2 Era do pèri dèu do Parisi ne dèka la kale lai ta pebue Yesus. Ta keb'ali roo, “Pedutu lua petèka agama dii, momone do èla pebanga èmu, ie ta pe'ela-peheg'i, we ad'o?”

3 Ta b'ale ke ri Yesus, “Henge ko ri muu! Lua petèka Musa j'ara lua banga-èmu, minamii?”

4 Ta b'ale ke ri roo, “Lua petèka Musa, ie ma dèu ta pe'ela-peheg'i, had'i ta wie ne huri pe'ela-peheg'i pa ihi-èmu noo do wobèni.”^a

5 B'ale ri Yesus, “D'èno ri muu! Ta rihi paja kètu muu, ku b'uke ri Musa minahère! 6 B'ole bèlo ri muu lii ped'iri petari rai awe tao ri Deo liru nga rai-wawa. Do b'uke, mihe ane,

9 Ki èla ke roo d'ue pe pejad'i èhi ri Deo, ie d'o ta pe'ela wari ri dèu rai-wawa!”

10 Èla pe minahère, ta maho ke Yesus nga ana aj'a Noo he la d'ara hewue èmu. Ta keb'ali ke ri roo ne ihi lii aj'a do ngine nee.

11 Ta peteleo ke ri Yesus, mihe ane, “Naduu do pe'ela nga ihi-èmu noo, j'e banga èmu wari nga wobèni do wala, èla ke noo petao lai kenyoo! 12 Minahère lema he dèu wobèni! Naduu do pe'ela nga ihi-èmu noo, j'e banga èmu wari nga momone do wala, èla lema ke noo petao lai kenyoo!”^d

13 He wari, ta dèka ke ne dèu nga èba ana roo nga Yesus, mij'e ta tèka ruai, j'e mengao ne mèngi tuu naiki. Ta b'ani ke ne ana aj'a Yesus nga roo.

14 Ta ngèdi ri Yesus minahère, ta bubu d'ara ke Noo nga ana aj'a he, j'e lii, “Hani we ne naiki nahère, pe dèka nga Yaa! B'ole b'ata roo! Ri dèu do minahère ke, ne dèu do unu Deo. 15 Henge ri muu pe woie! Naduu do ta dèka nga Deo, paraluu ne lua d'èi noo nga Deo, mii d'èi naiki na hee nga ina-ama noo. Ki ad'o minahère, j'èma d'o roo ta jad'i dèu do unu Deo.”^e 16 Ta èla Yesus pe lii minahère, ta ked'aka ke ri Noo ne naiki he, j'e tèka ruai, mengao ne mèngi tuu roo hedèu-hedèu.

17 Ta d'ai Yesus he d'èi ta pekèd'i ti ène, dèka ke he dèu do kaja nga perai la pehapo nga Yesus. Ta lèku rutuu ke noo pa hed'apa Yesus, j'e keb'ali, “Ama Guru do woie. Ne ta keb'ali ko yaa hudi. Minahee, Ama. Nengaa ke ne do ta tao ri yaa, mij'e toi tèra ri yaa, ta do maho yaa la liru-bèla ta muri-mada hela'u nga Deo?”

18 Ta b'ale ke Yesus, “Ta ngaa èu ku lii pa Yaa, ta ‘do woie’!? B'ule d'o he dèu he do woie, tituwata Deo we. 19 Toi ma ri èu ne lii pereda Deo, rai uru:

20 Ta b'ale ke ri dèu na ène, “Do petuu, Ama Guru, ee! Rai nga ngèru, harièle nahère, èla ke ri yaa petao.”

21 Ruba ne d'ara Yesus nga dèu na ène. Ta lii ke Noo, mihe ane, “Petuu! Tapulara ne ko he èhi lai. Awe nad'ee, b'ale we èu la pewie pe'èla ne puhaka èu. Ne doi he, la peb'agi pa do kehia. J'e mai èu ma pedute Yaa. Do ta wie pa èu ri Deo, ne puhaka do wala pa liru-bèla.”

