Adam husar-binan to'o Noh
5
1-2 Oras Maromak nase'i ema, nase'i siakaan ilas hanesan Nia du'uk. Nase'i feto no mane, hotu temi sia na'ak “ema” nodi natuun matak-malirin baa sia.Ema uluk fohon basuk, naran Adam. Adam husar-binan mak ne'e:
3 Oras Adam otas tinan atus ida tolu nulu, netan oan mane ida, ilas nu'u nia. Nia tau naran, Set. 4 Hotu, Adam sei moris tenik tinan atus walu, nodi netan tu'an oan feto, oan mane. 5 Hotu, nia mate baa otas tinan atus siwi tolu nulu.
6 Oras Set otas tinan atus ida lima, netan oan mane ida naran Enos. 7 Hotu, Set sei moris tenik tinan atus walu hitu, nodi netan tu'an oan feto, oan mane. 8 Hotu, nia mate baa otas tinan atus siwi sanulu resin rua.
9 Oras Enos otas tinan siwi nulu, netan oan mane ida naran Kenan. 10 Hotu, Enos sei moris tenik tinan atus walu sanulu resin lima, nodi netan tu'an oan feto, oan mane. 11 Hotu, nia mate baa otas tinan atus siwi lima.
12 Oras Kenan otas tinan hitu nulu, netan oan mane ida naran Mahalalel. 13 Hotu, Kenan sei moris tenik tinan atus walu haat nulu, nodi netan tu'an oan feto, oan mane. 14 Hotu, nia mate baa otas tinan atus siwi sanulu.
15 Oras Mahalalel otas tinan neen nulu resin lima, netan oan mane ida naran Yared. 16 Hotu, Mahalalel sei moris tenik tinan atus walu tolu nulu, nodi netan tu'an oan feto, oan mane. 17 Hotu, nia mate baa otas atus walu siwi nulu resin lima.
18 Oras Yared otas tinan atus ida neen nulu resin rua, netan oan mane ida naran Henok. 19 Hotu, Yared sei moris tenik tinan atus walu tenik, nodi netan tu'an oan feto, oan mane. 20 Hotu, nia mate baa otas tinan atus siwi neen nulu resin rua.
21 Oras Henok otas tinan neen nulu resin lima, netan oan mane ida naran Metusalak. 22 Henok moris neon ida no Maromak, to'o tinan atus tolu tenik. Nia moos netan tu'an oan feto, oan mane. 23-24 Tan moris neon ida bei-beik no Maromak, baa otas tinan atus tolu neen nulu resin lima, Maromak foti sa'e nia, to'o lakon.
25 Oras Metusalak otas tinan atus ida walu nulu resin hitu, netan oan mane ida naran Lamek. 26 Hotu, Metusalak sei moris tenik tinan atus hitu walu nulu resin rua, nodi netan tu'an oan feto, oan mane. 27 Hotu, nia mate baa otas tinan atus siwi neen nulu resin siwi.
28 Oras Lamek otas tinan atus ida walu nulu resin rua, netan oan mane ida. 29 Hotu nia dale na'ak, “Oan ne'e atu nadi'ak itakaan neon, to'o halu'a itakaan serwisu todan iha rai mak Maromak kastikar ti'an.” Etuk, nanaran oa nia, Noh (tan lia fuan ‘noh’ hanesan lia fuan Ibrani ida na'ak ‘hadi'ak neon’). 30 Hotu, Lamek sei moris tenik tinan atus lima siwi nulu resin lima, nodi netan tu'an oan feto, oan mane. 31 Hotu, nia mate baa otas tinan atus hitu, hitu nulu resin hitu.
32 Oras Noh otas tinan atus lima, netan oan mane na'in tolu, mak: Sem, Yafet no Ham.a