Lombo Ana' a sefi segel ra esa-esa' Segel kaesan — malangga netatis dea nema
6
Basa naa ma, au 'ita Lombo Ana' a sefi susura nenelulu' a segel kaesan. Boe ma au rena esa mia banda kahaa manaseli' naa ra, nggasi nahere' 'ona' ndukurulu' e. Ana parenda 'oi, “Muu leo!” 2 'Aib'oi' ma au 'ita ndara muti' esa. Hambu atahori esa 'endo' sia ata' nasolo solo netatis, huu Ana nasenggi' netatis nakandoo 'a. 'Ale' ia Ana to'u bub'usut, ma dea neu nakala' selu' musu na ra sia raefafo'.aSegel karuan — nemue-naanggit sia raefafo'
3 Basa ma, Lombo Ana' a sefi segel karuan a. Boe ma au rena banda manaseli' karuan parenda nae, “Muu leo!” 4 Basa ma ndara mbilas mana mbila raa-raa' esa dea nema. Atahori mana 'endo' sia ata simbo fela tafa monae' esa. Ana hambu koasa fo neu tao nemue-naanggit sia raefafo', de atahori ra esa tati esa.b
Segel katelun — fai ndoe-la'as manaseli'
5 Boe ma Lombo Ana' a sefi segel katelun a. Ma au rena banda manaseli' katelun parenda nae, “Muu leo!” 'Aib'oi' ma au 'ita ndara nggeo' esa. Atahori mana 'endo' sia ndara naa ata, tou tatais esa sia liman fo tai nanaat mana sangga namakura ena.c 6 Basa ma, au rena 'ona' hara' esa nema mia banda kahaa manaseli' ra talad'a na. Hara' naa nafad'e nae, “Dei fo hambu fai ndoe-la'as sia raefafo'. Atahori esa nggad'in fai esa, dai hasa neu 'a 'isi' mok telu 'a, 'isi malole' na hambu 'a mok esa 'a. Te mete ma fai ndoe-la'as naa losa ena, atahori nda bole tao ralutu hau saitun noo hau anggor sia osi ra sa.”d
Segel kahaan — atahori hetar mate
7 Basa ma, Lombo Ana' a sefi segel kahaan a. Boe ma au rena banda manaseli' kahaan parenda nae, “Muu leo!” 8 'Aib'oi' ma, au 'ita ndara huni manambosa' esa. Atahori mana 'endo' sia ndara naa ata, naran ‘Mate’. Ma hambu mana tungga dean, naran ‘Atahori Mates ra Mamanan’. Ru'a se hambu koasa de reu tao risa atahori sia raefafo' rendi' fela tafa', ndoe-la'as, hed'is, ma banda de'ulaka'. Mete ma reken manamate' ra ded'esin, na, ara 'ona' bab'anggi' esa mia bab'anggi' haa mia basa atahori sia raefafo'.e
Segel kaliman — Lamatualain atahori na ra rahani fo Ana na'etu' ded'ea na ra
9 Basa ma, Lombo Ana' a sefi segel kaliman a. Ma au 'ita atahori fo fe'esa'an a nenetao-nisa' ra. Samana na ra sia mei tutunu-hohotu' a filenggan. Atahori risa se huu ramahere neu Lamatualain, ma dui-b'engga Hara-liin sia bee-b'ee. 10 Ara rameli rae, “Oo, Lamatualain! Hai Malangga manaseli ma! Malangga meumare ma! Lamatualain 'ola' saa, na, hai mimihere. Te hai mihani losa fai hira' fai, fo Lamatualain na'etu' ded'eat fo hukun atahori mana risa hai mia raefafo'?”
11 Ara ratane basa ta'o naa, ma esa-esa' simbo bad'u naru muti'. Hambu atahori esa nafad'e se nae, “Mihani mbei fai, losa ded'esi ma ra dai dei. Te hela fe'e toronoo ma ra dei fo nenetao-nisa' 'ona' hei e boe.”
Segel kaneen — calaka sia lalai noo raefafo'
12 Boe ma, Lombo Ana' a sefi segel kaneen a. 'Aib'oi' ma, au med'a rae nanggenggo seli. Ma relo a dad'i hatu' 'ona' teme nggeo', ma fulan dad'i mbilas 'ona' raa'.f 13 Nduu' ra sia lalai tud'a raefafo' rema, 'ona' hau boa nure' 'ou, huu sanggu anin. 14 Boe ma au 'ita lalai a sii neu rua, de lululu 'ona' nenei' losa mopo e. Lete' ra roo pulu-pulu ra basa se ranggenggo losa mopo se mia mamana na ra.g 15 Basa atahori sia raefafo' rita 'ona' naa, ma ara ramatau. Mulai mia mane' ra, malangga mana parenda' ra, malangga sold'ad'u, atahori mamasu'i', losa ate ra, basa se ramatau. De basa se rela reu keke sia luat ma sia fatu sod'a' sia lete' ra.h 16 Ara denu lete-lete' ma fatu monae' ra rae, “Ndefa' fo tatana mala hai leo! Mu'ufuni' hai fo mana 'endo' sia kad'era parenda monae' a, nda nita hai sa ena. Ma Lombo Ana' a nda hukun nala hai sa boe.i 17 Ad'uu! Paia nala hai, huu fai calaka nema ena! Lamatualain noo Lombo Ana' rae mbori nasa-b'ori na ra neu hai ena. Esa o nda bisa sili nala sa boe!”j