Bibi Malae Oan no Niakaan ema na'in rihun atus ida haat nulu resin haat (144.000)
14
Nunia hotu, ha'u kfoti oin. Sarebak ha'u ktitu-karee Bibi Malae Oan nia no'i nariik iha foho ki'ik ida leten. Foho nia naran Foho Sion. Nia nariik namutuk no ema na'in rihun atus ida haat nulu resin haat. Iha ida-idak baboton, noo hakerek Bibi Malae Oan no Aman naran.a 2 Hotu, ha'u krona kola lia maliak ida nosi lale'an. Lia maliak nia, boot nu'u wee tatolik no maka'as hanesan kokur. Lia maliak nia moos furak, hanesan ema lear kodas bareka. 3 Ema na'in rihun atus ida haat nulu resin haat nia no'i nariik se'i oin baa Na'i Maromak. Sia moos se'i oin baa fukun sia no buat horis kasalak matan haat mak satan nola Na'i Maromak habesi aan fatin. Ema lear nia nananu kananuk foun ida. Sia mesan dei mak bele nananu kananuk nia, ema seluk la bele. Sia nia mak di'a-di'ak ti'an no Na'i Maromak, tan Nia nodi Niakaan Oan raan, selu kotu siakaan salan. 4 Sia moris moon, hanesan ema klalon mak sei la dala ida dauk nalo lia kfo'er. Sia tuir Bibi Malae Oan nia baa nabee dei, tan Na'i Maromak selu nola sia ti'an nodi Oan raan, nebee sia dadi baa Niakaan eman. Sia moos hanesan to'os isin fohon, mak ema nodi atu sera baa Na'i Maromak no Bibi Malae Oan. 5 Siakaan ibun la natene naktolek, tan sia neon moos.bMakbukar lale'an na'in tolu nodi lia
6 Hotu, ha'u ktitu-karee makbukar lale'an na'in ida tenik. Nia semo aas iha kalo'an, nodi keke Na'i Maromak Manfatin Di'ak mak nafati nohuun. Nia semo satan nola raiklaran, katak baa ema hotu-hotu iha raiklaran. Ne'e mak, ema nosi klubun hotu-hotu, ema nosi hunun hotu-hotu, no ema mak dale nodi lia hotu-hotu nosi rai hotu-hotu. 7 Nia nahii maka'as na'ak,
“Emi musti hakneter Na'i Maromak!
Emi musti foti-hahaas Niakaan naran!
Tan Na'i Maromak oras to'o ti'an,
atu leno ema hotu-hotu hahalok.
Tonu-haboot Nia!
Foti-hahaas Niakaan naran!
Tan Nia mak nase'i lale'an no raiklaran.
Nia mak naruka tasi no wee matan hotu-hotu dadi.”
8 Makbukar lale'an dale notu nunia, ha'u moos titu-karee makbukar lale'an ida seluk. Nia mai tuir makbukar ohin nia. Nia katak na'ak, “Dodok ti'an! Kota Babel dodok ti'an! Kota boot nia welon ti'an! Kota aat nia nakro'on weer to'o rai ti'an. Uluk, kota nia hanesan feto dalan aat mak seten ema klubun hotu-hotu iha raiklaran, nebee sia nemu lanu no nia, no tuir nalo lia kfo'er no nia. Oras ne'e, kota nia kona Na'i Maromak hahibun ti'an!”c
9 Hotu, ha'u ktitu-karee makbukar lale'an ida seluk tenik. Nia mai tuir makbukar nomer rua nia. Nia nahii maka'as na'ak, “Sintidu! Ema hotu-hotu mak lo'u-sudur baa buat krakat aat nia no niakaan ai'oik, nanis simu Na'i Maromak hahibun! Nunia moos, ema mak simu buat nia niakaan marak iha siakaan baboton no liman. 10 Na'i Maromak du'uk atu fakar tuun hahibun, hanesan naroo naseten sia nodi tua ulun. Nia atu soe lerek sia baa ha'i fatuk lobot mak laka la mohu. Niakaan makbukar lale'an no Bibi Malae Oan atu nobun siakaan susar nia.d 11 Ha'i dubun moos atu nakfolo sa'e la nakotu nosi siakaan fatin susar nia. Hodi nunia, sia netan susar mak la nakotu.”e
12 Tan baa nia, Na'i Maromak eman sia musti nanono di'a-di'ak Niakaan ukun, no fiar bei-beik baa Yesus. Keta nakiduk.
13 Nunia hotu, ha'u krona kola lia maliak ida nosi lale'an. Lia nia katak baa ha'u na'ak, “Yohanis! O musti makerek nune'e: Nahuu baa oras ne'e, kalo ema fiar nohuun baa Na'i Yesus to'o mate, sia netan sotir.”
Hotu, Maromak Kmalar Lulik nataa na'ak, “Tebes! Sia atu sotir tebes! Masik sia netan susar iha raiklaran moos, sia naterus aan tuir Na'i Maromak nohuun. Tan lia nia, Na'i Maromak atu selu siakaan kolen. Hotu sia la susar tenik iha lale'an.”
Na'i Maromak nahibu ema raiklaran hanesan ema nodi taha, lere to'os isin
14 Nunia hotu, ha'u kfoti oin. Sarebak, ha'u ktitu-karee kalo'an mutin fu'ak ida naksinak. Ema ida tuur iha kalo'an nia fohon. Ema nia, hanesan Ema Raiklaran Isin. Nia tau sabeo halo hosi mean, nodi kaer taha ro'at ida.f
15 Hotu, ha'u ktitu-karee tenik makbukar lale'an ida seluk. Nia sai nosi Na'i Maromak Niakaan Uma Hamulak nodi nahii baa ema iha kalo'an fohon nia na'ak, “Modi okaan taha nia, lere ona! Oras libur rai isin to'o ti'an.”g 16 Hotu, ema mak tuur iha kalo'an nia, bakut Niakaan taha, nodi lere no libur nola rai isin sia.
17 Hotu, makbukar lale'an ida seluk tenik sai nosi Uma Hamulak iha lale'an. Nia kaer taha ro'at ida atu nodi tesi ai fuan iha raiklaran.
18 Hotu, makbukar lale'an ida seluk mai nosi tunu ai morin fatin iha Uma Hamulak iha lale'an. Niakaan serwisu, daka ha'i iha tunu ai morin fatin nia. Nia nahii nodi naruka mak kaer taha nia na'ak, “Modi okaan taha nia, baa tesi mola ai fuan iha rai ona! Ai anggor fuan sia tasak ti'an.” 19 Hotu, makbukar lale'an nia bakut taha nia baa rai, nodi tesi nola anggor saren sia. Hotu, natama anggor fuan nia sia baa kuak laledun laran. Hotu, sama nasai ween. Sama anggor fuan nia, lia hatetek na'ak, Na'i Maromak hahibun. 20 Kuak laledun nia iha kota luan. Anggor fuan ween sai nia, hanesan raan suli sai nosi ema mak Na'i Maromak nahibu. Siakaan raan nia suli sai wa'in to'o dadi mota ida. Mota nia naruk, kilo atus tolu. Le'an, ro'a ida no balun.h i