7 Rona nola nunia, na'in nawan sa'e tebe-tebes. Nia naruka sondadu sia baa no'o ema mak no'o atan sia. Hotu sondadu nia sia moos sunu kota nia to'o weer baa rai.

8 Hotu na'in nia bolu nola atan seluk sia, nodi katak baa na'ak, ‘Dahur tetuk ti'an, mais ema mak ha'u kamata ti'an sia, la fatan tuir ha'ukaan dahur. 9 Oras ne'e, emi sai baa dalan sia, hamata hola se-see dei mak emi hasoru hola iha nia.’ 10 Hotu ata nia sia sai baa dalan. Sia nodi mai ema wa'in, to'o ema di'ak no ema aat nakonu nola dahur fatin nia.

11 Hotu na'i nia tama baa dahur fatin nia atu naree niakaan bainaka. Nia titu-naree bainaka ida mak la tau tais dahur. 12 Hotu na'in nusu na'ak, ‘Hoi maluk! Tan saa o tama iha ne'e, la tau tais dahur?’ Mais ema nia la nataa. 13 Hotu na'i naruka kedan niakaan ema serwisu sia na'ak, ‘Futu ema ne'e ain-liman, soe baa luan. Habusik nia tanis no susar iha fatin makukun nebaa.’”^a

14 Dale notu nunia, Yesus natuka lia hatetek nia na'ak, “Nunia moos Na'i Maromak. Nia bolu ema wa'in. Mais ema na'in hira dei mak fatan dadi baa Niakaan eman.”

15 Nunia ti'an, ema Farisi sia baa kabuar lia atu buka Yesus ain nodi tula lia baa Nia. 16 Hotu sia naruka siakaan ema no ema nosi partee Herodes, baa bele-bele nusu lia baa Yesus. To'o Yesus baa, sia mose Nia na'ak, “Ama Manorik! Ami hatene Ama neon loos. Ama la natene tolek, no la fihir oin. Ama moos nanorin Na'i Maromak dalan moris nodi loos. 17 Oras ne'e, ami atu husu lia ida: Tuir itakaan ukun-badu Yahudi, ita musti selu bea baa liurai Roma ka lale?”

18 Mais Yesus natene na'ak, sia atu rai di'a baa Nia, nebee dale sakar liurai Roma. Tan lia nia, Nia nataa na'ak, “Etuk oin emi ne'e, ema oin-kotuk! Nansaa emi buka Ha'ukaan ain hodi lia nia? 19 Hatudu kokon osan murak tomak ida mak emi hodi selu bea!” Sia moos natudu osan murak tomak ida baa Nia.

20 Hotu Nia nusu baa sia na'ak, “Ne'e, see niakaan oin? Ne'e, see niakaan naran?”

21 Sia nataa na'ak, “Nia, Keser, mak liurai Roma.”

Hotu Yesus katak baa sia na'ak, “Kalo nunia, foo baa ukunrai saa mak ukunrai niakaan. No foo baa Maromak saa mak Maromak Niakaan.”

22 Rona nola Yesus nataa nunia, sia hotu-hotu blaar karin, tan saa mak Yesus dale nia, makonak. Tan sia la bele nahonu nola Yesus, sia moos la'o nela Nia.

23 Baa loron nia moos, ema nosi partee Saduki mai baa Yesus. Ema Saduki sia nanorin na'ak, nosi ikus baa oras rai falu fila, ema mak mate ti'an la moris nikar ona. Hori hirak nia, sia mak buka dalan atu nadi'a Yesus, mais la bele. Tan baa nia, sia mai nusu tenik lia baa Nia na'ak,^b 24 “Ama Manorik! Bei Musa nakerek nela baa ita ema Yahudi, ukun-badu ida na'ak: kalo mane ida mate nela feen, mais la noo oan, alin musti nola feto faluk nia, nebee foo husar-binan baa maun mak mate nia.^c 25 Uluk Bei Musa nanorin nunia tebes. Mais noo lia ida nune'e: Noo mane maun-alin na'in hitu. Mane ulun nola feen, hotu mate mais la noo oan. Hotu alin mak tuir nia, nola nikar feto faluk nia. 26 La kleur falik, alin nia moos mate la noo oan. Nunia tenik, alin susu dala rua, nola feto faluk nia, mais nia moos mate la noo oan. Nunia bei-beik to'o alin ikun moos mate. 27 La kleur feto faluk nia moos mate.

