3 Baa oras Yudas natene na'ak na'ilulik ulun sia no fukun adat sia nakotu atu no'o Yesus, nia neon monu baa niakaan salan, tan nia mak fa'an lakon Yesus baa sia. Hotu Yudas baa nasoru sia atu foo nikar siakaan osan murak tomak tolu nulu nia. 4 Nia katak na'ak, “Ha'u kalo sala ti'an, tan ha'u klatan baa emi ema mak la noo sala sa-saa.”

Mais sia nataa na'ak, “Hoi! Ami la hatene o ona! O musti matiu du'uk sala nia.” 5 Hotu Yudas soe lerek osan nia iha Uma Hamulak Huun laran. Hotu nia sai, baa nisa aan to'o mate.

6 Rona nola lia nia, na'ilulik sia libur nola osan nia hotu dale na'ak, “Ita la bele hatama hikar osan ne'e baa osan sera fatin, tan osan ne'e kadoor ti'an. 7 Ita rona badaen sasanan ida atu fa'an niakaan rai. Di'ak liu ita hodi osan ne'e baa sosa hola rai nia. Hodi nunia, ita bele halo rai nia dadi rate fatin bodik ema matak sia, kalo sia mate iha Yerusalem ne'e.” 8 Hotu sia nodi osan nia, baa sosa nola rai nia. To'o baa oras ne'e, ema sei temi rai nia na'ak, ‘Rai Raa’.^b

9 Lia ne'e nato'o saa mak Maromak mako'an Yeremia nakerek kedan hori uluk na'ak,

11 Ema nodi Yesus to'o gubernur baa ti'an, gubernur nusu Yesus na'ak, ‘ ‘Ema ne'e sia na'ak O ne'e, Na'in Yahudi. Tebes ka lale?”

Yesus nataa na'ak, “Tebes. Ama dale nia loos.”

12 Hotu na'ilulik ulun sia no fukun adat sia tula lia wa'in baa Yesus, mais la nataa kedan.

13 Hotu gubernur nusu nikar na'ak, “O la rona sia dale nia ka? Sia tula sala wa'in baa O ti'an. Tan saa O la mataa?!”

14 Mais Nia la nataa kedan, to'o gubernur moos benar.

15 Sura tinan, natoon baa ema Yahudi nadahur Paska, gubernur nabusik ema bui ida tuir ema lear boi. 16 Baa oras nia, noo ema bui ida naran Barabas.^d Ema hotu-hotu natene nia, tan nia ema aat basuk. 17 Baa loron nia, ema lear moos baa gubernur Pilatus atu nusu nebee nia nabusik sai ema bui ida, tuir siakaan adat. Rona nunia, Pilatus nusu baa sia na'ak, “Di'ak! Mais ha'u atu kabusik see? Iha ne'e, Barabas no Yesus mak ema temi na'ak Kristus. Ha'u kabusik mak nabee? Emi na'in boi du'uk.” 18 (Gubernur dale nunia, tan nia natene ti'an na'ilulik ulun sia nodi Yesus baa nia, tan sia rai hirus baa Yesus.)

19 Oras gubernur sei tuur leno lia nia, niakaan feen solok lia baa nia na'ak, “Ama sintidu! Keta taa ukun baa Yesus nia, tan Nia ema moon. Hori fonin aan ha'u kme'i la di'ak. To'o oras ne'e moos, ha'u ksei koran la di'ak.” 20 Mais na'ilulik ulun sia no fukun adat sia sasuku bei-beik ema lear nia, nebee sia nusu gubernur nabusik Barabas no taa ukun mate baa Yesus. 21 Tan baa nia, gubernur nusu tenik baa sia na'ak, “Nosi ema na'in rua ne'e, ha'u kabusik ida nabee?”

Sia moos nataa bele-bele na'ak, “Barabas! Mabusik Barabas dei!”

22 Hotu gubernur nusu tenik na'ak, “Kalo nunia, ha'u kalo nunabee baa Yesus ne'e, mak ema temi Kristus?”

Sia hotu-hotu moos nahii bele-bele na'ak, “Ho'o Nia dei! Hedi Nia baa ai karuus!”

23 Hotu gubernur nusu tenik na'ak, “Mais Nia sala saa? Ha'u kleno Nia ti'an, mais la ketan sala kois!”

Masik nunia moos, sia hotu-hotu nahii maka'as liu tenik na'ak, “Ho'o Nia! Hedi Nia baa ai karuus ona!”

