28
Basa ma Isak no'e Yakob, de fee ne papala-b'ab'anggi' ma nafad'e nae, “Rena malolole! Ho 'afi' sao ina Kana'an. 2 Te muu sia Padan Aram, sia ba'i Betuel umen, fo sao mala to'o Lab'an ma ana feton esa.a 3 Au hule-o'e fo Lamatualain Mana Koasa Manaseli' fee nggo papala-b'ab'anggi', fo umbu-ana ma ra ramahefu, ma tititi-nonosi ma ra dad'i leo manaseli'. 4 Hela fo Lamatualain hehelu-fufulin neu Abraham tud'a neu nggo moo tititi-nonosi ma ra. Hela fo hambu mala rae fo Lamatualain helu-fuli fee neu Abraham a.”b 5 Isak 'ola' basa ma, ana mbo'i Yakob Padan Aram neu, nisi' to'o Lab'an noo ba'i Betuel na ume na.Esau sao nala Ismael ana feto na
6 Boe ma Esau rena 'oi Isak fee Yakob papala-b'ab'anggi', ma 'ai e fo 'afi' sao ina Kana'an. Ana o rena 'oi, aman denu 'od'in neu sao to'on ana feton esa sia Padan Aram. 7 Yakob tungga aman noo inan parendan, de lao Padan Aram neu.
8 Esau o bub'ulu' 'oi, aman nda hii eni sao atahori Kana'an na ra sa. 9 De ana nisi' ama 'a'an Ismael, de sao nala Ismael anan, naran Mahalat. Mahalat ia, Nebayot feto na.
Yakob nalamein sia Betel
10 Boe ma Yakob lao hela Beer Syeba, fo nae Haran neu. 11 Relo a mopo ma, ana losa mamana' esa, de sunggu' sia naa. Ana nae sunggu' ma, ha'i nala fatu esa, de tao dad'i ainulu.
12 Tetemba' naa, ana nalamein nita 'e'ed'a' esa nenene'eririi' sia rae ma tonggon losa lalai. Lamatualain ate na ra mia sorga 'onda-hene 'e'ed'a' a. 13 Sia meit naa, Yakob nita LAMATUALAIN nambarii' sia bob'oan, de 'ola' nae, “Au ia LAMATUALAIN, ho ba'im Abraham noo Isak Lamatualain na. Dei fo Au fee rae ia neu nggo moo tititi-nonosi ma ra. 14 Mete te, tititi-nonosi ma ra ramahefu 'ona' afu. Ara sea-sarangganggaa bee-b'ee reu sia basa mamana'. Mia tititi-nonosim, basa nusa' sia raefafo' hambu papala-b'ab'anggi'.c 15 Musuned'a malolole! Ho muu sia sud'i 'a bee-b'ee o, Au 'unea nggo. Dei fo Au 'oo bali' nggo misi' nusa' ia. Au nda hela mesa' nggo sa. Ma Au o tao 'utetu basa hehelu-fufuli' fo Au helu fee nggo' a.”
16 Yakob sunggu' fela ma nae, “Au fe'e 'uhine 'ae, LAMATUALAIN o sia ia boe!” 17 Ma namatau, de du'a nae, “Wee! Mamana' ia tao au ao fulu ngga tenggou. Mema' Lamatualain umen sia ia! Ia, lelesu nisi' sorga neu.”d
18 Mbila fefetu anan, ma Yakob fela, ha'i nala fatu ainulu' a, de naririi e dad'i tanda. Ana mbori mina nisi' fatu a ata, de be'utee neu Lamatualain. 19 Ana bab'ae mamana' naa naran Betel, sosoan nae, ‘Lamatualain ume na’. (Ma'ahulun, mamana' naa, naran Lus).
20 Boe ma Yakob sumba nae, “Mete ma Lamatualain noo au, ma nanea au sia dala ngga, ma fee nanaat ma bua-b'a'us, 21 losa au bali' 'oo masod'a', na, LAMATUALAIN dad'i au Lamatua ngga. 22 Fatu fo au uririi' ia, dad'i mamana be'utee' neu Lamatualain. Ma basa saa fo Ana fee au, dei fo au fee bali' bab'anggi' esa mia sanahulu.”