Yakob to'o tua na'i Laban uman
29
Hotu, Yakob la'o liu baa lorosa'e. 2 Loron ida, nia naree wee knuuk kre'is baa leo ida. Bibi no bibi malae nako tolu nein atu nemu iha nia. Mais, noo fatuk boot ida mak taka nola wee knuuk nia. 3 Hahalok nanis iha nia, bibi no bibi malae hotu-hotu libur malu ti'an, foin makbalin foti sees fatuk nia, nebee nakonu wee nodi naroo bibi sia. Naroo hotu, sia taka nikar wee knuuk nia.4 To'o wee nia, Yakob nusu makbalin iha nia sia na'ak, “Emi hosi nabee?”
Sia nataa na'ak, “Ami hosi leo Haran ne'e.”
5 Yakob nusu tenik na'ak, “Emi hatene ha'ukaan tua na'i Laban ka lale? Nia mak Nahor bein oan!”
Sia moos nataa na'ak, “Ami hatene.”
6 Hotu Yakob nusu tenik na'ak, “Nia di'a-di'ak dei ka?”
Sia nataa nikar na'ak, “Ama katuas di'a-di'ak dei. Mana kokon nebaa. Niakaan oan feto Rahel nala'o nodi bibi malae sia mai atu nemu wee iha ne'e. Mein dei.”
7 Rona nola nunia, Yakob dale tenik na'ak, “Oras ne'e loro sei aas! Di'ak liu emi haroo bibi sia ona mak naklibur ti'an iha ne'e. Hotu, hala'o hodi baa hae molik, nebee naa tenik hae.”
8 Mais sia sakar Yakob na'ak, “La bele nunia! Ami musti hein makbalin sia hotu-hotu nodi bibi sia mai naklibur iha ne'e lai, foin ami foti sees fatuk nia, hodi haroo bibi sia.” 9 Yakob sei dale no makbalin nia sia, Rahel moos to'o mai. Rahel nala'o nodi aman niakaan bibi malae sia, tan loron-loron nia mak naliku.
10 Naree Rahel no bibi sia mai, Yakob baa loke kedan wee knuuk tatakan nia. Hotu, nia naroo bibi sia. 11 Hotu, nia nako'ak de'i Rahel nodi tanis na'ak, 12 “Ali! Ha'u ne'e, o aman feton Ribka oan.” Rona nola nunia, Rahel nalai fila kedan baa katak aman.
13 Laban rona Rahel dale na'ak Yakob, mak nia feton Ribka oan, nia nalai baa nasoru. Nasoru nola ti'an, Laban nako'ak de'i Yakob, nodi baa uma. Yakob moos nasara lia hotu-hotu baa tua na'i Laban. 14a Rona hotu-hotu ti'an, Laban simu na'ak, “Tebes! Ita ne'e famili malu.”
Yakob nola Lea no Rahel nalo baa feen
14b Yakob tuur no sia fulan ida ti'an, 15 foin Laban katak baa Yakob na'ak, “Nune'e, Yakob! Ita rua famili malu. Ha'u la ko'uk o serwisu loos bodik ha'u. O musu kansera hira?”
16 Oras nia, Laban noo oan feto na'in rua. Biin naran Lea. Alin naran Rahel. 17 Lea matan krai-raik.a Mais Rahel oin kabaas lo-loos, isin moos furak. 18 Tan Yakob beer Rahel, nia nataa Laban na'ak, “Ha'u atu kserwisu bodik tua na'i tinan hitu, surak ha'u kola Rahel.”
19 Rona nola nunia, Laban simu na'ak, “Kakara! Di'ak liu o mak mola Rahel, tan o ha'ukaan familin du'uk! Hein baa ne'e dei, serwisu bodik ha'u.” 20 Hotu, Yakob serwisu tinan hitu, nebee netan Rahel. Nia beer Rahel liu resik. Dadi, tinan hitu nia, nia noran nu'u loron hira dei.
21 Tinan hitu siku ti'an, Yakob foo natene baa Laban na'ak, “Ha'u kserwisu tinan hitu ti'an bodik tua na'i. Dadi, latan Rahel baa ha'u ona.”
22 Hotu, Laban nalo dahur, namata ema hotu-hotu iha rai nia. 23-27 Mais kalan nia, Laban la latan Rahel baa Yakob. Nia naruka Lea mak tama baa Yakob batanen. Hotu, Yakob toba no Lea. Baa awan, foin Yakob natene na'ak nia nola Lea, lahoos Rahel. Nia baa kedan naksuhuk baa Laban na'ak, “Tan saa tua na'i maktolek ha'u? Ha'u kserwisu susi ruin tinan hitu ti'an atu ketan Rahel! Tan saa seluk Rahel hodi Lea?”
Hotu Laban nataa na'ak, “Keta nawan sa'e nunia! Tuir amikaan adat iha ne'e, alin la bele noo uluk la'en. Di'ak liu, o mein to'o dahur loron hitu ne'e hotu lai, foin ha'u klatan tenik Rahel. Surak o serwisu bodik ha'u tinan hitu tenik.” Baa oras nia, Laban moos latan ata feto ida naran Silpa, dadi baa Lea atan.
28 Rona nola Laban dalen, Yakob moos simu. Oras dahur loron hitu nia hotu ti'an, Laban latan Rahel baa Yakob. 29 Laban moos latan tenik ata feto ida naran Bilha, dadi baa Rahel atan. 30 Hotu, Yakob toba no Rahel. Nia beer basuk Rahel liu nosi Lea. Nia moos serwisu tu'an tenik tinan hitu bodik niakaan banin mane.
Yakob oan sia
31 MAROMAK natene Yakob beer Rahel liu Lea. Tan lia nia, MAROMAK nakara Lea nahoris oan. Mais Rahel la noo oan. 32 Lea moos ko'us, hotu netan oan mane ida. Nia dale na'ak “MAROMAK naree ha'ukaan susar ti'an! Oras ne'e, ha'ukaan la'en nakara ha'u ona.” Hotu, Lea nanaran oan nia, naran Ruben (tan lia fuan rubenb hanesan lia fuan ida na'ak, “Nia naree ha'ukaan susar ti'an”).
33 Hotu, Lea ko'us, netan tenik oan mane ida. Nia dale na'ak, “MAROMAK rona ti'an ha'ukaan la'en la naliku ha'u. Tan baa nia, MAROMAK foo tu'an tenik oan ida baa ha'u.” Hotu, Lea nanaran oan nia, naran Simeon (tan lia fuan simeon isin na'ak ‘rona ti'an’).
34 Hotu, Lea ko'us, netan tenik oan mane ida. Nia dale na'ak, “Kodi oan ne'e, ha'ukaan lia mohu ti'an. Ha'ukaan la'en nanis nametis aan no ha'u, tan ha'u kahoris oan mane na'in tolu ti'an bodik nia.” Tan baa nia, Lea nanaran oan nia, naran Lewi (tan lia fuan lewi isin na'ak ‘hametis aan’).
35 Nosi ikus, Lea ko'us, netan tenik oan mane ida. Nia dale na'ak, “Dala ida ne'e, ha'u kakara tonu-kaboot MAROMAK!” Hotu, Lea nanaran oan nia, naranYahuda (tan lia fuan yahuda isin na'ak ‘tonu-haboot’). Nunia ti'an, Lea la nahoris ona.