3 Ha'u kaloon baa itakaan Ama Maromak no itakaan Na'i Yesus Kristus, nebee natudu laran di'ak baa emi, nebee emi bele moris manek no dame.

4 Loron-kalan ha'u tonu ha'ukaan Maromak tan emikaan fiar! Tebes! Na'i Maromak natudu laran di'ak baa emi, tan emi fiar baa Yesus Kristus mak Nia solok mai ti'an nia. 5 Tan emi talin malu ho Kristus, Nia foo babelen oi-oik bodik emi atu hodi hala'ok Niakaan serwisu. Hodi nunia, Nia nasoi emi to'o emi matenek hatutan lia Kristus baa ema, no matenek halore Niakaan dalan moris. 6 Lia nia sia foo tadak na'ak, hanorin nosi Kristus mak ami hato'o ti'an baa emi, nahabut le'an iha emikaan neon, tan emi fiar ha'ak, hanorin nia, tebes no loos. 7 Emi moos simu ti'an babelen no matak-malirin nosi Na'i Maromak. Ne'e na'ak, emi nakonu no matak-malirin ti'an, oras emi hei-hein itakaan Na'in Yesus Kristus, natadu aan mai nikar. 8 Nia nakbiit emi atu bele haterus aan, to'o oras Nia mai nikar raiklaran ne'e, emi bele hariik iha Niakaan oin hodi neon moos. 9 Na'i Maromak nanis nala'ok lia mak Nia nameno, tan Nia loke dalan ti'an baa emi nebee bele moris kre'is ho Niakaan Oan Yesus Kristus, itakaan Na'in.

10 Mamaluk sia! Oras ne'e, ha'u kusu emi tebe-tebes kodi itakaan Na'in Yesus Kristus naran, nebee hanawa toe malu ona. Harui aan, nebee moris neon mesak. Keta sasa karin malu. Hanoin halo naruk bele-bele nebee emikaan lala'ok, oin mesak.

11 Ha'u kdale nunia, tan ketan lia kosi Bii Kloe eman mak mai nosi kota Korintus. Sia nasa'e lia baa ha'u na'ak, emi toe malu nohuun. 12 Emi balu ha'ak, “Ha'u ne'e, Paulus eman!” Balu na'ak, “Ha'u ne'e, Apolos eman!” Balu moos na'ak, “Ha'u ne'e, tuir Petrus!”^b Balu tenik na'ak, “Ha'u ne'e, rona baa Kristus dei!”^c

13 Mamaluk sarani bele nunia ka? Kristus familin bele sasa karin malu ka? Arumak, emi haneo ha'ak, ha'u mak mate iha ai karuus bodik emi ka? Arumak, baa oras emi simu sarani ema nodi ha'ukaan naran natama emi dadi baa ha'ukaan ema ka? Lale! 14 Ha'u ktonu Na'i Maromak tan oras ha'u ksei ko emi, ha'u la ksarani ema. Ha'u ksarani mau Krispus no mau Gayus mesan.^d 15 Hodi nunia, la noo ema ida mak bele na'ak, “Paulus sarani ha'u nodi niakaan naran, nebee ha'u kdadi baa niakaan ema.” 16 (Hoi tebes! Ha'u kfoin kanoin ka'ak, uluk ha'u moos sarani ema balu nosi Stefanus familin. Mais kalu'a ti'an arumak ha'u moos sarani ema seluk.)^e

17 Kristus solok ha'u lahoos atu sarani ema, mais atu kato'o Niakaan Lia Di'ak baa ema. Nia la nakara ha'u kala'ok serwisu nia kodi ha'ukaan matenek du'uk. Tan kalo kodi matenek du'uk, ha'u kamamuk beran nosi lia Kristus mate iha ai karuus.