24 La kleur falik, gubernur natene na'ak nia la bele nalo saa tenik, tan ema lear nia atu krakat to'o nakfetik. Tan lia nia, nia nola wee nodi fasi liman iha siakaan oin. Nia moos katak baa sia na'ak, “Ha'u la katiu ema ne'e niakaan mate! Emi hotu-hotu mak hatiu!”^e

25 Ema lear nia moos nahii nodi nataa na'ak, “So'in baa! Habusik ami ho amikaan bein oan sia mak hatiu hola Niakaan raan!”

26 Rona nola nunia, gubernur dale na'ak, “Loos emi dei.” Hotu nia nabusik Barabas tuir siakaan hakaran. Mais nia naruka ema no'at Yesus nodi oe besi tarak.^f No'at notu, nia latan Yesus baa sondadu sia, nebee sia nodi baa atu nedi no'o baa ai karuus.

27 Nunia hotu, sondadu sia dada nodi Yesus baa siakaan fatin iha gubernur tofatik. Hotu sia bolu nola mai siakaan mamaluk sia hotu.^g 28 Sia kolu Yesus Niakaan tais no natais nikar Nia nodi faru klobor ida. Faru nia ilas mean asuaten,^h hanesan na'in sia natais. 29 Hotu sia nola ai tarak lain, noman nalo baa sabeo tarak. Hotu sia tau sabeo nia baa Yesus ulun nodi naleuk nakdiuk Nia, hanesan sia foti na'i foun nodi sabeo na'in. Sia moos nakaer ai kno'an ida baa Yesus liman kwana, hanesan kno'an ukun. Sia nakni'a se'i oin baa Nia, nodi naleuk na'ak, “Tabe, Na'in Yahudi.” 30 Sia moos soe kaban baa Nia. Sia nola kno'an nia nosi Yesus liman, nodi ta'e nakdiuk Niakaan ulun. 31 Naleuk nakdiuk Nia notu, sia kolu faru klobor nia, hotu natais nikar Niakaan tais baa. Hotu sia nodi Nia sai baa kota Yerusalem luan atu nedi no'o Nia baa ai karuus.

32 Oras sia dada nodi Yesus baa, sia nasoru nola ema na'in ida iha dalan klaran. Ema nia naran Simon. Nia nosi kota Kirene. Hotu sondadu sia seten nia natiu Yesus Niakaan ai karuus. 33 Hotu sia la'o to'o fatin ida naran Golgota. (Naran ne'e na'ak, “fatin ulun ruin”.) 34 Iha nia, sia atu naroo Yesus nodi anggor ween kahur ai moruk, nebee Nia bele terus moras. Yesus norut oan ida, hotu dudu fila.ⁱ

35 Hotu sia nedi Nia baa ai karuus, hotu taman ai karuus nia. Hotu sondadu sia suut liman atu nodi natene see mak netan Yesus farun.^j 36 Hotu sia tuur daka iha nia. 37 Sia moos nakerek baa ai kabelak ida na'ak,

Hotu sia nedi kedan ai kabelak nia baa ai karuus iha Yesus ulun leten, nebee ema bele natene lia krarain taa ukun mate baa Nia.

38 Iha nia moos, sia nedi no'o ema madauk teen na'in rua. Ida iha Yesus sorin kwana, ida tenik iha sorin karuk.

39 Ema hotu-hotu mak la'o tuir nia, titu-naree Yesus. Sia nakmulis ibun nodi naleuk Nia.^{k l} 40 Sia nahii baa Nia na'ak, “Hoi! O ma'ak O bele maro'on Uma Hamulak Huun, to'o baa wainrua mariik mikar ti'an. Tebes ka? Kalo O tebe-tebes Na'i Maromak Oan, sori aan tuun mosi ai nia ona.”^m

41 Nunia moos, na'ilulik ulun sia, manorik ukun sia, no fukun adat sia naleuk Nia na'ak, 42 “Nia bele sori ema seluk, mais la bele sori aan du'uk. Uluk Nia katak na'ak, Nia ema Isra'el siakaan na'in! Kalo nunia, di'ak liu Nia tuun nosi ai nia lai, foin ita fiar Nia. 43 Kalo Nia tebe-tebes Na'i Maromak Oan, habusik nebee

44 Ema madauk na'in rua nia moos tuir naleuk Nia nunia.

45 Nunia hotu, nakukun luri taka nola rai nia nosi loro natetu to'o tuku tolu loro malirin. 46 Kre'is tuku tolu loro malirin, Yesus nahii nodi siakaan lia Aram na'ak, “Eli! Eli! Lema sabaktani?” (Lia isin na'ak, “Ha'ukaan Maromak! Ha'ukaan Maromak! Tan saa Ama tali'ur la'o mela Ha'u nune'e?”)^o