22 Ta rènge ri noo ne lii pedai Yesus, mèje ne merèj'e-rèj'e ade noo. B'ale noo nga hedui pengee, ri do kaja tèra noo.

23 Ta heleo peheru ke Yesus, j'e pedai lii nga ana aj'a Noo he, “D'èno ri muu! D'ai hedui do kaja ta maho la d'ara liru-bèla.”

24 Ta rènge ne lii pedai Noo, ta hengodo ke ne ana aj'a. Ta petabe rike ri Yesus, “D'èno pe'ie! D'èi ta jad'i dèu do unu Deo, rihi hedui! B'ole pengee ta do memud'e. 25 Tuu do kaja maho la liru-bèla ta jad'i dèu unu Deo, hela'u hedui nga b'ada unta do mone ae, maho la d'ara bèdo j'ara ro'a wui-wohe j'ej'au.”

26 Ri lii pedai Yesus, buwu b'ingu roo. Ta pekeb'ali rike roo, “Ki do petuu ke minahère, naduu ke ne do ta nara helama?”

27 Ta heleo ke roo hedèu-hedèu ri Yesus, j'e lii, “Tu dèu rai-wawa, era lai dod'o jad'i. Tapulara tu Deo, hari-hari lai do jad'i we!”

28 Ta lii ke Petu, “Ama. Èla ke pehani ri j'ii, harièle ne oha-unu j'ii, tuu ta ma ped'ute Ama. Nengaa ke ne nara j'ii?”

29-30 Ane Yesus, “Ne lii Yaa pa muu minahee: Naduu do pedute Yaa, nga ruj'ara hani ina-ama noo, a'a-ari noo, ana-ana noo, lau-d'oka noo, lua j'èga noo, nga harièle ihi èmu-kemali, tuu ta la pika pa dèu pa mii-pa mii j'ara Lii Hag'a D'ara ngati Deo, do ta hème wari ri noo hengahu wari lipa. Harièle nengaa do èla pehani ri noo, do ta hème wari nga do rihi. Do ta nara lema noo, hedui-herui taga pedute Yaa. Tapulara, pa awe pedèka rahi rai-wawa d'ee, do ta muri-mada noo peloro-loro hela'u nga Deo. Na ène ke ne pala noo! 31 Henge ri muu! Pedutu nga pengee Deo, naduu do ped'ida èni, do ta jad'i noo ta rihi naiki. Tapulara naduu do pewawa èni, pedutu nga pengee Deo, do ta jad'i noo ta dèu do nga keb'ue.^g

32 He wari, ta kako ke Yesus he la Yerusalem. Yesus ne do leko j'ara. J'e lere ri ana aj'a Noo nga dèu do hewala he. Henge ri roo ne lii pedai Yesus ta do era dèu ta pemade Noo pa Yerusalem. Ri minahère ke, meg'ig'i ne lai pengee roo meda'u ri lai na ène. Ta rèngi ke ri Yesus ne lii pedai ana aj'a Noo he, ta pedoa wala ke roo, j'e la pika ri ne lai do wala do ta tao ri dèu pa Noo pa Yerusalem.

33 Lii ri Noo, “D'èno ri muu! He ke dii ta la Yerusalem. Yaa nad'ee, Dèu Rai-wawa do Petuu-Petuu. Tapulara d'ai nii, do ta pewie Yaa pa mone ketèu pa kètu agama he, nga guru agama he. Ta hèpo ke ri roo, ta pemade Yaa. J'e j'ole ri roo Yaa pa dèu do hewala do d'o tade Deo. 34 J'e pedai roo mij'e ta mekae d'ara Yaa pa hed'apa dèu lowe. Hebue Yaa ri ilu roo. Wuhe d'abe-d'abe, tade mae èle ne ihi Yaa. Itu pemade Yaa ri roo. Made tèra Yaa, tapulara nèli do ta muri wari Yaa.”

35 Èla pa na ène, dèka ke nga Yesus, J'ako nga Johani, ana Sabadeu. Ami roo, “Ama Guru! Ne nga paraluu ko j'ii.”

