2 Lod'o èèna kahèi, Roh Lamatua ded'e nèti ja'a asa sorga. Cag'ag'a laa, ja'a kèdhi kadera paredha èci, aa abhu dhu madhèdi ètu dedha. 3 Dhu madhèdi ètu kadera èèna heo mangèru dènge mea, èci èèna ka dènge hadhu kale'e dhu kab'ua, dhu ra peka na, yaspis dènge sardius. Abhu kahèi saroo èci dhu reo nare kadera paredha Na. Saroo ne heo na mangèru sama sèmi hadhu kale'e samrud.^a 4 Ètu èèna kahèi, abhu 24 (dua nguru èpa) kadera paredha iiki, dhu reo rare kadera paredha dhu ètu talora aae èèna. Ètu dedha kadera paredha iiki se'e, madhèdi katua 24 (dua nguru èpa) dhèu. Aa'i-aa'i ra pake mèdha-papake pudhi, dènge solo paredha dhu tao nèti hualaa. 5 Nèti kadera paredha ètu talora aae èèna, abhu bela dhu kacèb'a, dènge d'oro dhu lii mèdhu patuu ma'èta boe. Abhu kahèi ob'o pidhu bua dhu heo ètu madha kadera paredha èèna. Rèngu se, nuka sèmi Roh Ama Lamatua dhu pidhu rupa.^b 6 Ètu madha kadera paredha ne, ja'a kèdhi èi, oe sèmi dhasi dhu mèu aadha-aadha nuka sèmi tèru.

Hèia ja'a kèdhi badha èpa ngi'u dhu dhae kèdhi mèka ciki sa rai-reo kadera èèna. Ngi'u ra nèti madha toke kabodho, pènu dènge musi madha. Badha se'e ka dhu lalau-lalo'o Lamatua.^c

7 Badha ka èci, rèhu na sèmi singa. Ka dua, rèhu na sèmi sapi mone. Ka tèlu, rèhu na sèmi dhèu. Aa ka èpa, rèhu na nuka sèmi manea luji dhu lela.^{d e} 8 Badha èpa ngi'u se, ci'u-ci'u ka dhu dènge èla ra, èna. Re li'u dènge re d'ara èla se, pènu dènge musi madha kahèi. Mèu-mèda, badha se loe boe sod'a, peka na,

9 Dènge ra sod'a sèmi èèna, rèngu koa-kio dènge pakab'ua Ama Lamatua, aa ra manèngi makasi mi Nèngu kahèi, lula Nèngu ka dhu madhèdi ètu dedha kadera paredha èèna, aa Nèngu ka dhu taa-taa toke d'ai mia-mia. Ropa rèngu sod'a, 10 hèia 24 (dua nguru èpa) katua sèra pabèbha iisi ra, ka patitu kètu urutuu ètu madha Ama Lamatua, dhu madhèdi ètu kadera paredha èèna. Katua se bhoke eele solo paredha ra, ka ra tèke mi madha kadera paredha èèna, ho pahaha iisi mi Nèngu dhu mamuri taa-taa dènge boe too-lane. Èle ka, ra koa-kio Ne, peka na,