Yohanis naree lale'an isin
15
Hotu, ha'u ktitu-karee lia kasalak ida iha lale'an mak nalo ha'u kblaar tebes. Noo makbukar lale'an hitu. Ida-idak kaer beran atu solok dinu baa raiklaran. Dinu hitu nia, dinu ikus. Kalo dinu nia sia dadi ti'an, lia nia na'ak Na'i Maromak laran malirin ti'an. Nia la nahibu ema raiklaran ona.2 Hotu, ha'u ktitu-karee tasi mak laka nu'u lalenok kahur ha'i. Ha'u moos titu-karee ema lear nariik iha tasi nia tehen. Sia nia mak la tuir buat krakat aat nia, no la lo'u-sudur baa niakaan ai'oik, no la simu niakaan marak. Sia hotu-hotu kaer bareka mak sia simu nosi Na'i Maromak. 3 Hotu, sia nananu kananuk ida. Uluk Na'i Maromak ain-liman Musa nananu kananuk nia, baa oras Na'i Maromak nodi Niakaan ema sia sai nosi susar iha rai Mesir. Ema nia sia moos nananu kananuk ida tenik nodi tonu-naboot Na'i Yesus. Uluk, ema no'o Nia, nu'u ema sera bibi malae oan iha Uma Hamulak nodi natetu baa Na'i Maromak atu nalirin Niakaan laran. Sia nananu na'ak,
“Aaa, Ama Maromak!
Ami tonu-haboot Ita Boot!
Ami foti-hahaas Ita Boot!
Tan Ita Boot beran kaliuk.
No Ita Boot maka'as kaliuk.
Ita Boot mak kaer ukun baa ema klubun hotu-hotu.
Ita Boot mak Na'in bodik ema hunun hotu-hotu.
Ita Boot hahalok, kasalak kaliuk.
Ita Boot serwisu, kabaas tebes.
Ita Boot dalan, loos tebes.
Ita Boot moris, moon kaliuk.a
4 Ema hotu-hotu foti-nahaas Ita Boot naran.
Ema hotu-hotu tonu-naboot Ita Boot dadi'ak.
Tan Ita Boot mesan mak moon.
No Ita Boot mesan mak la noo sala.
Ema klubun hotu-hotu atu mai lo'u-sudur baa Ita Boot.
Ema hunun hotu-hotu atu mai sera dodan baa Ita Boot.
Tan ema hotu-hotu naree ti'an Ita Boot hahalok di'ak.
No ema hotu-hotu natene ti'an Ita Boot laran loos.”b
5 Ema nia sia nananu notu, ha'u ktitu-karee Ke'an Lulik iha Uma Hamulak iha lale'an. Tais odamatan ke'an nia, nakloke.c 6 Ha'u moos karee makbukar lale'an na'in hitu mak nodi dinu hitu nia. Sia la'o sai nosi Uma Hamulak. Sia tau faru mutin moos mak naksinak, nodi sakat tais hasaan mak soru hosi mean isin. 7 Hotu, ha'u ktitu-karee buat horis kasalak matan ida nosi buat horis kasalak matan haat mak nariik satan nola Na'i Maromak habesi aan fatin nia. Buat nia fa'e hanek mean hitu, foo baa makbukar lale'an na'in hitu nia. Hanek hitu nia, ida-idak nahisi kastikar nosi Na'i Maromak mak moris hori nima-nimak to'o nima-nimak, tan Na'i Maromak nadi'a aan ti'an, atu fakar hahibun baa raiklaran. 8 La kleur, Uma Hamulak nakonu dubun mak tubu nosi Na'i Maromak Niakaan maka'as no Niakaan kabaas, to'o la noo ema ida kois mak bele tama baa Uma Hamulak nia. Makbukar lale'an na'in hitu nia musti fakar mohu dinu hitu nia baa raiklaran lai, foin ema bele tama baa.d