Sasue dhu lèke
13
Ladhe sèmi ja'a bisa padhai lii pake lii aa'i-aa'i, nèti dhèu rai-haha do, lii nèti ana pajuu Lamatua nèti sorga, te ngaa dènge boe sasue ciki sa ètu d'ara ja'a, kolo-karisi na ngaa? Lii padhai ja'a sèra mola mèu lao, sama sèmi babha dhu lii cère-cère, do nuka sèmi dere dhu lii dhèru-dhèru di. 2 Ladhe sèmi ja'a dènge karunya ho lole peka lii moa Lamatua mi dhèu unu Na, aa dhu ke'a aa'i rahasia, dènge ke'a aa'i j'ara-j'ara dhu dhèu d'èlu-mèu se re'a, aa ladhe lalèka ja'a èra mi Lamatua toke ja'a bisa pahari eele ledhe nèti era na, te ngaa ja'a dènge boe sasue ciki sa, na, gaguna na ngaa? Rui-j'aj'èra ja'a guna boe mi ngaa èci sa.a 3 Ladhe ja'a pahie eele aa'i mèdha-panyau ja'a, ho sèna ka kab'ua ra panga'a dhèu unu aad'o, do, soro ngi'u ja'a sèna ka j'aj'i mi korban,b te ngaa ladhe ja'a dènge boe sasue ciki sa, gaguna na ngaa? Ja'a dènge boe j'ara dhu tao ja'a nged'e. Te sèra sa parcuma! Guna boe ngaa-ngaa.4 Te sasue èèna, d'ara taleo.
Sasue èèna, lii mako.
Sasue èèna, d'ara kura boe.
Sasue èèna, padedha boe iisi.
Sasue èèna, pamone-pabhèni boe.
5 Sasue èèna, lii sakaa boe.
Sasue èèna, neo boe pasegi ngi'u unu na.
Sasue èèna, nasa malai boe.
Sasue èèna, tèka boe d'ara.
6 Sasue èèna, karej'e dènge ngaa dhu lèke,
aa d'èi boe bia ca bèka.
7 Sasue èèna, taha taruu ètu d'ara madha j'ara aa'i-aa'i.
Sasue èèna, parcaya taruu.
Sasue èèna, sanao-maena taruu.
Sasue èèna, ma'ète boe.
8 Sasue dènge boe too-lane.
Te, ngaa dhu dhèu rèti lii padhai Lamatua peka le, nèbhu-nèbhu parluu heka. Aa dhu dhèu padhai pake lii rupa-rupa, bèli-camèd'a parluu heka kahèi. Aa ladhe ngaa dhu dhèu d'èlu-mèu sèra re'a, nèbhu-nèbhu guna heka kahèi. 9 Limuri ne dhu te'a dhoka ciki oo'e di. Aa ladhe èdhi j'aj'i dhèu tèti lii padhai Lamatua, èdhi peka dhoka j'ara dhu dhae tesa mèka. 10 Te ngaa ropa d'ai ka lod'o na, aa'i-aa'i sèra tesa dhe'i-dhe'i. Lod'o èèna j'ara-j'ara dhu tesa mèka, guna heka mi ngaa èci sa.
11 Conto sèmi: lod'o ja'a ana iiki era, ja'a padhai lii sama sèmi ana iiki. Ngangee ja'a sama sèmi mia dhu ana iiki pangee. Te ngaa limuri ne, ja'a dhèu ee'a le. Nèti èèna ka, tatao ja'a sèmi heka ana iiki.
12 Conto leo: limuri ne, èdhi tèdhi rango-rango era, dhae mèu iia mèka, nuka sèmi èdhi ladhe asa d'ara tèru dhu ahu. Te ngaa nèbhu-nèbhu pe aa'i-aa'i se mèu aadha-aadha, nuka sèmi èdhi ladhe padètu iiki-iiki ètu madha èdhi. Ne'e ne, ja'a ke'a dhoka ciki di. Te ngaa nèbhu-nèbhu bisa ke'a aa'i, nuka sèmi Ama Lamatua ladhe madhore d'ai adhe-usu ja'a.
13 De limuri ne, abhu tèlu j'ara dhu èdhi hud'i tao, dhu taha taruu. Nuka:
èdhi hud'i parcaya taruu Lamatua;
èdhi sanao-maena taruu, na, pe Lamatua ator aa'i-aa'i j'aj'i be'a;
aa èdhi hud'i pasue taruu.
Nèti tèlu j'ara se, dhu dedha risi ka, sasue. Lula sasue ka dhu hua risi nèti aa'i-aa'i.