Noh ma Yafet tititi-nonosin
10
Basa faa ina' a, boe ma Noh ana nara, si' Sem, Yafet ma Ham, ara hapu tititi-nonosi'.2-5 Yafet tititi-nonosi nara, si': Gomer, Magog, Madai, Yawan, Tubal, Mesek ma Tiras. Esa' ko no' dedea nara, leo nara ma oe-dae nara.
Gomer tititi-nonosi nara, si': Askenas, Rifat ma Togarma.
Yawan tititi-nonosi nara, si': Elisa, Tarsis, lahenda Kitim ara ma Dodanima ara leo rai tasi suu'.
Ham tititi-nonosin
6 Ham tititi-nonosi nara, si': Kus, Misraim, Put ma Kana'an.b
7 Kus tititi-nonosi nara, si': Seba, Hawila, Sabta, Raema ma Sabteka.
Raema tititi-nonosi nara, si': Syeba ma Dedan.
8 Kus ana tou na, ri' Nimrod. Ria malaka musu parani masososa'. 9 Ria parani na neme MANETUALAIN mai, losa' ria boe dadi mana sopu kahere ina'. Huu ria naa, lahenda biasa dedea rae, “Ela o dadi mana sopu kahere', sama leo' Nimrod fo ri' hapu kahere na neme MANETUALAIN mai.” 10 Masososa na ria nusa na mulai neme Babel, Erek Akad ma Kalne. Basa nusa' sira rai Sinear.c 11 Ana pareta losa leo Asyur neu. Ma ana nafoa kota Niniwe, Rehobot-Ir, Kala 12 ma Resen fo ri' nai Niniwe no Kala talada. Basa sira bendar bau-ina' mesan.
13 Misraim tititi-nonosi nara, si' lahenda Ludim, Anamim, Lehabim, Naftuhim, 14 Patrusim, Kasluhim ma Kaftorim. Lahenda Kasluhim, nana lahenda Filistin nara bei-ba'in.
15 Kana'an ana ulu na, si' Sidon. Kana'an nana bei-ba'i neme lahenda Het, 16 Yebusi, Amori, Girgasi, 17 Hiwi, Arki, Sini, 18 Arwadi, Semari ma Hamati.
Kana'an tititi-nonosin nara kofela rai basa mamana' ain, 19 losa' sira dae nara ratoo mulai neme Sidon, naroo leo Gerar losa Gasa. Neme naa' mai leo Sodom, Gomora, Adma ma Seboim losa Lasa.
20 Sira basa nana Ham tititi-nonosin. Esa' ko no' dedea nara, leo nara, ma oe-dae nara.
Sem tititi-nonosin
21 Yafet a'an Sem, nana lahenda Eber ara bei-ba'in.d
22 Sem tititi-nonosin si': Elam, Asyur, Arpaksad, Lud ma Aram.
23 Aram tititi-nonosin si': lahenda Us, Hul, Geter ma Mas.e
24 Arpaksad ana na, ri' Sela. Sela ana na ri', Eber.
25 Eber hapu ana tou' dua. Ulu' a feen nade, Pelek (sosoa na nae, ‘rabika-rabati'’), nana huu tepo' ria lahenda rai dae-bafo' a rabika-rabati'. Pelek fadi na, nade Yoktan.
26 Yoktan tititi-nonosin si': Almodad, Selef, Hasar-Mawet, Yera, 27 Hadoram, Usal, Dikla, 28 Obal, Abimael, Syeba, 29 Ofir, Hawila ma Yobab. Basa sira nana Yoktan tititi-nonosi nara.
30 Sira mamana leleo nara, mulai neme Mesa losa Sefar, ri' mamana lete malelepi' ara nai dulu.
31 Basa sira nana, Sem tititi-nonosin nara. Esa' ko no' dedea nara, leo nara ma oe-dae nara.
32 Basa sira nana Noh tititi-nonosin nara, esa' ko no' leo nara. Basa faa ina' a, sira si' kofela rahenu dae-bafo' a.