Susura nenelulu' mana segel mates
5
Basa ma au 'ita bali' mana'endo' sia kad'era parenda' naa. Ana to'u susura nenelulu' esa sia lima 'ona na. Lululu' naa nenesura' sofe' dea'-mata' ma nenesegel mates sia mamana' hitu.a2 Basa ma au 'ita ate esa mia sorga manaseli' teb'e. Ana natane nahere' nae, “Seka na'ena hak sefi segel ma baca susura naa?”
3 Ana natane ta'o naa, te nda hambu esa na'ena hak sefi susura naa, ma baca isin sa. Mae sia sorga do raefafo', nda hambu esa na'ena hak sa. Sia atahori mates ra mamanan o nda hambu sa boe. 4 Au 'ita ta'o naa, ma au nggae ei-ei, huu nda hambu atahori esa na'ena hak sefi, ma baca isin sa. 5 Basa ma esa mia malangga karua nulu haa' ra, 'ola' noo au nae, “Wee, toronoo'! 'Afi' nggae. Huu mane Daud a tititi-nonosin esa manaseli', ara ro'e E rae, ‘Singa mia leo Yahud'a’. Ana mbesi' nalutu basa de'ulaka' ra ena. De na'ena hak sefi segel a ma baca susura naa isi na.”b
6 Au rena 'ala ta'o naa ma, 'ita Lombo Ana' esa ririi sia banda kahaa manaseli' ra roo malangga karua nulu haa' mana 'endo' rereo' kad'era parenda' a talad'a na ra. Lombo Ana' a, 'ona' parnaa nenembau' ena. Suran hitu ma matan o hitu boe. Mata deke kahitu na ra, 'ona' Dula-d'alen mana na'ena mata-ao' hitu a boe. Lombo Ana' a haitua se ndule basa raefafo' ena.c 7 Basa ma au 'ita Lombo Ana' a nisi' Mana 'endo' sia kad'era parenda' a, de ha'i susura nenelulu' naa mia Lima 'ona na.
8 Lele' Lombo Ana' a ha'i susura ma, banda kahaa manaseli' ra roo malangga karua nulu haa' ra, sende' lulu-langga na ra be'utee sia mata na. Ara esa-esa' to'u malii' ra 'ona' sasando, noo manggo lilo' esa nene'isi' noo kemenyaan, fo rae ded'e tao masu ma'ameni'. Hau raa ma'ameni' naa, naeni Lamatualain atahori na ra hule-o'e na ra.d 9 Basa ma basa see sod'a sosod'a feu' esa 'oi:
“Lombo Ana' ia, nandaa simbo susura ia.
Lombo Ana' ia, na'ena hak sefi segel a.
Huu Ana nenetati dai' ena.
basa ma Lamatualain pake raan,
fo soi-tefa neu basa atahori mia basa leo ma nusa' ra,
fo ruma bisa dad'i Lamatualain atahori na.
Noo ta'o naa, atahori mia basa ded'eat ma negara,
bisa dad'i Lamatualain bob'onggi na.e
10 Lombo Ana' ia, na'ab'ue nala basa se,
dad'i nusa' esa.
Lombo Ana' ia, tengga nala se,
dad'i Lamatualain atahori mana tao-ues na ra.
Dei fo ara to'u parenda' sia raefafo'.
Dei fo ara tao-ues fee Lamatualain sia raefafo'.”f
11 Basa ma, au boti' mata ngga, ma rena hara monae' esa. Ma 'ita banda kahaa manaseli' ra, roo malangga karua nulu haa' ra, ma Lamatualain ate na ra hetar mia sorga. Ate naa ra, nae na losa juta-juta.g 12 Basa se sod'a rahere' 'oi,
“Hai so'u minanaru Lombo Ana' mana nenetati-d'ai' naa,
Huu Eni mana nandaa simbo hai koa-kio ma!
Eni koasan, monaen seli.
Eni su'in, naen seli.
Eni dud'u'an, tande'.
Ma'ad'eren, manaseli' teb'e.
Hai so'u minanaru nara na.
Hai fee had'a-hormat neu E.
Hai koa-kio E.”
13 Basa naa ma, au rena sosod'at esa fai. Mia basa masod'a' ra, mae sia sorga, raefafo', ma tasi' rala, basa se so'u hara na ra fo sod'a-helo. Mia atahori mates mamana na ra o, ara sod'a-helo tungga. Basa se sod'a-helo rae,
“Hai koa-kio Lamatualain mana'endo' sia kad'era parenda' ia.
Hai o so'u minanaru Lombo Ana' ia.
Hai fee had'a-hormat neu Se.
Hai be'utee neu Se,
huu Sira to'u parenda' rakandoo 'a,
ma Sira koasan nda mana b'asa' sa!”
14 Basa ma, banda kahaa manaseli' naa ra, rataa rakandondoo 'a rae, “Naa teb'e! Naa teb'e ena!” Boe ma malangga karua nulu haa' naa ra sende' lulu-langga na ra fai, de be'utee neu Lamatualain noo Lombo Ana' naa.