Nai Esau in sufan-ka'un
36
Nai Esau in sufan-ka'un sin es le' ii. In kanan es antein, es le' nai Edom. 2 Nai Esau ansao li' feto munif nuug na'ko pah Kana'an. Tuaf es, bifeel na'ko atoni Hetes, kanan bi Ada, nai Elon in aan feto. Es anteni' atoni Hewi. In kanan, bi Oholibama. In amaf ee, kanan nai Anah, ma in babaf ee, kanan nai Sibeon. 3 Nai Esau ansao nai Isma'el in aan feto es amsa', kanan bi Basmat. Bi Basmat in naof ee, es le' nai Nebayot.4 Nai Esau in fee unu', bi Ada, nahonis nai Elifas. Bi Basmat nahonis nai Rehuel. 5 Lalit bi Oholibama nahonis nai Yeus, nai Yalam, ma nai Kora. Nai Esau in anah sin ok-oke', nahonis sin anbin pah Kana'an.
6 Tabug mese, nai Esau natnani noi pah mese abjaan, naloog na'ko nai Yakop. In neki in feel-anah, ameput sin, mu'it ma amaus een ok-oke'. 7 Nai Esau anbatis on nok in olif nai Yakop, natuin sin mu'it een namfaun ma sin amu'ik abjaan, namfaun amsa'. Es on naan sin nahenu balel naan. 8 Lalit nai Esau (es le' nai Edom), annao natgua nbi bale nu'af een et Seir.
9 Nai Esau in sufan-ka'un sin, le' sin anteek nanij am nak, ‘atoni Edomas’, es le' ii: sin natguan anbin bale nu'af een et Seir.
10-13 Nai Esau in feel bi Ada, nahonis li'aan monel es, kanan nai Elifas. Nai Elifas in aan monel sin tuaf niim, es le': nai Teman, nai Omar, nai Sefo, nai Gatam ma nai Kenas. Nai Elifas anmu'i fee pana', kanan bi Timna. In nahonis li'aan monel es, kanan nai Amalek.
Nai Esau in feel bi Basmat nahonis li'aan monel es, kanan nai Rehuel. Nai Rehuel nahonis aan monel haa, es le': nai Nahat, nai Sera, nai Sama, ma nai Misa.
14 Nai Esau in feel bi Oholibama, le' nai Anah in aan feto, ma le' nai Sibeon in anah ee in anah naan, nahonis li'aan monel teen, es le': nai Yeus, nai Yalam, ma nai Kora.
15-16 Nai Esau in sufan-ka'un sin anbatis ok namfau ma anjalin uuf-uuf. Es-es nok kuun sin anaak uuf. Nai Esau in aan mone unu nai Elifas in aanh een, anjalin anakaf noi uuf Teman, anakaf noi uuf Omar, anakaf noi uuf Sefo, anakaf noi uuf Kenas, anakaf noi uuf Kora, anakaf noi uuf Gatam, ma anakaf noi uuf Amalek. Sin ala sin le' naan, nai Esau nok in feel bi Ada sin sufak een.
17 Nai Esau in anah nai Rehuel in aanh een anjalin anakaf noi uuf Nahat, anakaf noi uuf Sera, anakaf noi uuf Sama, ma anakaf noi uuf Misa. Sin ala sin le' naan, nai Esau nok in feel bi Basmat sin sufak een.
18 Nai Esau nok in feel bi Oholibama sin aanh een, anjalin anakaf noi uuf Yeus, anakaf noi uuf Yalam, ma anakaf noi uuf Kora.
19 Uuf een le' naan ok-oke', nai Esau in sufan-ka'un sin.
Nai Seir in sufan-ka'un
20-21 Anbi balel nane msa', anmu'i naan atoni Horis mese, in kanan nai Seir. In aanh een anbatis ok anjalin uuf-uuf namfau, es-es ate nok in anakaf. Lalit in aanh een anjalin anakaf noi uuf Lotan, anakaf noi uuf Sobal, anakaf noi uuf Sibeon, anakaf noi uuf Anah, anakaf noi uuf Dison, anakaf noi uuf Eser, ma anakaf noi uuf Disan.
22 Nai Lotan in aanh een, es le' nai Hori ma nai Heman (nai Lotan in fetof ee es le' bi Timna).
23 Nai Sobal in aanh een, es le': nai Alwan, nai Manahat, nai Ebal, nai Sefo, ma nai Onam.
24 Nai Sibeon in aanh een, es le': nai Aya ma nai Anah. Nai Anah in es le' niit oe maat maputu' anbi bale luman tabug in natuku in amaf ee bijakase keledai een.
25-26 Nai Anah in aan fetog ee, es le', bi Oholibama. Ma in aan monel, es le' nai Dison. Nai Dison in aanh een, es le': nai Hemdan, nai Esban, nai Yitran, ma nai Keran.
27 Nai Eser in aanh een, es le': nai Bilhan, nai Sa'aban, ma nai Akan.
28 Nai Disan in anah sin es le': nai Us ma nai Aran.
29-30 Es on naan anaak uuf sin atoni Horis sin, es le': nai Lotan, nai Sobal, nai Sibeon, nai Anah, nai Dison, nai Eser, ma nai Disan. Sin ala sin natguan anbi pah Seir.
Pah Edom in kesel sin
31 Tabug pah Isra'el ka nmu'i fa kesel fa fe' ate, anbi pah Edom anmu'i nalali kesel. Sin kaank een anma'akatuin een, es le':
32 Sin naiti nai Beor in anah nai Bela, anjali kesel anbi koot Dinhaba.
33 Tabug nai Bela anmaat, nai Yobap anseek ee anjali kesel. In amaf ee, kanan nai Sera na'ko kuan Bosra.
34 Tabug nai Yobap anmaat, nai Husam anseek ee anjali kesel. Nai Husam naan, na'ko atoni Temanas sin pah.
35 Tabug nai Husam anmaat, nai Hadat anseek ee anjali kesel. In amaf ee, kanan nai Bedat na'ko kuan Abit. (In le' naan, es le' niis atoni Midianas sin, tabug sin nmakenan anbin pah Moap.)
36 Tabug nai Hadat anmaat, nai Samla anseek ee anjali kesel. Nai Samla naan, na'ko kuan Masreka.
37 Tabug nai Samla anmaat, nai Saul anseek ee anjali kesel. Nai Saul naan na'ko kuan Rehobot et noel ee panin.
38 Tabug nai Saul anmaat, nai Ba'al-Hanan anseek ee anjali kesel. In amaf ee, kanan nai Akbor.
39 Tabug nai Ba'al-Hanan anmaat, nai Hadar anseek ee anjali kesel. Nai Hadar naan, na'ko kuan Pau. In feel ee, kanan bi Mehetabel. Bi Mehetabel in amaf ee, kanan nai Matret. Ma in babaf ee, kanan nai Mesahap.
40-43 Es on naan anaak uuf sin le' anpoin ma anbolan na'ko nai Esau in sufan sin es le': nai Timna, nai Alwa, nai Yetet, nai Oholibama, nai Ela, nai Pinon, nai Kenas, nai Teman, nai Mipsar, nai Magdiel, ma nai Iram. Sin es-es, nakanab sin pah anpake kuuk sin kaank een.
Ma sin le' naan ok-oke', nai Esau in sufan-ka'un. Nai Esau anjali aam uuf noi atoni Edomas sin.