36 Ta keb'ali ke Yesus, “Paraluu nengaa muu?”

37 B'ale ri roo, “Ama, ee. Minahee. Ki d'ai Ama ne mejèd'i ta pèru pereda, ne ami j'ii, pejèd'i we j'ii he dèu pa ked'anga, nga he dèu pa keriu Ama, ta pereda hela'u nga Ama.”

38 Ta b'ale ke ri Yesus, “Tada d'o muu d'ue nengaa ne do ami muu. Yaa ne hine, do ta nara hedui do rihi ae. Ku minamii? Ne pengee ri muu, mèka muu ta hape ne hedui hela'u nga Yaa tade made?”^h

39 B'ale ri roo, “Mèka, Ama, ee!”

Ta lii rike Yesus pa roo, “Tèra. Hine do ta hape lema ri muu ne lua hedui mii do hape ri Yaa. 40 Tapulara naduu do ta mejèd'i pa ked'anga nga pa keriu Yaa, ad'o lai petèka Yaa. Na ène lai hèpo Deo. Do èla pehèpo ke ri Noo ta naduu do mejèd'i pa era na ène.”

41 Ta rèngi ri ana aj'a do wala he ne lii ami J'ako nga Johani, ta bubu d'ara ke roo. 42 Ta pedoa ke harièle roo ri Yesus, j'e pedai nga roo, “Minahee! Toi ri muu. Do pereda do tima ta j'èli kerupu dèu rai tade dod'o i'a kemuki. Nga kètu rai dèu dod'o tade Deo, e'e ne d'èi roo we ne tao pehedui ana rai, tade dod'o nara roo ta pekèd'i kètu. 43 Muu he b'ole j'èga minahère! Naduu ti telora muu do d'èi ta pemone ae èni, paraluu noo ta jad'i mii jongo do pemoko dèu do hewala.ⁱ 44 Nga naduu do d'èi ta jad'i kètu, paraluu noo ta jad'i mii do ènu.^j 45 Yaa d'ee, Dèu Rai-wawa do Petuu-Petuu. Ne dèka Yaa, ad'o mij'e ta ma pemoke Yaa ri dèu. Tapulara ne dèka Yaa, ta ma pemoko dèu lowe. Ne dèka Yaa, ta ma wie bolo-bolo ne muri-mada Yaa ta ma pehèu dèu lowe ngati hala-ludu roo.”

46 Yesus nga ana aj'a Noo he nga dèu lowe he d'ai la kota Yeriko. Ta d'ai roo ne mèhu èni ti nii, era ke he dèu do b'èdu do mejèd'i pa ngidi ruj'ara, nga henata ai ta ami nengaa pa dèu do lake. Ne ngara noo Bartimeo, ana ri Timeo. 47 Ta rènge ri noo, ta Yesus do Nasare do lake j'ara ène, ta pekaa ke noo pemèdu-mèdu, “Yesus! Kolo-loro Dau ee! Tui ke Èu ne mate ri j'ii do Jahudi! Ruba kowe ne d'ara nga yaa!”

48 Ta rènge ne lii pekaa noo, ta b'ani ke ne dèu he, “He! B'ole toli!”

Tapulara, juu mèdu ne lii pekaa noo, “Wo Yesus! Kolo-loro Dau ee! Ruba kowe ne d'ara nga yaa!”

49 Ta titu ke Yesus. j'e lii Noo, “Èbe ko noo ma d'ee ri muu!”

Ta kako ke roo nga noo, j'e lii, “Pehèngo èni we! Pedoe èu ri Ama Guru. Mai we!”

50 Ta rèngi minahère, ta hore ke ne hij'i noo, j'e kèd'i mèri ai la pehapo nga Yesus.

51 Keb'ali ke Yesus pa noo, mihe ane, “Ami nengaa èu?”

Ta b'ale ke ri noo, “Muri, ee! Ami ta ngèdi ne namada yaa.”

52 Ta lii rike Yesus pa noo, “Ri parahaj'a èu, ta do i'a Yaa pe'ie èu, ie tèra ke èu! B'ale we.”

Ta ngèdi d'ènge ke, ne namada noo. Pedutu le noo la pengèdo Yesus.