18 Oras ami dale hosi Kristus mate iha ai karuus, ema balu naneo na'ak, lia nia momok lian dei. Mais ema oin nunia, siakaan moris dalan nodi sia baa ha'i naraka. Oras ita rona lia Kristus mate nia, ita du'uk haneo ha'ak, lia nia nalore Maromak beran atu sori ita. 19 Ne'e, hanesan lia mak uluk Maromak dale nodi mako'an Yesaya na'ak,

20 Tebes. Masik ema raiklaran siakaan matenek oin nunabee moos, Maromak filak na'ak, momok. Nia fokit mohu siakaan kakutak mak nahabut baa raiklaran, to'o la folin.^g

21-22 Mais Maromak Niakaan matenek, maka'as kaliuk. Masik ema raiklaran siakaan matenek oin nunabee moos, sia la bele nodi sukat Maromak. Maromak nodi Niakaan matenek foo dalan bodik ema raiklaran no sori sia nosi sala. Hori uluk, Nia nakotu ti'an atu solok Niakaan ema sia atu nato'o lia nia baa ema hotu-hotu, nebee sia bele fiar baa Nia. Nia nanoin na'ak, “Masik ema raiklaran filak Ha'ukaan ema sia na'ak, momok moos, Ha'u ksolok sia bei-beik atu baa keke Ha'ukaan lia loos.”

Tebes. Ema raiklaran sia la simu Na'i Maromak eman ne'e sia. Sia moos nafolin Maromak dalan na'ak, momok basuk. Ema Yahudi wa'in la simu, tan sia nakara loos tadak blaar atu naree Maromak beran. Ema Yunani wa'in la simu, tan sia nakara rona loos lia matenek mak tama baa siakaan kakutak du'uk. 23 Masik nunia moos, ami baa katak bei-beik ha'ak, “Na'i Maromak solok Kristus ti'an. Hotu ema nedi no'o Nia baa ai karuus.” Oras ema Yahudi sia rona lia nia, sia la simu, tan sia naneo na'ak, kalo Na'i Maromak solok tebes Ema ida mai, Ema nia la bele mate. Oras ema Yunani sia rona lia nia, sia moos la simu, tan sia naneo na'ak, “Lia ne'e, momok!” 24 Mais ita lahoos nu'u sia. Na'i Maromak boi kedan ita dadi baa Niakaan ema. Ita balu ema Yahudi, balu ema Yunani. Ita fiar baa Kristus tan hatene ha'ak, Nia natudu Maromak beran boot no Maromak Niakaan matenek mak maka'as kaliuk. 25 Dadi, masik ema raiklaran na'ak Maromak dalan nia momok moos, Maromak matenek liu sia. Masik sia na'ak, Nia la noo beran moos, Niakaan beran boot liu sia.

26 Mamaluk sia! Nebee emi bele hatene ha'u kdale ne'e, emi ida-idak hanoin du'uk niakaan tuur-hariik uluk, baa oras Na'i Maromak boi emi nalo baa Niakaan ema. Tuir ema raiklaran hanoin, iha emikaan leet la noo ema boot wa'in, la noo ema maksoin wa'in, la noo ema mahoo naran wa'in. 27 Mais Na'i Maromak boi ema mak ema raiklaran nafolin na'ak momok, atu nodi namoe ema mak nafolin aan matenek. Nia boi ema mak ema raiklaran nafolin na'ak beran lalek, atu nodi namoe ema mak nafolin aan noo beran boot. 28 Nia boi ema ki'ik mak la noo naran, atu nodi naraik ema raiklaran mak naboot aan. 29 Nosi ikus, baa oras ema hotu-hotu nariik nodi nataa baa Na'i Maromak, la noo ema ida kois mak basa karas na'ak, “Na'i Maromak boi ha'u, tan ha'ukaan maka'as.”

30 Na'i Maromak loke dalan nebee ita bele talin malu ho Yesus Kristus. Tan baa nia, ita bele di'ak hikar ho Na'i Maromak. Ita bele hatene Niakaan matenek. Ita bele moris moos no loos. Ita moos bele hakbois hosi sala. 31 Hakerek Moon na'ak,