3 Lele' Yud'as bub'ulu' 'oi, Yesus nenehukun mate ma, ana fale ralan, huu eni mana seo hendi Yesus. Basa ma ana bali' nisi' malangga agama Yahud'i ra malangga na ra, roo lasi-lasi 'ad'at ra, fo fee bali' doi fula katelu nulu na ra naa. 4 Ana nafad'e nae, “Au sala ena, huu au fee hendi atahori nda mana na'ena sala' saa sa boe.”

Te ara rataa rae, “Weh! Hai nda bub'ulu' moo nggo saa ena! Mesa' nggo musi lemba-musaa sala' naa.” 5 Basa ma Yud'as mbia hendi doi' ra risi' Ume Hule-o'e Huu' a. De lao dea neu londa aon losa ana mate.

6 Boe ma malangga agama Yahud'i ra malangga na ra reu tengga rala doi' fo Yud'as nggari hendi' naa ra. Ara 'ola-'ola' rae, “Ata 'afi' tao bali' doi' ia ra risi' peti doi' rala neu, te doi' ia manggenggeo'. 7 Dad'i malole lena' teu hasa rae ombat esa sia mana tao hura' ra. Mete ma atahori fea' ra mate, ma atahori nda rahine e sa, na, ata ta'oi e sia naa.” 8 Basa ma ara pake doi' naa ra, de reu hasa rendi' neu rae. Naa de losa fai' ia, atahori ro'e rae naa 'oi, ‘Rae Raa'’.^b

9 Noo ta'o naa, ara tungga saa fo Lamatualain mana 'ola-'olan Yermia nafad'e mema' nae,

11 Lele' naa atahori to'u rendi Yesus nisi' hofernor, boe ma ana naselu-bale noo Yesus nae, “Ta'o bee e? Ho ia, teb'e-teb'e' atahori Yahud'i ra Manen, do?”

Ana nataa nae, “Teb'e. Pak 'ola' naa ndaa ena.”

12 Te lele' malangga agama Yahud'i ra malangga na ra roo lasi-lasi 'ad'at ra fua sala' hetar neu Yesus, Ana nda nataa saa sa boe.

13 Basa ma hofernor natane mbali E nae, “Nda rena 'o'olan na ra sa, do? Ara fee sala' hetar neu nggo. Te ta'o bee de nda muselu sa boe?!”

14 Te Ana nda nataa mbei sa boe, losa hofernor a o heran-heran boe.

15 Tungga too, mete ma atahori Yahud'i ra tao fefeta Paska, na, hofernor a biasa mbo'i atahori bui esa fee neu se tungga sira hihii na. 16 Lele naa, atahori bui esa, naran Barab'as.^d Basa atahori rahine e, huu de'ulakan seli. 17 Fai' naa o, atahori hetar reu risi' hofernor fo ro'e ana mbo'i hendi atahori bui esa, 'ona' biasa na. Boe ma Pilatus natane se nae, “Malole! Te au mbo'i seka? Sia ia Barab'as, ma Yesus fo atahori ro'e rae, Kristus. Au mbo'i seka? Hei pili.” 18 (Hofernor 'ola' na'o naa, te ana bub'ulu' malangga agama Yahud'i ra malangga na ra rendi Yesus fee neu eni, huu mburu-oe' seli roo Yesus.)

19 Lele' hofernor fe'e paresa' ded'eat naa, ma saon haitua hara' fee neu e nae, “Ama', e! Besa-b'esa o, te Yesus nda na'ena sala' saa sa boe. Huu Yesus, de temba' au 'ulumein nda malole' sa. Losa lele' ia boe o au fe'e med'a na nda malole' sa.” 20 Te malangga agama Yahud'i ra malangga na ra roo lasi-lasi 'ad'at ra 'aka' tusu-hai atahori hetar naa ra, fo ro'e hofernor mbo'i Barab'as, ma hukun risa Yesus. 21 Basa de natane selu' se fai nae, “Mia atahori karua' ia ra, au mbo'i seka?”

Ma basa se rataa randaa rae, “Barab'as! Mbo'i 'a Barab'as!”

22 Basa ma natane se nae, “Mete ma ta'o naa, na, au tao Yesus ia ta'o bee, fo atahori ro'e rae, Kristus?”

Boe ma basa se nggasi randaa rae, “Mbaku misa Yesus sia hau nggangge' a!”

23 Hofernor natane fai nae, “Te Yesus salan saa? Au paresa' Yesus ena, te nda hambu salan saa sa boe!”

Te basa se nggasi rahere' fai rae, “Tao misa E! Mbaku E neu hau nggangge' a leo!”

24 Nda doo' sa ma, ana nahine nae, eni nda bisa tao saa sa ena, huu basa atahori naa ra rae ramue ena. Naa de ana ha'i oe de safe liman sia mata na ra, de nafad'e nae, “Au nda lemba-d'oi atahori ia mamaten sa! Hei mana lemba-d'oi!”^e

25 Boe ma basa atahori naa ra nggasi rataa rae, “Hei, hela neu! Hela fo hai moo hai umbu-ana ma ra lemba-d'oi mala raa na!”

