2 Lele' naa boe Lamatualain Dula-d'alen so'u nendi au sorga 'uu. 'Aib'oi' ma au 'ita kad'era parenda' esa ma hambu mana 'endo' sia ata. 3 Ana naronda dula mod'o' noo mbilas, 'ona' fatu makahahad'o mafelit fo rae, yaspis ma sardius. Ma elus esa o rereo' kad'era parenda na. Rondan dula mod'o' 'ona' fatu samrud makahahad'o'.^a 4 Sia naa o hambu kad'era parenda ana' rua nulu haa rereo' kad'era parenda' mana sia talad'a' a. Hambu malangga rua nulu haa 'endo' sia kad'era naa ra. Basa se pake bua muti' ma pake solo parenda lilo'. 5 Hambu ndelas nakahahad'ok nakandoo 'a mia kad'era parenda' mana sia talad'a' a. Ma ndukurulu' a nakaruruluk na'atutute'. Hambu 'ob'or manambila' hitu sia kad'era parenda' a mata na. Ara 'ona' Lamatualain Dula-d'alen fo mana na'ena mata-ao' hitu.^b 6 Sia kad'era parenda' mata' a, au 'ita 'ona' tasi oe meu' mana 'ona' kaca.

Boe ma au 'ita banda manaseli' haa rereo' kad'era naa. Ao na ra dea'-mata' sofe' noo 'a mata deke'. Banda naa ra, Lamatualain banda mana mete-se'u E.^c

7 Banda kaesan matan 'ona' singa e. Karuan matan 'ona' sapi mone e. Katelun matan, 'ona' atahori e. Ma kahaan matan, 'ona' mbui nggarud'a mana matambele'.^{d e} 8 Banda kahaa' naa ra, esa-esa' malid'a' be'e nee'. Sia lid'a' naa ra dea' noo rala na ra o, sofe' noo 'a mata deke' boe. Hatu'-rerelon ara sod'a nda rama'etu sa rae,

9 Noo sod'a ta'o naa, ara koa-kio ma fee had'a-hormat neu Lamatualain, ma ro'e makasi neu E, huu Eni mana 'endo' sia kad'era parenda' a ata, ma eni sia nakandoo losa bab'asa na. Lele' ara sod'a, 10 malangga karua nulu haa naa ra o be'utee sende' lulu-langga na ra sia Lamatualain matan, fo mana 'endo' sia kad'era parenda' naa. Ara hu'a solo parenda na ra, ma mbed'a' sia kad'era parendan mata', de be'utee neu E, mana sia losa doo ndu'u-d'oon neu. De so'u koa-kio E rae,