47 Ema na'in hira mak kre'is ai karuus nia rona nola Yesus lian maliak nia. Sia moos dale na'ak, “Hoi! Rona lai. Nia bolu Elia, mak Maromak mako'an uluk nia!” 48 Hotu ema ida nalai kedan baa nola wee teen, loban tama baa tua siin. Nia tuu wee teen nia nodi ai kno'an rohan, hotu lolo soruk baa Yesus ibun, nebee Nia norut.^p

49 Mais ema seluk tenik dale na'ak, “Hein lai! Ita haree kokon! Elia atu mai sori Nia ka lale?”

50 Hotu Yesus nahii tenik nodi lian maka'as. Hotu nawan kotu.

51 Iha Uma Hamulak Huun noo tais odamatan boot ida mak neli Na'i Maromak Ke'an Lulik Kaliuk. Natoon baa Yesus nawan kotu, tais odamatan nia naksira fa'e baa rua, nosi leten to'o raik. Baa oras nia moos, rai kakekuk to'o fatuk boot nakfera.^q 52 Rate sia moos nakloke. Na'i Maromak eman sia mak mate ti'an, Nia nalo balu moris nikar. 53 Baa oras Yesus moris nikar ti'an, sia sai mai nosi siakaan rate tama baa Yerusalem. Ema lear moos naree nodi matan du'uk.

54 Iha Golgota, sondadu ulun no niakaan ain-liman sia daka Yesus Niakaan ai karuus. Baa oras sia naree rai kakekuk no lia hotu-hotu mak dadi nia, sia nata'uk basuk. Sia dale na'ak, “Adeei! Ema ne'e, Na'i Maromak Oan tebes!”

55 Feto na'in hira moos titu Yesus mate nosi dook. Sia tuir Nia ti'an nosi Galilea, tan uluk sia mak naliku Yesus no Niakaan ema sia. 56 Iha feto nia sia, noo Maria nosi leo Magdala, Maria ida tenik (mak Yakobus no Yusuf inan), no Sebadeus feen (mak Yakobus no Yohanis inan).^r

57 Yesus mate nia, kona baa loron lima. Awan, kona baa ema Yahudi siakaan loron hamulak, mak loron hanawa serwisu. Iha nia noo ema ida naran Yusuf. Nia ema maksoin nosi leo Arimatea. Nia moos tuir Yesus hanorin kleur ti'an. Baa oras loro atu monu baa loron lima nia, Yusuf buka dalan atu natuun kedan Yesus maten nosi ai karuus, tan loron hanawa serwisu atu to'o ona. 58 Tan baa nia, loro sei la monu dauk, Yusuf baa Gubernur Pilatus atu nusu Yesus maten. Gubernur moos nakara, hotu latan maten nia baa Yusuf. 59 Hotu Yusuf baa Golgota, natuun nola Yesus maten nosi ai karuus. Nia falun di'a-di'ak nodi tais foun mak folin todan. 60 Baa oras nia, ema foin ba'at notu fatuk kuak atu nadi'a kedan rate bodik Yusuf no familin sia. Hotu Yusuf no niakaan ema sia natama Yesus maten baa kuak nia. Hotu sia dudu nola fatuk belar boot ida nodi taka kuak nia. Hotu Yusuf sia fila nikar.

61 Baa oras nia, Maria nosi Magdala no Maria ida seluk nia moos tuir to'o nebaa. Sia tuur nodi mana baa kuak nia.

62 Awan, kona baa ema Yahudi siakaan loron hamulak, na'ilulik ulun sia no ema Farisi sia baa nasoru gubernur. 63 To'o baa, sia katak na'ak, “Ama Gubernur, ami hanoin hori hirak nia, baa oras ema tolek teen nia sei moris, nia katak na'ak nune'e, ‘Ha'u nanis mate, mais baa wainrua, Ha'u kmoris kikar.’^s 64 Tan baa nia, Ama tulun maruka daka di'a-di'ak rate nia, to'o wainrua. Hodi nunia, Niakaan maktuir sia la bele nana'o nola Niakaan maten, hotu tolek ema na'ak Nia moris nikar ti'an. Tan kalo sia tolek nunia, hahalok nia aat liu tan siakaan hahalok uluk nia baa oras sia dale na'ak, Nia mak Kristus.”

65 Rona nola nunia, gubernur nataa na'ak, “Di'ak! Hodi makdaka rai baa daka di'a-di'ak fatin nia.”

66 Hotu sia baa fatin nia nodi makdaka rai. To'o nebaa, sia nanit mate rate nia odamatan.^t Hotu naruka makdaka rai sia daka bei-beik, nebee ema keta mai nana'o nola maten nia.