Na'i Maromak fakar hahibun baa raiklaran
16
Nunia hotu, ha'u krona kola lia maliak maka'as ida sai nosi Uma Hamulak. Lia nia naruka makbukar lale'an na'in hitu nia na'ak, “Baa ona! Foti modi hanek nia sia baa! Fakar matuun Na'i Maromak hahibun baa raiklaran ona.”2 Rona nola nunia, makbukar lale'an nomer ida fakar niakaan hanek isin baa raiklaran. Sarebak, dinu kona ema hotu-hotu mak simu buat krakat aat nia niakaan marak, no ema mak lo'u-sudur baa niakaan ai'oik. Sia kona mirik aat mak moras tebes.a
3 Hotu, makbukar lale'an nomer rua fakar niakaan hanek isin baa tasi. Sarebak, wee tasi dadi raa dois, nu'u ema maten raan. Makmoris hotu-hotu iha tasi moos, mate mohu.
4 Hotu, makbukar lale'an nomer tolu fakar niakaan hanek isin baa mota. Wee mota hotu-hotu dadi raa.b 5 Hotu, ha'u krona kola makbukar lale'an ida tenik. Nia, mak babilan wee hotu-hotu iha raiklaran. Nia tonu-naboot Na'i Maromak na'ak,
“Aaa, Ama Maromak!
Ita Boot mak moon kaliuk.
Ita Boot mak la dala ida sala.
Ita Boot moris hori nima-nimak,
no Ita Boot moos atu moris to'o nima-nimak.
Ita Boot hakotu lia hodi moon.
Ita Boot taa ukun halo makonak.
6 Ema naduar ti'an
Ita Boot eman raan.
Ema no'o ti'an
Ita Boot mako'an sia.
Tan baa nia, Ita Boot seten sia nemu raa.
Tan baa nia, Ita Boot selu nikar baa sia hodi kastikar.”
7 Hotu, ha'u krona kola lia maliak ida sai nosi sera fatin, nodi nataa na'ak,
“Tebes! Na'i Maromak beran kaliuk.
Tebes! Na'i Maromak maka'as kaliuk.
Na'i Maromak nakotu lian nodi moon.
Na'i Maromak taa ukun nalo makonak.”
8 Hotu, makbukar lale'an nomer haat fakar niakaan hanek isin baa loro. Sarebak, loro dadi manas liu resik, to'o ema raiklaran isin namotuk. 9 Hotu, sia dale nahaat Na'i Maromak naran, tan dinu nia. Masik nunia moos, la noo ema ida kois mak fila nikar baa Na'i Maromak atu tonu-naboot Niakaan naran.
10 Hotu, makbukar lale'an nomer lima fakar niakaan hanek isin, baa buat krakat aat niakaan kadera ukun. Sarebak, nakukun luri taka nola ema hotu-hotu mak lo'u-sudur baa buat nia. Sia ruun ne'an, tan la bele terus susar.c 11 Sia moos dale nahaat Na'i Maromak naran iha lale'an, tan sia netan kanek mak moras tebes. Masik nunia moos, la noo ida kois mak nanawa nalo aat.
12 Hotu, makbukar lale'an nomer neen fakar niakaan hanek isin baa mota boot ida, naran Efrat. Mota nia ween, moti kedas. Hotu, sia nalo baa dalan bodik na'in no sondadu mak atu mai nosi lorosa'e.d 13 Ha'u moos karee diabu na'in tolu, ilas nu'u lekat. Ida sai nosi samea inan nia nunun. Ida sai nosi buat krakat aat nia nunun. Ida tenik sai nosi samea inan mako'an tolek teen nunun. 14 Diabu tolu nia kaer beran atu nalo tadak blaar oi-oik. Sia sai baa nasoru na'in hotu-hotu iha raiklaran. Hotu, sia meno nola leet ida atu baa natuda sakar Na'i Maromak mak beran kaliuk. Mais, leet mak sia nakotu ti'an nia, kona besik baa Na'i Maromak leet mak Nia boi ti'an atu natoba Niakaan funu hotu-hotu.
15-16 Fatin mak sia meno atu libur malu nodi natuda, tuir lia Ibrani fatin nia na'ak “Armagedon”.
Yesus Kristus moos dale na'ak, “Hanoin di'a-di'ak! Sarebak Ha'u kmai hanesan ema na'ok, mak ema la nanoin nola. Ema mak sotir, ema mak daka nodi nadi'a niakaan faru ti'an. Nodi nunia, oras Ha'u kmai, nia la moe, tan la la'o nakwalan iha ema lear oin. Mais nadi'a aan ti'an atu simu Ha'u.”e
17 Hotu, makbukar lale'an nomer hitu fakar niakaan hanek isin baa anin. Na'i Maromak moos dale nodi lian boot nosi Niakaan habesi aan fatin iha Uma Hamulak na'ak, “Hotu ti'an! Ha'ukaan hahibun nakfakar mohu ti'an.”
18 Hotu, mameran taba. Kokur boot moos taba tutan malu. Kakekuk boot moos mai. Kakekuk nunia sei la dala ida dauk dadi iha raiklaran ne'e.f 19 Baa oras nia, Na'i Maromak la nalu'a ema kota Babel siakaan a'aat. Nia nodi kakekuk kasalak nia, to'o kota boot nia nakfota fa'e baa tolu. Hodi nunia, ema Babel noran Niakaan hahibun. Kota seluk sia iha raiklaran moos nakro'on mohu.g 20 Baa oras nia, rai mout nunia dei. Foho moos lakon mohu.h 21 Udan fatuk bo-boot moos tuun nosi kalo'an, latan nola ema raiklaran. Udan fatuk nia sia todan tebes, to'o kilo haat nulu.i Udan fatuk nia sia nasusar ema raiklaran, to'o sia dale nahaat Na'i Maromak naran.j