2 Tabug naan, Uisnenog In Asmanan naiti neki kau 'sae 'oi sonaf neno tunan. Nok askeken ate, au 'iit atoko' plenat, ma nmu'i tuaf antoko nbi naa. 3 In akliman matel ma mee', on le' fatu aklimat le' ma'upa', le' sin anteek, nak, yaspis ma sardius. Anmu'i enus mese', anfuun naan atoko' plenat naan. In akliman matel on le' fatu aklimat samrut.^a 4 Anbi balel naan, anmu'i toko plenat mana' bo' nuug am haa' le' aan'-ana' een, sin anfuun naan atoko' naan. Anmu'i naan amnasit tuaf bo' nuug am haa' antokon anbin atoko' een naan. Sin ala sin anpaken bale pakel muti', ma natobe een atobe plenat le' anmo'el na'ko noni mnatu'. 5 Anmu'i limat le' anpiin anpoi na'ko toko plenat le' abit atnanan, ma lotos apunun anmalutan. Anmu'i nopo' hiit le' anpinan npoin na'kon atoko' plenat naan in matan. Sin ala sin le' naan, nahuum on le' Uisnenog In Asmanan le' anmu'i masaf hiit.^b 6 Anbi toko plenat naan in matan, au 'iit on le' oe tasij. Oe tasij naan knino on le' anino.

Lalit au 'iit mu'it haa le' matani' le'uf, anfuun naan atoko' naan. Sin aok een nahenu nok mataf. Sin le' naan, Uisnenog In mu'it een le' ntuthael Ee.^c

7 Mu'it ahunut in human, on le' singa. Nomol nua in human, on le' bijae kesog. Nomol tenu in human, on le' mansian. Ma nomol haa in human, on le' kool garuda napleel.^{d e} 8 Mu'i haa' een naan, es-es ate, maninef nee'. Anbi ninef een naan kotin ma nanan, nahenu nok mataf. Faij-manas sin nsiin piut-piut am nak,

9 Nok siit on le' naan, sin ansiin ma nbo'is Uisnenog, ma nasaeb een makasi noi Ne, natuin In antoko nbi toko plenat, ma In le' nmoni piut-piut tal antee nabal-baal. Tabug sin ansiin, 10 amnasit tuaf bo' nuug am haa' een naan anli'tuun anbi Uisnenog In human ma In matan. Ma Uisnenog antoko nbi toko plenat. Sin nkasu nani sin atobe plenat een, lalit sin natunu sin anbi In atoko' plenat naan in matan, ma nabesan noi Ne, le' nabal-baal Kuun. Lalit sin anpules ma nbo'is Uisnenog am nak,