Lia dadomin
13
Masik ita simu babelen atu dale hodi ema raiklaran lian hotu-hotu no makbukar lale'an lian moos, mais ita la hadomi ema seluk, itakaan babelen nia la noo folin. Itakaan dale nia mamuk, hanesan tala lian no ton lian mak la noo isin. 2 Masik ita simu babelen atu dadi Maromak mako'an hodi hato'o Niakaan mamenon, mais ita la hadomi ema seluk, itakaan babelen nia la noo folin. Masik ita simu matenek to'o hatene lia subar hotu-hotu no lia seluk hotu-hotu moos, mais ita la hadomi ema seluk, itakaan matenek nia la noo folin. Masik ita fiar biit baa Na'i Maromak to'o bele lori foho sia moos, mais ita la hadomi ema seluk, itakaan fiar nia la noo folin.a 3 Masik ita fa'an mohu itakaan sasoin, hotu fa'e osan hotu-hotu hodi hahaan ema mukit sia moos, mais ita la hadomi ema seluk, itakaan hahalok nia la noo folin. Masik ita latan itakaan isin lolon dadi baa sera to'o mate moos,b mais ita la hadomi ema seluk, itakaan moris nia la noo folin. Ita la bele foti aan kedan, tan butan dei.4 Ita hadomi ema seluk, ne'e na'ak, ita halo lia kabaas bodik sia.
Ita hetu aan.
Ita la tinu.
Ita la haksa'ek aan.
Ita la loko aan.
5 Ita foo kneter.
Ita la buka tuir itakaan beer du'uk.
Ita la nawan aat.
Ita la rai hirus.
6 Ita la simu hahalok kli'is,
mais ita neon di'ak baa hahalok moon.
7 Masik ema nalo ita nunabee moos, ita simu hodi hadomi sia.
Ita fiar sia nohuun.
Ita haloon bodik sia nohuun.
Ita hadomi sia nohuun.
8 Tan lia dadomin mak nafati nohuun.
Mais kalo ita simu babelen atu hato'o Na'i Maromak mamenon, kleu-leur babelen nia la noo folin ona. Kalo ita simu babelen atu dale hodi lia oi-oik, kleu-leur babelen nia la noo folin ona. Kalo ita simu matenek, kleu-leur lia nia la noo folin ona. 9 Oras ne'e, itakaan matenek oan ida dei. Itakaan babelen atu hato'o Na'i Maromak mamenon moos oan ida dei. 10 Nosi ikus, oras Na'i Maromak natetu hotu-hotu, lia mak ki'ik oan nunia, la noo folin ona.
11 Ha'u katete nune'e: oras ha'u ksei lawarik oan, ha'u kaneo ahan lawarik oan. Ha'u moos dale ahan lawarik oan. Mais oras ne'e, ha'u kdadi matas ti'an. Etuk, ha'u la kalo aan ahan lawarik oan tenik.
12 Ha'u katete seluk tenik nune'e: oras ne'e, ita ahan ema mak haree hodi lalenok kadoor, tan saa mak ita haree sei la malorek dauk. Mais kleu-leur, hotu-hotu atu dadi malorek, to'o ita haree hanesan haree besik oin. Oras ne'e, saa mak ha'u katene, oan ida dei. Mais kleu-leur, ha'u kbele katene mohu, hanesan Na'i Maromak moos natene mohu ha'u.
13 Oras ne'e, noo lia oik tolu mak nafati nohuun. Lia nia sia mak ne'e:
Ita musti fiar nohuun.
Ita musti haloon nohuun.
Ita musti hadomi malu nohuun.
Nosi lia oik tolu ne'e, lia dadomin mak folin kaliuk.