Esau tititi-nonosi na ra
36
Ia ra, Esau tititi-nonosi na ra. Esau nara laen na, Edom. 2 Ana sao ina Kana'an rua. Esa, atahori Het, naran Ada, fo Elon ana feto na. Ma esa fai, atahori Hewi, naran Oholibama. Aman, naran Anah, ma ba'in, naran Sibeon. 3 Esau o sao nala Ismael ana feton, naran Basmat. Basmat naan, naran Nebayot.4 Esau sao ulun, Ada, bonggi Elifas. Ma Basmat bonggi Rehuel. 5 Ma Oholibama bonggi Yeus, Yalam ma Kora. Ara bonggi basa Esau ana na ra mia Kana'an.
6 Lao esa, Esau lali nisi' nusa' laen esa, na'ad'od'oo' noo Yakob. Ana noo sao-ana na ra, atahori mana tao ues na ra, banda na ra, ma basa su'i na ra. 7 Ana saranggaa noo Yakob, huu sira banda na ra ma su'i na ra nae'. De ara leo rakase'e sia nusa' naa. 8 Boe ma Esau (naeni Edom), neu leo sia mbumbuku-mbumbuku' sia Seir.
9 Ia ra, Esau tititi-nonosi na ra, fo rae ‘atahori Edom’. Ara leo sia mbumbuku-mbumbuku' sia Seir.
10-13 Esau saon Ada, bonggi ana mone' esa, naran Elifas. Elifas anan tou' lima. Nara na ra, Teman, Omar, Sefo, Gatam ma Kenas. Elifas sao tias na, naran Timna. Ana bonggi ana tou' esa, naran Amalek.
Esau saon Basmat, bonggi ana mone' esa, naran Rehuel. Rehuel anan tou' haa. Nara na ra, Nahat, Sera, Syama, ma Misa.
14 Esau saon Oholibama, fo Anah anan ma Sibeon umbun, bonggi ana tou' telu. Nara na ra, Yeus, Yalam, ma Kora.
15-16 Esau umbu-ana na ra saranggaa dad'i leo hetar. Esa-esa' noo mane leo na. Esau ana ulun Elifas ana na ra, dad'i mane leo Teman, mane leo Omar, mane leo Sefo, mane leo Kenas, mane leo Kora, mane leo Gatam, ma mane leo Amalek. Basa se, Esau noo saon Ada tititi-nonosi na ra.
17 Esau anan Rehuel ana na ra, dad'i mane leo Nahat, mane leo Sera, mane leo Syama, ma mane leo Misa. Basa se, Esau noo saon Basmat tititi-nonosi na ra.
18 Esau noo saon Oholibama ana na ra, dad'i mane leo Yeus, mane leo Yalam, ma mane leo Kora.
19 Basa leo naa ra, Esau tititi-nonosi na ra.
Seir tititi-nonosi na ra
20-21 Sia mamana' naa o, hambu atahori Hori esa, naran Seir. Ana na ra saranggaa dad'i leo hetar. Esa-esa' noo mane leo na. Ana na ra dad'i mane leo Lotan, mane leo Sobal, mane leo Sibeon, mane leo Anah, mane leo Dison, mane leo Eser, ma mane leo Disan.
22 Lotan anan, Hori ma Heman. (Lotan feton, Timna).
23 Sobal ana na ra, Alwan, Manahat, Ebal, Sefo, ma Onam.
24 Sibeon ana na ra, Aya ma Anah. Anah, mana nita oe mata matob'i' sia nembe sara'ae', lele' ana tad'a aman keled'ei na ra.
25-26 Anah ana feton, Oholibama. Ana monen, Dison. Dison ana na ra, Hemdan, Esban, Yitran, ma Keran.
27 Eser ana na ra, Bilhan, Sa'awan, ma Akan.
28 Dison ana na ra, Us ma Aran.
29-30 Dad'i basa mane leo atahori Hori ra, naeni, Lotan, Sobal, Sibeon, Anah, Dison, Eser, ma Disan. Basa se leo sia rae Seir.
Edom mane na ra
31 Lele' nusa Isra'el nda fe'e mamane' sa, te sia rae Edom mamane' ena. Nara na ra matutungga', ta'o ia:
32 Ara so'u Beor anan Bela, dad'i mane' sia kota Dinhaba.
33 Bela mate ma, Yobab dad'i mane' nggati e. Aman, naran Sera mia kambo Bosra.
34 Yobab mate ma, Husam dad'i mane' nggati e. Husam, mia atahori Teman ra nusa na.
35 Husam mate ma, Hadad dad'i mane' nggati e. Aman, naran Bedad mia kambo Awit. (Eni, mana nasenggi' atahori Midian lele' ratati mia Moab.)
36 Hadad mate ma, Samla dad'i mane' nggati e. Samla, mia kambo Masreka.
37 Samla mate ma, Saul dad'i mane' nggati e. Saul, mia kambo Rehobot sia loe suu na.
38 Saul mate ma, Ba'al-Hanan dad'i mane' nggati e. Aman, naran Akbor.
39 Ba'al-Hanan mate ma, Hadar dad'i mane' nggati e. Hadar, mia kambo Pau. Saon, naran Mehetabel. Mehetabel aman, naran Matret. Ma ba'in, naran Mesahab.
40-43 Dad'i basa mane leo mana mia Esau se, naeni: Timna, Alwa, Yetet, Oholibama, Ela, Pinon, Kenas, Teman, Mibsar, Magdiel, ma Iram. Esa-esa' bab'ae nusan tungga nara na.
Dad'i basa naa ra, Esau tititi-nonosi na ra, atahori Edom ra, dud'ui na.