamatua dhu Mola-Mèci.”

9 Ca lod'o hari, Yesus la'e nèti rae Nasaret ètu rai Galilea, ka Na paraga dènge Yohanis. Èle èèna ka Yohanis sarani Ne ètu loko Yarden. 10 Ropa Yesus bhodho nèti d'ara èi mai, Na ladhe, na, liru bhoke eele, ka Roh Ama Lamatua puru mai sama sèmi koro j'aha ci'u, puru mai asa Yesus. 11 Kaca'a la, ra tadèngi lii Ama Lamatua nèti dedha-liru, peka na,

12 Nèbhu boe ka, Roh Ama Lamatua jajuku Yesus asa d'ara mamoo la'e. 13 Na pea dènge badha hui ètu èèna, èpa nguru lod'o. Ka dhèu aae nidhu mai dadugu tenge j'ara sèna ka Yesus madhutu nèngu, te ngaa tao nare boe. Èle èèna ka, ana pajuu nèti Ama Lamatua puru mai lalau-lalo'o Ne.

14 Lod'o dhu kèpe rare Yohanis tuka sarani pamaso asa d'ara bèdho, nèbhu boe ka Yesus pakèd'i la'e propensi Galilea. La'e lole Lii Lolo Be'a nèti Ama Lamatua ètu nèi.

15 Ka Na peka,

16 Ca lod'o hari, Yesus kako re sebhe dano Galilea, ka nèdhi dhèu dua, ngara ra Simon dènge ari na Anderias. Sasab'a rèngu bèli-bèli èèna, j'ala i'a. 17 Ka Yesus paroa nare dua ra, peka na, “We! Mai madhutu Ja'a! Miu tema tenge i'a, te ngaa Ja'a neo aj'a miu, sèna ka j'aj'i dhèu tenge samanga.” 18 Ropa ra nanene rare, hèia ra tèke eele j'ala rèngu, ka lasi dènge madhutu Ne.

19 Èle èèna ka, Yesus kako hari ciki, ka nèdhi ana-ana Sabadeus, a'a ngara na Yakobis, aa ari ngara na Yohanis. Dua ra lalau paie pèku ètu dedha koha. 20 Ka Yesus paroa dua ra, peka na, “Mai we! Madhutu Ja'a!” Ropa ra tadèngi rare lii Yesus, ka dua ra tèke eele ama ra, dènge dhèu sab'a sa ètu dedha koha, lasi dènge ka madhutu Yesus.

21 Èle èèna ka, Yesus dènge ana madhutu Na dhèu èpa sèra lasi d'ai kota Kapernaum. Lod'o èèna, lod'o manèngi-mangaj'i dhèu Yahudi.^h Ka Yesus la'e asa d'ara èmu manèngi-mangaj'i, ka Na lole Lii Holo-Nori Ama Lamatua ètu èèna. 22 Dhèu ae sèra malaa, nanene lii padhai Na, lula Nèngu ne'a mèu lii dhu Nèngu lole, risi nèti mese-mese agama Yahudi.ⁱ

23 Lod'o èèna, abhu dhèu èci dhu nidhu tao. Dhèu ne'e la'e asa d'ara èmu manèngi-mangaj'i kahèi. Kaca'a laa na pakèce, peka na, 24 “We! Yesus, dhèu Nasaret! Ngaa unu Èu dènge ji'i! Èu mai ho pa'ele iie ji'i, do? Ji'i tadhe Èu. Èu ne'e ka dhu mai nèti Ama Lamatua. Èu ne'e Dhèu dhu dènge boe sasala-sasigo.”

25 Ka Yesus jèke ne, “Hutu hèb'a èu na! Rai eele nèti dhèu ne'e!”

26 Kaca'a laa nidhu tèku ngi'u dhèu ne'e, sama sèmi dhèu dhu pèd'a rèdha. Ka na rai eele nèti dhèu ne'e, dènge lii pakèce. 27 Hèia dhèu ètu d'ara èmu manèngi-mangaj'i sèra, malaa-maloha. Ka ra padhue èci dènge èci, “Eea! Ngaa ka ne'e? Ne'e ne, lii holo-nori dhu hiu, do? Lii padhai lii Mone heka ne, ele madha, nga! Na paredha nidhu se, ka ra kalua kahèi, madhutu dad'èi Na.”

