Yafet husar-binan
10
Motasa'e hotu ti'an, Noh oan Sem, Yafet no Ham netan husar-binan.2-5 Yafet oan sia mak: Gomer, Magog, Madai, Yawan, Tubal, Mesek no Tiras. Ida-idak no lian du'uk, ema hunun du'uk, no rain du'uk.
Gomer oan sia mak: Askenas, Rifat no Togarma.
Yawan oan sia mak: Elisa, Tarsis, Kitim no Dodanim.a Sia ne'e, mak ema maktuun tasi uluk fohon.
Ham husar-binan
6 Ham oan sia mak Kus, Misraim, Put no Kana'an.b
7 Kus oan sia mak Seba, Hawila, Sabta, Raema no Sabteka.
Raema oan sia mak Syeba no Dedan.
8 Kus oan mane ida tenik, naran Nimrod. Nia meo ulun mak uluk fohon. 9 Nia simu niakaan maka'as nia nosi MAROMAK, to'o nia dadi baa ema maktama hae matenek kaliuk. Tan lia nia, ema nanis dale na'ak “Nebee, o dadi ema maktama hae matenek, hanesan Nimrod mak simu maka'as nosi MAROMAK.” 10 Uluk fohon, Nimrod rain nahuu nosi Babel, Erek Akad no Kalne, hotu-hotu iha rai Sinear.c 11 Nosi Sinear, nia ukun tenik rai Asyur. Nariik kota Niniwe, Rehobot-Ir, Kala, 12 no Resen, mak iha Niniwe no Kala leet. Kota nia sia, hotu-hotu kota boot.
13 Misraim husar-binan mak ema Ludim, ema Ananim, ema Lehabim, ema Naftuhim, 14 ema Patrusim, ema Kasluhim, no ema Kaftorim. Ema Kasluhim nia, mak ema Filistin bei uluk.
15 Kana'an oan ulun, Sidon. Kana'an moos dadi bei uluk nosi ema Het, 16 ema Yebusi, ema Amori, ema Girgasi, 17 ema Hewi, ema Arki, ema Sini, 18 ema Arwadi, ema Semari no ema Hamati.
Kana'an husar-binan sia keen karin malu do-dook, 19 to'o siakaan rai kladik, nosi Sidon, baa Gerar, to'o Gasa. Nosi nia, baa Sodom, Gomora, Adma no Seboim, to'o Lasa.
20 Sia hotu-hotu nia, Ham husar-binan. Ida-idak no lian du'uk, ema hunun du'uk, no rain du'uk.
Sem husar-binan
21 Yafet maun Sem dadi baa ema Eber bei uluk.d
22 Sem oan sia mak Elam, Asyur, Arpaksad, Lud no Aram.
23 Aram oan sia mak Us, Hul, Geter no Mas.e
24 Arpaksad oan, Sela. Hotu Sela oan, Eber.
25 Eber netan oan mane na'in rua. Baa oras nia, ema fa'e karin malu iha raiklaran ne'e. Etuk, Eber nanaran oan ulun na'akPelek (tan pelek lia isin na'ak ‘fa'e karin malu’). Hotu, nanaran alin, Yoktan.
26 Yoktan oan sia mak: Almodad, Selef, Hazar-Mawet, Yera, 27 Hadoram, Usal, Dikla, 28 Obal, Abimael, Syeba, 29 Ofir, Hawila no Yobab. Sia hotu-hotu nia, Yoktan oan.
30 Siakaan nein fatin nia, nosi Mesa, liu to'o Sefar, fatin foho iha lorosa'e.
31 Sia hotu-hotu nia, Sem husar-binan. Ida-idak no lian du'uk, ema hunun du'uk, no rain du'uk.
32 Ema hotu-hotu nia, Noh husar-binan. Ida-idak no ema hunun du'uk. Motasa'e boot mohu ti'an, sia ne'e fa'e karin malu, nakonu nola raiklaran.