Osan mak ema foo atu nodi tulun Kristus eman sia iha Yerusalem
16
Oras ne'e, ha'u atu kakerek kosi osan mak emi atu libur hodi tulun Kristus eman susar sia iha Yerusalem. Ha'u kalore ti'an baa hutun sarani sia iha rai Galilea ka'ak, sia musti libur osan nia oin nunabee. Oras ne'e emi moos musti halo tuir nune'e:a 2 Sura loron boot, emi ida-idak musti rai osan oan ida nosi serwisu isin. Keta hein ha'u kmai lai, foin hahuu libur osan. 3 Kalo ha'u kmai ti'an, emi boi hola ema na'in hira mak emi fiar, nebee sia nodi osan nia baa Kristus eman sia iha Yerusalem. Ha'u kbele kalo hakerek atu kodi katak maklituk hutun sarani sia iha nebaa. 4 Mais kalo emi ha'ak, di'ak liu ha'u moos tuir, ha'u moos kakara. Ami bele baa ho emi.Paulus nakara baa kota Korintus
5 Ha'u kbeer baa karee emi, mais ha'u ksei baa uluk Makedonia. Ha'u kakara la'o kasirin rai Makedonia lai,b 6 foin ha'u kmai emi, nebee kein kleur oda ko emi. Arumak ha'u kein to'o oras rai udan siku. Hotu, emi bele tulun ha'u baa fatin ida seluk. 7 Ha'u kakara kein ko emi, lahoos oras dei, mais kleur oda, kalo Na'i Maromak nakara. 8 Mais sei kakara kein iha kota Efesus ne'e, to'o loron boot Pentakosta. Loron boot nia, loron lima nulu siku loron boot Paska.c 9 Masik ema wa'in sakar Kristus iha ne'e moos, sei noo leet wa'in mak furak basuk, bodik ha'u kserwisu bodik Nia iha ne'e.d
10 Kalo Timotius mai baa emi ti'an, simu nia di'a-di'ak, nebee nia lalika naneo oi-oik. Nia moos itakaan Na'in eman serwisu nu'u ha'u.e 11 Keta foo leet ema naraik nia. Tulun nia, to'o nia fila nikar mai di'a-di'ak. Tan ha'u ko mamaluk rumak sia hein nia.
12 Noo lia ida tenik. Ha'u kamaus itakaan maluk Apolos, nebee nia baa matan emi no mamaluk rumak sia. Mais to'o baa oras ne'e, nia sei la no'uk baa. Hein baa dei, to'o noo leet di'ak, foin nia tone.
Hanono baa malikuk ema sarani sia
13 Daka aan di'a-di'ak! Haterus aan hodi fiar bei-beik baa Na'i Maromak! Keta hata'uk! Hakbiit aan! 14 Halo sa-saa dei, musti hatudu emikaan dadomin.
15 Mamaluk sia! Emi hotu-hotu hatene ha'ak, mau Stefanus no niakaan uma kain dadi ema dala uluk mak fiar baa Kristus iha emikaan rai Akaya nebaa. Sia serwisu susi ruin atu naliku ema makfiar hotu-hotu iha nebaa. Tan baa nia, ha'u kusu nebeef 16 emi hanono baa sia no ema seluk mak serwisu bele-bele no sia atu naliku emi.
17 Ha'u neon boot, tan mau Stefanus, mau Fortunatus, no mau Akaikus mai iha ne'e. Ha'u kbeer basuk atu karee emi, mais oras sia mai, nu'u sia seluk emi. 18 Sia nakbiit ha'ukaan neon, nu'u sia moos nakbiit emikaan neon. Ita musti hakneter ema oin nunia sia.
Paulus solok tabe
19 Hutun sarani sia iha rai Asia solok tabe baa emi. Ma'u Akila no feen bii Priskila,g no ema hotu-hotu mak naklibur iha siakaan uma moos solok tabe baa emi. Sia no ita talin malu bele ho itakaan Na'in.h 20 Ema makfiar hotu-hotu iha ne'e moos solok tabe.
Oras emi haklibur, foo tabe baa malu hodi de'i kabaas mak fatan bodik ema makfiar sia.
21 Haree kokon lai! Ha'u, Paulus kodi liman du'uk kakerek lia tohar rohan ne'e: Dame!
22 See mak la nadomi itakaan Na'in, Na'i Maromak kastikar nia.
Ha'u kakara foo tabe baa ema kodi ami ema Yahudi lian, lia Aram ka'ak, “Marana ta!” Lia isin na'ak, “Na'i Yesus! Ita Boot mai ona!”
23 Ha'u kakro'an nebee Yesus, itakaan Na'in, natudu laran di'ak baa emi.
24 Ha'u kadomi emi hotu-hotu, tan ita bele-bele talin malu ho Kristus mak Na'i Maromak solok mai ti'an nia.
To'o ne'e dei.
Nosi ha'u,
Paulus