Noh noo Yafet tititi-nonosi na ra
10
Oe mandali monae' a basa ma, Noh ana na ra hambu tititi-nonosi'. Naeni: Sem, Yafet noo Ham tititi-nonosi na ra.2-5 Yafet tititi-nonosi na ra, naeni: Gomer, Magog, Madai, Yawan, Tubal, Mesek ma Tiras. Esa-esa' noo ded'ean, leon, ma rae heheli na.
Gomer tititi-nonosi na ra, naeni: Askenas, Rifat ma Togarma.
Yawan tititi-nonosi na ra, naeni: Elisa, Tarsis, atahori Kitim ra, ma atahori Dodanima mana leo sia tasi suu na ra.
Ham tititi-nonosi na ra
6 Ham tititi-nonosi na ra, naeni: Kus, Misraim, Put, ma Kana'an.b
7 Kus tititi-nonosi na ra, naeni: Seba, Hawila, Sabta, Raema ma Sabteka.
Raema tititi-nonosi na ra, Syeba ma Dedan.
8 Kus ana toun, naran Nimrod. Nimrod, dad'i malangga matati' fefeun manaseli'. 9 Manaselin lao' mia LAMATUALAIN, losa ana o dad'i mana sombu banda masi'et seli. Naa de, atahori ra biasa 'ola' rae, “Hela fo ho dad'i mana sombu banda masi'et 'ona' Nimrod, fo mana hambu nesi'et na mia LAMATUALAIN.” 10 Fefeun, Nimrod raen mia Bab'el, Erek Akad, noo Kalne. Basa mamana' naa ra, sia Sinear.c 11 Mia naa, ana koasa nala Asyur boe. Basa ma, nafefela kota Niniwe, Rehobot-Ir, Kala, 12 ma Resen, mana sia Niniwe noo Kala talad'a na. Basa naa ra, kota monae' ra.
13 Misraim tititi-nonosi na ra, naeni: atahori Ludim, atahori Anamim, atahori Lehabim, atahori Naftuhim, 14 atahori Patrusim, atahori Kasluhim, ma atahori Kaftorim. Atahori Kasluhim naa, atahori Filistin bei-ba'i na na ra.
15 Kana'an ana ulun, naran Sid'on. Kana'an o dad'i bei-ba'i' soa' neu atahori Het, 16 atahori Yebusi, atahori Amori, atahori Girgasi, 17 atahori Hiwi, atahori Arki, atahori Sini, 18 atahori Arwadi, atahori Semari, ma atahori Hamati.
Kana'an tititi-nonosi na ra sea-saranggaa ra'ad'ood'oo'. 19 Sira raen, mia Sid'on nakandoo nisi' Gerar, losa Gasa. Ma mia Gasa, nisi' Sod'om, Gomora, Adma, ma Seboim, losa Lasa.
20 Basa se, Ham tititi-nonosi na ra. Esa-esa' noo ded'ean, leon, ma rae heheli na.
Sem tititi-nonosi na ra
21 Yafet 'a'an Sem dad'i atahori Eber ra bei-ba'i na ra.d
22 Sem tititi-nonosi na ra, Elam, Asyur, Arpaksad, Lud ma Aram.
23 Aram tititi-nonosi na ra, atahori Us, atahori Hul, atahori Geter ma atahori Mas.e
24 Arpaksad anan, naran Sela. Ma Sela anan, naran Eber.
25 Eber hambu ana tou' rua. Ulu ka, naran Pelek (sosoan ‘banggi-b'anggi’), huu lele' naa, atahori ra leo banggi-b'anggi sia raefafo'. Muri ka, naran Yoktan.
26 Yoktan tititi-nonosi na ra, Almodad, Selef, Hasar-Mawet, Yera, 27 Hadoram, Usal, Dikla, 28 Obal, Abimael, Syeba, 29 Ofir, Hawila, ma Yobab. Basa se, Yoktan tititi-nonosi na ra.
30 Mamana leleo na ra, mia Mesa nakandoo losa Sefar, naeni mamana mbuku-lete' seri' rulu.
31 Basa se, Sem tititi-nonosi na ra. Esa-esa' noo ded'ean, leon, ma rae heheli na.
32 Basa naa ra, Noh tititi-nonosi na ra, esa-esa' noo leo na. Lele' oe mandali monae' basa ma, sira mana leo sea-saranggaa rasofe raefafo' ia.