Hambu hataholi nai salanik dale nakaminak inak
5
Au amanene lae, hambu hataholi esa nai ei salanik dale nakaminak inak. Naa te ana taok ndia, manggalaun lena hataholi fo ta mana malelak Manetualain. Huu nambue sunggu no ndia ina mbala hehelin.a 2 Tehuu ei koaom bali, leo ei salanin kada malole! Teteben, ei musi mae, ma mameda susa. Hataholi leo ndiak ndia, ei musi husi henin neni dook neu!3 Mae ita tamadodook esa no esa, tehuu au daleng nai ei. De au aketu hataholi manggalauk dede'an so, sama leo au nai ndia memak. 4 Au aena haak fo aketun leo ndiak, huu Yesus dadik ita Lamatuan, ma au ia, Ndia nadedenun. De ei musi manggatuuk makabubua, fo maketu dede'ak ndia, minik Lamatuak naden. Ma au daleng sama-sama no ei boe. 5 De ei musi fee hataholi ndia neu nitu la malanggan, fo suek doo-doo boe ma hataholi ndia nggali heni dede'a manggalauk, manai ndia dalen. Mete ma ita Lamatuan fali main, na, dei fo Ana bisa nasala'e nala hataholi ndia neme sala-singgon nala mai.
6 Ta malole mete ma ei kokolak koaok. Boso mafalende mae, ita seseok kada lalu teik faa, fo tao natafuu loti katemak. Lalu teik ndia, sama leo hataholi manggalaun. Boe ma mete ma mbo'in ana tao manggalauk nai ei laladam mala, na, dei fo hataholi salani fe'ek kala boe oo, tungga tao manggalauk.b 7 Husi heni hataholi manggalauk ndia neme ei salanim mai, sama leo makahulun hataholi Yahudi la nggali heni basa lalu teik neme sila uman mai, fo sadia la'a feta Paska. No leo ndiak, bei fo ei bisa dadi masafali leo hataholi fo ta naena manggalauk bali nai dalen dale. Ei musi dadik leo ndiak. Makahulun, ala hala bi'i-lombo ana fo salan ta faa boe, fo tao tunu-hotu Paska. Nai fai makabuin ala tao lisa Manetualain Hataholi Malalaon, dadik tunu-hotuk fo tao nalalao ita dalen.c 8 Makahulun, hataholi Yahudi la'a feta Paska lenik loti ta pake lalu teik. Hatematak ia, ita sama leo loti ndia fo ta pake lalu teik. Huu ndia de ita musi tanea aok, fo boso tao dede'a manggalauk kala, ma boso tao hataholi fe'ek kala dalen hedis. Ita musi kokolak ndoos takandoo. No leo ndiak, hataholi lita lae, ita tao basa-basan tungga ita dale malolen.d
9 Makahulun, au sulak itak susulak ae, “Boso seseok mua hataholi fo mana tao eok no hataholi fo ta sila saon.” 10 Au ta aena maksut, fo ei boso seseok mia basa hataholi manai dae-bafok ia, fo ta mbali Manetualain do, hataholi balena'o do, hataholi masapepekok fo pepeko nala hataholi buan do, mana songgo la. Huu mete ma leo ndiak, na, ei musi makadodook mia basa hataholi manai dae-bafok ia. 11 Tehuu hatematak ia, au kokolang ia, na ndia: ei boso seseok mia hataholi fo nae, ndia dadik salanik, naa te ana tao eok do, balena'o do, mana songgo do, kokolak naboboo hataholi naden do, mana mafu funak do, nasapepeko, fo sangga ha'i nala hataholi buan. Ita boso seseok to hataholi mata leo ndiak kala. Boso manggatuuk mu'a mua sala bali!
12 Ei maena haak fo timba-tai hataholi salanik kala sodan. Tehuu au ta aena haak fo aketu dede'ak fee hataholi fo ta namahele neu Manetualain. 13 Huu Ndia mesak kana dei fo naketu dede'ak fee hataholi fo ta namahele neu Ndia. Tehuu ei boso mafalende Manetualain Susula Malalaon sulak nae, “Hataholi mana seseik aon dadik Manetualain hataholin, tehuu nambue tao dede'a manggalauk, na, kada husi henin!”e