2 Au bisa afada la'e-neu' lahenda ia ra hada-pariin: ara makate tuka Manetualain. Leo mae ara makate leo' naa, tehuu ara ta bubulu' eno matetu' a. 3 Nana huu ara ta bubulu' eno' fo tao na lahenda bisa malole ro Manetualain. Huu ria naa, ara soi ao nara eno', fo soba-soba nau malole ro Ni. No ria naa, ara ta ramanene neu' Ana.

4 Kalu lahenda tao tuka noi atoran na, fo ela Manetualain sipo' asa, sona ria bei ta namano'u-namadai. Huu ria naa, Kristus tao natetu Manetualain atoran nara, ela ita bisa malole to Manetualain. Basa lahenda fo ramahere Kristus, bisa malole ro Manetualain.

5 Fai a ulu na ba'i Musa natudu eno' nai Susura Makamoi' a, ela lahenda bisa malole ro Manetualain, sadi ara tao tuka Manetualain Atoran Nara katema'. Ana dui' nae, “Lahenda fo tuka Atoran ia ra katema', neu' ko ara hapu soda' roo-tetu'.”^a

6 Tehuu Manetualain Susura Makamoi Na natudu eno feke' nae, lahenda bisa malole ro Manetualain sadi ara ramahere Kristus. Mana dui' nae, “Boso' matane mae, ‘Bea ri' bisa ae leo nusatetu-ikutema' a neu?’” (Ria nonoo' leo lahenda nau ae neu nafada Kristus nae, ita lahenda dae-bafo' a tahii' Ana onda mai ela po'i-tata na ita.) 7 Susura Makamoi' a boe mana dui' nae, “Boso' matane mae, ‘Bea ri' nau onda leo Bolo Naraka neu, nai lahenda mana mate' ara mamana naa?’” (Ria nonoo' leo lahenda nau onda neu fo no Yesus ae fali' neme mamate Na mai ela po'i-tata na ita.)

8 Ta parluu leo naa'! Huu fo Susura Makamoi' a nafada basa la'e-neu' Manetualain hehelu Na. “De hehelu' ria nai emi matam, nai emi bafam ma nai emi dale mara.” Hehelu' fo ri' ita tafada lahenda tae, “Kalu emi nau hapu popo'i-tatata', sona muste mamahere Kristus.”^b 9 Kalu o manaku mae, “Yesus nana, au Ramatuak fo ri' nanuu haak pareta au,” ma o mamahere nai dale ma mae, Manetualain fee Yesus nasoda selu' neme mamate Na mai, sona Manetualain po'i-tata na o meme sala-siko ma. 10 Kalu o tebe-tebe mamahere Kristus nai dale ma, sona Manetualain tao o neu' lahenda dale roo-tetu' fo malole mo Ni. Ma kalu o manaku mae, Yesus dadi neu' o Ramatuam fo ri' nanuu haak pareta o, sona Manetualain po'i-tata na o meme sala-siko mara. 11 Nai Manetualain Susura Makamoi Na mana dui' nae, “Lahenda fo namahere Manetualain, neu' ko ta mae', huu fo Manetualain nau tao nadadi' basa hihii-nanau' fo Ana nafada a.”^c 12 Lahenda Yahudi, ma lahenda fo ta Yahudi ra, sama. Ta esa' ko enon. Huu fo Ramatua' noi esa' a, ma Ana dadi Ramatua' soa-neu' basa lahenda nusa'. Ana natudu dale malole Na soa-neu' basa lahenda fo ri' hule tutulu-fafali' neu' Ana. 13 Sama leo' mana dui' nai Susura Makamoi' a nae, “Basa lahenda fo hule tutulu-fafali' neu' Ramatua' a, neu' ko Ana po'i-tata na si reme sala-siko nara mai.”^d

14 Tehuu tao leo' bea fo lahenda bisa hule tutulu-fafali' neu' lahenda esa, kalu ara bei ta ramahere ni? Ma tao leo' bea fo ara bisa ramahere ni, kalu ara bei ta parnaa ramanene la'e-neu' ana? Tao leo' bea fo ara bisa ramanene la'e-neu' ana, kalu lahenda ta nafada si? 15 Tao leo' bea fo ara bisa rafada lahenda, kalu ta hapu esa nadenu si leo' naa? Nai Susura Makamoi' a mana dui' nae, “Kalu lahenda neni tutui malole mai, sira mamain ria, malole na seli!”^e

16 Tehuu emi bubulu' lahenda Israel ruma ta nau ramanene Manetualain Tutui Malole Na. Manetualain mana nesi matan Yesaya dui' nae,

17 De Lahenda muste ramanene la'e-neu' Kristus dei, besa' ko bisa ramahere Ni. Ma muste tui-beka Manetualain Hara-dasin dei, besa' ko lahenda bisa ramanene.

18 Au atane soba, leo ia': bate emi afi mae, lahenda Israel ara ta parnaa ramanene la'e-neu' Kristus, do? Tantu ara ramanene so! Sama leo' mana dui' neme ulu' mai nai Manetualain Susura Makamoi Na dale' nae,

19 Au atane selu' hihii-nanau' esa ae, “Lahenda Israel ara ta bubulu' Manetualain eno Na, do?” Ta'a! Ba'i Musa nana, lahenda masososa' fo dui' la'e-neu' hihii-nanau' ria nae, Manetualain nafada lahenda Israel ara leo ia':

20 Nai mabui ba'i Yesaya naparani dui' la'e-neu' lahenda fo ta Yahudi nae,

21 Tehuu la'e-neu' lahenda Israel, Manetualain nafada nae leo ia':