28 Oras ne'e ami atu husu nune'e: Feto nia nola mane na'in hitu ti'an. Nosi ikus baa oras rai falu fila, kalo Na'i Maromak nalo ema mak mate ti'an moris nikar, feto nia dadi mane mak nabee feen?”

29 Rona nola nunia, Yesus nataa na'ak, “Kalo emi husu nunia, emi sala ti'an! Emi la hatene Hakerek Moon lia isin. Emi moos la hatene Na'i Maromak beran! 30 Rona! Lia loos mak ne'e! Na'i Maromak Niakaan makbukar lale'an la nola malu. Oras rai falu fila Na'i Maromak atu nalo ema mak mate ti'an moris nikar. Mais sia la nola malu ona, hanesan Niakaan makbukar lale'an sia.

31 Ha'u moos kalore tenik kosi lia ema mak mate ti'an bele moris nikar ka lale. Iha Hakerek Moon, no lia nosi lia ne'e. Emi sei la leno dauk ka? Iha nia Na'i Maromak katak baa Bei Musa na'ak,

Kalo ita leno nunia, ita hatene ha'ak, baa oras Na'i Maromak dale nunia, bei nia sia mate kleur ti'an. Masik nunia moos, Na'i Maromak katak na'ak, sia sei lo'u-sudur baa Nia. Lia nia na'ak, siakaan kmalar sei moris. Dadi, masik ema mate ti'an, bele moris nikar.”^d

33 Rona nola Yesus nanorin nunia, ema Saduki nia sia la bele nataa sa-saa tenik. Mais ema lear mak iha nia blaar karin nodi dale na'ak, “Ema ne'e nanorin maka'as basuk!”

34 Baa oras ema Farisi sia natene na'ak ema Saduki sia la bele nataa sa-saa tenik baa Yesus, sia moos naklibur buka dalan nebee buka Yesus ain. 35 Sia solok siakaan ibun-nanaan matenek ida atu baa nahonu Yesus. To'o ti'an, nia katak na'ak, 36 “Ama Manorik! Ha'u atu kusu nune'e: Itakaan ukun-badu nosi Bei Musa, wa'in to'o. Nosi ukun hotu-hotu nia, ukun nabee mak boot kaliuk?”

37 Yesus nataa na'ak, “Ukun mak boot kaliuk nia, mak ne'e:

38 Ukun nia mak boot kaliuk no maka'as kaliuk! 39 No tenik ukun dala rua mak ne'e:

40 Ukun rua ne'e huun nosi Bei Musa niakaan ukun-badu no mako'an seluk siakaan hanorin hotu-hotu. Ema la bele tuir ukun seluk, kalo la tuir uluk ukun boot rua ne'e.”^g

41 Baa oras ema Farisi nia sia sei libur malu iha nia, Yesus nusu baa sia na'ak, 42 “Hori uluk aan Na'i Maromak nameno ti'an atu solok Kristus, nebee sori Niakaan ema sia. Tuir emi, Kristus nia, see husar-binan?”

Sia nataa na'ak, “Na'i Daud husar-binan.”

43 Hotu Yesus dale tenik na'ak, “Kalo nunia, tan saa Na'i Maromak Kmalar Lulik katak baa Na'i Daud, nebee nia temi Kristus na'ak ‘Na'i’? Tan Na'i Daud nakerek ti'an na'ak,

45 Nosi hakerek nia, ita bele hatene ha'ak Na'i Daud du'uk temi Kristus na'ak, ‘Na'i’. Tan lia nia, kalo ema na'ak Kristus Na'i Daud husar-binan loos dei, lia nia sei la to'o dauk! Tan Nia moos Na'i Daud Na'in.”

46 Rona nola Yesus dale nunia, ema Farisi sia no-nook dei, tan la noo ema ida kois mak bele nataa Yesus. Nahuu nosi loron nia, sia la naksakar aan tenik atu nahonu kokon Nia.