26 Ana rena 'ona' naa, ma 'oi, “Neu.” Boe ma ana mbo'i Barab'as tungga hihii na ra. Ma ana parenda atahori mana ranea' ra, fo reu li'u Yesus rendi' ue.^f Li'u basa, boe ma sold'ad'u ra roo Yesus, de rae reu mbaku risa E sia hau nggangge' a.

27 Basa naa ma, sold'ad'u ra lea roo Yesus nisi' sira ume nenean nembeleo na. Sia naa, ro'e rala nonoo na ra batalion esa.^g 28 Boe ma ara fee Yesus pake bad'u naru dula mbila roo-roo' esa.^h 29 Boe ma, ara ha'i rala hau manggou' a longgen de hano e dad'i solo'. De ara ndeni solo mahinat naa neu Yesus langgan, de ra'amimina' 'ona' ara rae so'u mane feu' rendi' solo panggat. Boe ma ara fee Yesus to'u hau esa sia lima 'onan, 'ona' tetea parenda'. Basa ma ara sende' lulu-langga na ra mbali Yesus, ma ra'a'e'ei' E rae, “Had'a-hormat atahori Yahud'i ra mane na.” 30 Boe ma ara puras miru neu Yesus, ma ha'i teteas mia liman, de ded'eu ra'amimina' neu Yesus langga na. 31 Ara ra'a'e'ei' basa Yesus, ma ara 'olu hendi bad'u naru' a. De ara 'olu bali' Yesus bua-b'a'u na. Basa ma, ara roo Yesus kalua mia kota Yerusalem, fo reu mbaku Yesus sia hau nggangge' losa mate.

32 Lele' ara lea rendi Yesus, losa dala' talad'an ma randaa roo atahori Kirene esa nae kota rala neu. Naran Simon. Ara ra'asusuu' e nasaa nggati Yesus hau nggangge na. 33 Basa ma ara losa mamana' esa, naran Golgotaa. (Sia ded'ea Aram, sosoan nae, “Mamana langga rui'.”) 34 Sia naa ara rae fee Yesus ninu anggor mana sambor noo mod'o mana meru', naa fo Ana bisa na'atataa' mambeta' a. Yesus sob'a nala mbei ma, Ana timba hendi e.ⁱ

35 Basa ma ara mbaku E sia hau nggangge'. Boe ma sold'ad'u ra lea lot fo rae rahine seka mana hambu bua-b'a'u na.^j 36 Basa ma ara 'endo' ranea E sia naa. 37 Ara sura' sia papa' esa rae,

Boe ma ara mbaku papa' a neu Yesus langgan ata', fo nafad'e huu saa de ara hukun risa E.

38 Sia naa, ara o mbaku risa atahori na'o rua boe. Esa sia Yesus bob'oa 'onan, ma esa sia bob'oa dii na.

39 Basa atahori mana lao tungga naa, mete E. Boe ma ara penggo-ule bafa na ra ma ra'a'e'ei' E.^{k l} 40 Ara eki-randu E rae, “Hoi! Ho mae, Ho bisa ofe hendi Lamatualain Ume Hule-o'e Huun, basa fo mufefela bali' e sia 'aka' fai telu rala, to? Mete ma teb'e'-teb'e' Ho Lamatualain Anan, na, sob'a mbo'i hendi aom fo 'onda mia hau naa ata.”^m

41 Malangga agama Yahud'i ra malangga na ra, meser agama ra, roo lasi-lasi 'ad'at ra o ra'a'e'ei' E 'ona' naa boe rae, 42 “Ana fee atahori laen rasod'a ena, te Ana nda tao nasod'a nala aon sa, o. Ana 'oi, Eni atahori Isra'el ra Manen! Mete ma ta'o naa, na, malole lena' Ana 'onda mia hau nggangge' a leo. Mete ma tita ta'o naa, fo ata fe'e tamahere E ena na. 43 Mete ma teb'e-teb'e' Eni Lamatualain Anan, hela neu fo

44 Na'o karua' ra o ra'a'e'ei' E 'ona' naa boe.

45 Basa naa ma, ma'ahatu' a tatana nala mamana' naa mia reorendun losa lii' telu bob'o na. 46 Nandaa noo lii' telu bob'o na ma, Yesus nggasi nendi' ded'ea Aram nae, “Eli, Eli! Lema sabaktani?” (Sosoan 'oi, “Au Lamatua ngga! Au Lamatualain ngga, e! Ta'o bee de Ama' musud'ea lao hela Au ta'o ia?”)^o

