Huu kfui dikur nomer lima, kala'ek nasusar ema raiklaran
9
Hotu, makbukar nomer lima nuu niakaan kfui dikur. Ha'u ktitu-karee fitun ida monu tuun baa raiklaran, to'o kuak boot mak la noo nidin. Hotu, sia foo sabi baa fitun nia atu nodi loke kuak nia odamatan. 2 Loke odamatan ti'an, ha'i dubun metan ma'ar sai mai. Dubun nia boot, hanesan alas namotuk dubun. Ha'i dubun nia nakfolo fu-fu'ak sa'e, to'o kalo'an no loro matan nakukun.a 3 Hotu, kala'ek lear boot semo sai nosi ha'i dubun nia, monu baa raiklaran. Na'i Maromak latan beran baa sia hanesan sakunar.b 4 Mais, Nia kahi nebee keta nahaat hae, keta nahaat alas no ai horis seluk sia iha raiklaran. Nia latan beran baa sia nasusar loos ema mak la noo Niakaan marak iha baboton.c 5 Sia musti nasusar ema nia sia, to'o fulan lima laran. Mais, la bele no'o. Nahoras loos, hanesan sakunar tata. 6 Oras ema kona susar nia, sia la bele terus, to'o nakara mate dei. Mais sia la mate.d7 Hotu, ha'u ktitu-karee kala'ek nia sia ilas, hanesan kuda hatuda mak tau sabeo meo ulun, halo hosi mean. Kala'ek oin, nu'u ema.e 8 Fuuk naruk, hanesan feto fuuk. Ne'an meik, hanesan busa fuik boot ne'an.f 9 Kala'ek nia sia, nu'u tau besi heli karas. Liras nakbasak boot, hanesan sondadu klibur boot ida kudan dada kareta hatuda nodi nalai.g 10 Siakaan ikun noo raso, hanesan sakunar. Sia netan beran atu nasusar ema nodi raso nia, to'o fulan lima laran. 11 Kala'ek nia sia moos noo na'in mak kaer ukun baa kuak boot mak la noo nidin nia. Iha lia Ibrani, niakaan naran na'ak Abadon. Iha lia Yunani na'ak Apolion. Ne'e na'ak, “Madodok Teen”.
12 Hodi nunia, dinu uluk fohon, siku liu. Mais, sintidu! Tan dinu rua tenik, sei iha ikus.
Huu kfui dikur nomer neen, susar oik tolu iha raiklaran
13 Hotu, makbukar nomer neen nuu niakaan kfui dikur. Ha'u ktitu-karee hadak mean mak sia nodi tunu ai morin raan. Hadak nia se'i oin baa Na'i Maromak. Hotu, lia maliak ida sai nosi hadak nia lidun haat,h 14 katak baa makbukar mak foin nuu kfui dikur nia na'ak, “Maromak Niakaan makbukar na'in haat kesi kleur ti'an iha mota boot ida, naran Efrat. Baa mabusik sia ona!” 15 Hotu, makbukar nia baa nabusik sia, nebee sia baa no'o ema raiklaran. Hodi nunia, sia no'o ema kona baa tinan, fulan, loron no tuku mak Na'i Maromak nakotu kedan ti'an. Kalo fa'e ema hotu-hotu iha raiklaran halo baa fa'ek tolu, mak mate baa oras nia, fa'ek ida. 16 Hotu, sia katak baa ha'u na'ak, makbukar niakaan sondadu mak sa'e kuda hatuda, na'in miliun atus rua. 17 Hotu, ha'u ktitu-karee sondadu nia sia no siakaan kuda. Sondadu sia tau heli karas mean laak, flahuk maksinak, no modok lakan. Kuda sia ulun, hanesan busa fuik boot ulun. Ha'i, ha'i dubun, no fatuk ha'i lobot nakbuut sai nosi nunun 18 atu natuun susar oik tolu iha raiklaran. Kalo fa'e ema raiklaran halo baa fa'ek tolu, susar oik tolu nia atu no'o mohu fa'ek ida. 19 Iha kuda ikun, noo ulun hanesan samea ulun. Hotu, kuda nia sia baa nasusar ema raiklaran nodi nunun no ikun.
20 Mais, sei noo ema seluk iha raiklaran mak la mate nodi dinu nia sia. Masik sia kona dinu moos, sia la no'uk la'o nela siakaan a'aat. Sia lo'u baa diabu nohuun, no lo'u baa saa mak sia nalo nosi mean, nosi mutin, nosi besi riti, nosi fatuk no ai. Masik buat nia sia la bele naree, la bele rona, no la bele la'o, sia lo'u baa bei-beik.i 21 Sia moos la nanawa nosi sala seluk sia. Sia la nanawa no'o ema. Sia la nanawa tau matenek kukun. Sia la nanawa nalo lia kfo'er. No sia la nanawa nana'o.