28 Hèia dhèu palolo lème era, ètu d'ara rae-rae propensi Galilea.

29 Lod'o rèngu lèpa nèti d'ara èmu manèngi-mangaj'i, hèia Yesus dènge ana madhutu Na, lasi asa èmu Simon dènge Anderias. 30 Ina dhèu èmu Simon pèd'a maringi-sagoro, ka dhu j'unu. Ropa Yesus dènge ana madhutu Na d'ai d'ara èmu èèna, dhèu mai peka dènge Ne, “Bhèni heka ne, pèd'a.”

31 Nèti èèna ka, Yesus la'e ladhe bhèni heka ne. Hèia Na kèpe kacui-aai na, ho pamadhèdi ne. Kaca'a laa papèd'a maringi-sagoro èèna èle dènge. Hèia bhèni heka ne kèd'i la'e lalau nganga'a-nganginu hia si.

32 Ropa lod'o cèna, dhèu pakako rèti asa Yesus a'ari rèngu dhu pèd'a, dènge dhèu-dhèu dhu nidhu tao, sèna ka Na puri-pa'èle si. 33 Nèti èèna ka, ca kabarai mai pakaboko pènu tao cèci ètu madha èmu èèna. 34 Èi papèd'a ra rupa-rupa, te ngaa Yesus puri-pa'èle aa'i mèu-mèu si. Hèia Na lalèta eele nidhu ae nèti dhèu sèra. Yesus hia boe tebho nidhu se'e padhai lii, lula ra tadhe Ne.

35 Bèli èèna mad'ae aae era, ako maroga, Yesus kèd'i ka la'e asa era èci dhu nee-nee, ka Na manèngi-mangaj'i mi Ama Lamatua. 36 Ropa Simon si kèd'i, rèdhi heka Yesus, ka lasi tenge Ne. 37 Ra paraga dènge Yesus, ka ra peka, “Ama, dhèu canau mai tenge Ama ku.”

38 Te ngaa Yesus dhaa lii rèngu, aku Nèngu na, “Èèna be'a kahèi. Te ngaa be'a risi lati uru asa rae-rae leo, ho Ja'a aj'a Lii Holo-Nori Ama Lamatua. Te èèna sasab'a-la'a Ja'a na.”

39 Èle èèna ka, rèngu kako palème era ètu propensi Galilea, ho lole Lii Lolo Be'a Ama Lamatua. Ètu d'ara èmu manèngi-mangaj'i, Na babège-lalèta eele nidhu nèti dhèu sèra.^j

40 Dhèu èci dhu lèke papèd'a kusta mai paraga dènge Yesus, ka na patitu kètu urutuu ètu madha Yesus. Na manèngi, aku nèngu na, “Ama, ee! Sue ku ja'a laa. Tao pa'èle ku papèd'a ja'a ne. Ja'a ke'a, na, Ama bisa pa'èle papèd'a ja'a ne, sèna ka dhèu madenge heka dènge ja'a.”

41 Nèti lii roma iisi na, ka d'ara Yesus roe, ka Na j'ole kacui-aai ho kèpe ne. Hèia Na peka, “Tare'a! Ja'a bisa! Èu èle kèna!” 42 Kaca'a laa, papèd'a èèna ele dènge. Ka dhèu èèna pèd'a heka. 43 Èle èèna ka, Yesus pua dhèu èèna lèpa dènge pasanèd'e ne, peka na, 44 “Mu nanene! Èu èle le, te ngaa baku lole dènge cee-cee! Èu hud'i madhutu ku lii paredha Musa uru èèna. De lamu uru ku asa ama agama, ho na parisa ngi'u mu. Sèna ka ne'a èi papèd'a èu na ele le, do dhae. Èle èèna ka, heka èu hia mèdha èci sèmi tadha makasi, sèna ka dhèu aa'i-aa'i re'a èu èle le tare'a-re'a.”^k

45 Masi ka Yesus kai baku peka dènge cee-cee, te ngaa ropa la'e d'ai li'u, ka na lolo lème dènge dhèu. Èle èèna ka, dhèu ae neo paraga dènge Yesus. Te ngaa, lula lii dhèu èèna, ka Yesus bisa boe pad'elo iisi Na asa d'ara kota. Nèti èèna ka, Yesus pea dhoka ètu era mau èci ètu li'u kota. Te ngaa dhèu mai paraga dènge Ne nèti mia-mia.