47 Hambu atahori hira deka-d'eka sia naa rena hara na. Boe ma ara rae, “Hoi! Hei rena dei. Ana no'e Elia, Lamatualain mana 'ola-'ola ma'ahulun!” 48 Basa ma atahori esa nela-nela' neu ha'i nala lombu de boro' neu anggor ma'ei' a. Boe ma ana doso' tee a tonggon neu lombu a, de loo neu Yesus nud'un fo Ana musi.^p

49 Te atahori ruma fai 'ola' rae, “Tahani dei fo ata mete sob'a, Elia nae nema fee masod'a' neu E, do hoko'?”

50 Basa ma Yesus nggasi nahere' selu', ma 'etu hahaen boe.

51 Sia Ume Hule-o'e Huu' a, hambu teme bab'aa monae loa' esa doko-d'oko bambi Lamatualain Kama Meumare Manaseli na. Lele' Yesus hahaen 'etu boe, ma teme bab'aa' a sika hendi neu rua, mia ata' losa rae' neu. Boe ma rae a nanggenggo losa fatu monae' ra senggi.^q 52 Rates ra o tab'uka boe. Boe ma Lamatualain tao nasod'a bali atahori mana mate na ra ruma. 53 Lele' Yesus nasod'a bali', ma ara dea rema mia rates ra, de maso' risi' Yerusalem. Atahori hetar rita se mia naa.

54 Sia Golgotaa, hambu komed'an noo sold'ad'u na ra ranea Yesus hau nggangge na. Lele' ara rita raefafo' nanggenggo, noo basa manad'ad'i' ra, boe ma ara ramatau rae mate. Ara 'ola-'ola' rae, “Awii! Atahori ia, mema' teb'e-teb'e' Lamatualain Anan!”

55 Sia naa boe o hambu mama hira, mana rita Yesus mamaten mia 'a doo-d'oo'. Ara tungga E eni' a mia Galilea, te sira mana mete-se'u E eni' a dalahulu na. 56 Mia mama naa ra, Maria mia kambo Magdala, Maria esa fai (naeni Yakob'is noo Yusuf maman), ma Sab'ad'eus saon (naeni Yakob'is noo Yohanis maman).^r

57 Sia naa hambu atahori mamasu'i' esa naran Yusuf mia kambo Arimatea. Ana tungga Lamatua' Yesus nenorin doo' ena. Yesus mamaten naa, nandaa noo hari lima. Mbila' neu ma nandaa noo atahori Yahud'i ra fai hule-o'e na. Naa de lele' relo a nae mopo ma, Yusuf sangga dala' fo nae na'onda' mema' Yesus ao-sisin mia hau nggangge' a. 58 Boe ma ana neu nisi' hofernor Pilatus, de no'e Yesus ao-sisi na. De hofernor o parenda fo ara fee Yesus ao-sisin neu Yusuf boe. 59 Ma Yusuf o Golgotaa neu boe. Ana na'onda' Yesus ao-sisin mia hau nggangge' a. De ana mboti nalolole Yesus ao-sisin nendi' teme feu mafelit. 60 Lele' naa, atahori fe'e na paa basa ndola' esa sia lete fatu', fo tao mema' rates fee Yusuf noo bob'onggi na ra. De Yusuf se 'o'o Yesus ao-sisin de reu tao nisi' ndola' naa rala. Boe ma, ara lolir rala fatu monae' esa, de reu tatana malolole ndola' naa. Basa ma, Yusuf se bali'.

61 Lele' naa, Maria mia Magdala noo Maria laen o, tungga losa naa boe. Ara nggua-nggua mbali ndola' naa.

62 Mbila' neu ma, nandaa noo atahori Yahud'i ra fai hahae tao ues na. Boe ma malangga agama Yahud'i ra malangga na ra roo atahori Farisi ra reu randaa roo hofernor. 63 Ara rafad'e rae, “Pak Hofernor, hai misined'a lele' mana peko-leleko' a fe'e masod'an, ana parnaa nafad'e na'o ia: ‘Mema' Au mate, te seli fai telu, na, Au 'usod'a bali'.’^s 64 Huu naa, pak tulun denu sold'ad'u ra ranea malolole rates a losa nala fai katelu na. Noo ta'o naa, ana mana tungga na ra nda bisa ramana'o rala ao-sisin, fo leleko' atahori rae, Ana nasod'a bali' ena sa. Huu mete ma ara leleko' ta'o naa, naa de'ulaka na ra lena' fe'esa'an sira leleko na ra, lele' ara rafad'e 'oi Eni, naa Kristus.”

65 Hofernor rena ta'o naa, ma ana nataa nae, “Malole! Te hei o mi'ena atahori mana manea' boe. Malole lena' denu se, fo reu ranea matalolole mamana' naa.”

66 Basa ma ara reu sia mamana' naa, de roo sira atahori mana manea na ra. Losa naa, ma ara segel risa fatu neu rates lelesu na.^t Boe ma ara denu atahori naa ra ranea rakandoo mamana' naa, fo atahori fea' ra 'afi' rema ramana'o ao-sisi' naa.