Doi' fo atahori fee fo tulu-fali neu Lamatua' atahori na ra
16
Lele' ia, au 'ae sura' so'al doi' fo hei mid'uru fo tulu-fali neu Lamatua' atahorin mana sia Yerusalem. Au 'ufad'e atahori mamahere' mana sia profinsi Galatia ra ena 'ae, sira musi rad'uru doi' ta'o bee. Ia naa, hei o musi tao tungga boe.a 2 Tungga-tungga nggarei, na, basa atahori musi mbed'a' doi na ra mbei, mia sira ue-tatao na ra mbule-b'oa na ra. 'Afi' mihani au 'eti, dei fo hei fe'e mii mid'uru doi' ena na. 3 Ma mete ma au 'eti ena, na, hei mitud'u atahori fo mimihere' ra, fo rendi doi tutulu-fafali' ra fee Lamatua' atahorin mana sia Yerusalem ra. Boe ma dei fo au sura' susura fee malangga sarani' mana sia naa ra, fo rahine mana rendi doi' ra. 4 Mete ma hei du'a mae, malole mete ma au o tungga boe, na, hai bisa mii mimilolo'.Paulus du'a-d'u'a' fo nae neu sia mamana' hetar
5 Mete ma au lao' ndule profinsi Maked'onia, dei fo au 'eti sia nggi. Te au fe'e 'ae 'uu sia Maked'onia dei.b 6 Basa naa, dei fo au 'ae 'uu leo 'oo nggi doo-d'oo mbei; mbei ma losa fula-fai ma'asufu' esa. Basa' fo ama bisa moo au losa mamana' laen fai. 7 Au masud ngga 'ae 'eti sia nggi, nda losa' sa. Huu au 'ae leo 'oo nggi doo-d'oo mbei, mete ma naa tungga Lamatualain hihii-nanau na. 8 Te au fe'e nau leo sia kota Efesus losa fai malole Pentakosta dei, [naeni fai lima nulu mia fai malole Paska a basa].c 9 Huu sia ia hambu kaka'e' malole' nae' fo au fe'e tao ue-taos nae, 'ita' mae hambu atahori hetar fe'e lab'an Lamatua' ue-tatao na.d
10 Mete ma Timotius dad'i nema sia nggi, na, simbo e noo malolole, fo ana 'afi' du'a-d'u'a'. Huu eni, hita Lamatuan atahori mana tao ue-tataon, 'ona' au boe.e 11 'Afi' fee atahori mete e rendi' mata seseri'. Tulu-fali e losa ana bali' noo masod'a', fo ana bisa bali' nema nisi' au. Huu au 'oo toronoo' laen ra mihani e boe.
12 Hambu dala' esa fai. Au kokoe hita toronoon Apolos, fo ana neu mete-se'u nggi moo toronoo' laen ra. Te ana nda fe'e nau neu sa. Mihani 'a, mete ma ana hambu kaka'e malole', dei fo ana fe'e neti ena.
Tao dala' esa fai
13 Hei musi minea ao ma ra noo malolole! Hei musi mi'itataa' fo mimihere mikindoo neu Lamatualain! 'Afi' mimitau! Tao ma'ad'ere ao ma ra! 14 Hei tao sud'i 'a saa, na, mitud'u susue ma ra.
15 Toronoo susue ngga ra, e! Basa nggi bub'ulu' mae, 'a'a Stefanus noo basa ume isi na ra dad'i atahori kaesan mana ramahere neu Kristus sia profinsi Akaya. Ara o tao ues rita' mamate na ra fo mete-se'u basa atahori mamahere' mana sia naa ra. Dad'i au 'o'e fof 16 ama tao rerena' neu atahori mata' naa ra. Naeni, atahori mana tao ues noo manggate' fo ra'ab'ue mete-se'u atahori mamahere' ra.
17 Au rala ngga hii 'ae 'ita nggi. Au rala ngga namaho'o, huu 'a'a Stefanus, 'a'a Fortunatus, ma 'a'a Akaikus rema sia ia. Noo ta'o naa, ara nggati nggi. 18 Ara tao manggatee au rala ngga, 'ona' ara tao manggatee rala ma ra boe. Hei musi fee had'a-hormat neu atahori 'ona' naa ra.
Paulus haitua hara sod'a-mole' fee basa e
19 Atahori sarani' sia profinsi Asia fee nggi hara sod'a-mole'. 'A'a Akila, ma saon, susi Priskila,g roo basa atahori laen fo mana hii ra'ab'ue sia ume na ra o fee hara sod'a-mole' boe, huu sira nenepa'a' rakandoo roo hita Lamatua na.h 20 Basa atahori mamahere' sia ia ra o fee hara sod'a-mole' boe.
Lele' ama mi'ib'ue, na, esa soru esa noo i'id'u susue' nandaa soa' neu atahori mamahere' ra.
21 Mete sob'a dei! Huu au, Paulus ia, pake au lima ngga fo sura' ia: Sod'a-mole'!
22 Seka nda na'ena susue' neu hita Lamatuan sa, na, dei fo Lamatualain huku-d'oki e.
Au hii 'a 'utea atahori, 'endi' hai atahori Yahud'i ra ded'ea Aram ma 'ae, “Marana ta!” Eni sosoan nae, “Lamatua', e! 'Uma leo!”
23 Au hule fo Yesus, hita Lamatuan, natud'u rala malolen neu nggi.
24 Au sue basa nggi, huu basa nggita nenepa'a' teu esa too Kristus, fo Lamatualain haitua nema' a.
Losa 'a ia ena. Sod'a-mole'!
Mia au,
Paulus