Bibi Malae Oan loke hanit nia sia ida-idak Loke hanit nomer ida, meo ulun sai mai
6
Hotu, ha'u ktitu-karee Bibi Malae Oan nia loke hanit nomer ida iha hakerek lulun nia. Ha'u moos rona kola ida nosi buat horis kasalak matan haat nia, nahii nodi lian maka'as nu'u kokur. Nia naruka na'ak, “Baa ona!” 2 Sarebak, ha'u ktitu-karee kuda mutik ida. Ema ida sa'e iha kuda nia. Nia tau sabeo meo ulun, tan Nia natoba nola funu bei-beik. Oras ne'e, Nia kaer rama, nodi baa natoba tenik funu iha raiklaran.aLoke hanit nomer rua, tokar lauk moris iha raiklaran
3 Hotu, Bibi Malae Oan nia loke hanit nomer rua. Ha'u moos rona kola buat horis kasalak nomer rua naruka na'ak, “Baa ona!” 4 Hotu, kuda meak lakan matan ida sai mai. Ema mak sa'e kuda nia simu nola surik naruk ida, tan sia latan beran baa nia atu baa tokar lauk iha raiklaran, to'o ema no'o malu.b
Loke hanit nomer tolu, rai salaen boot mosu
5 Hotu, Bibi Malae Oan nia loke hanit nomer tolu. Ha'u krona kola buat horis kasalak nomer tolu naruka na'ak, “Baa ona!” Sarebak, ha'u ktitu-karee kuda metan matan ida. Ema mak sa'e kuda nia kaer dasin ida, atu nodi tetu hahaak mak nahuu mohu ona iha raiklaran.c 6 Hotu, ha'u krona hanesan lia maliak ida mai nosi buat horis kasalak matan haat nia klaran. Lia maliak nia katak na'ak, “Rai salaen boot ida atu mosu iha raiklaran. To'o ema kansera loron ida, hodi sosa loos foos sasukat tolu dei. Kalo foos di'ak, hetan loos sasukat ida dei. Mais, oras rai salaen to'o, ema la bele nahaat ai saitun no ai anggor iha to'os.”
Loke hanit nomer haat, ema wa'in mate
7 Hotu, Bibi Malae Oan nia loke hanit nomer haat. Ha'u ktitu-karee buat horis kasalak nomer haat naruka na'ak, “Baa ona!” 8 Sarebak, ha'u ktitu-karee kuda malahuk matan ida. Ema mak sa'e kuda nia naran ‘Mate Huun’. Noo ida mak tuir nia nosi kotuk, naran ‘Matebian Fatin’. Kalo sura ema hotu-hotu iha raiklaran, halo baa fa'ek haat, sia rua netan beran atu no'o fa'ek ida. Bele no'o nodi surik, nodi rai salaen, nodi moras, no nodi asu fuik.d
Loke hanit nomer lima, Na'i Maromak eman sia kona ho'o
9 Hotu, Bibi Malae Oan nia loke hanit nomer lima. Ha'u ktitu-karee matebian sia iha hadak sera ohak. Uluk, sia kona ho'o tan fiar Na'i Maromak nodi keke bei-beik Niakaan Manfatin. 10 Sia nahii na'ak, “Aaa Maromak, amikaan Na'in Maka'as! Ita Boot mak Moon! Ita Boot mak Loos! Mais ami musti hein to'o wain hira tenik, foin Ita Boot kastikar ema mak no'o ami iha raiklaran?”
11 Nusu notu nunia, sia ida-idak simu faru klobor mutin. Hotu sia rona ida mak katak sain baa sia na'ak, “Hein tenik lai, tan sei noo emikaan mamaluk sia mak atu kona ho'o hanesan emi. Hein to'o sia hotu-hotu kona ho'o ti'an lai, foin Ha'u kastikar ema mak no'o emi.”
Loke hanit nomer neen, dinu moris iha lale'an no raiklaran
12 Hotu, Bibi Malae Oan nia loke hanit nomer neen. Sarebak, ha'u ktitu-karee kakekuk boot. Loro nakukun, hanesan hene metan. Fulan moos mean, hanesan raa.e 13 Fitun sia iha lale'an monu tuun baa raiklaran, hanesan ai fuan matak nakoran, tan anin maka'as. 14 Ha'u moos titu-karee lale'an naksaki fa'e rua, hotu naklulun hanesan biti to'o mohu. Foho no rai hotu-hotu moos nakdoko to'o lakon.f 15 Titu-naree nunia, ema hotu-hotu iha raiklaran nata'uk. Nahuu nosi na'in, ukunrai ulun, sondadu ulun, no ema maksoin to'o ata sia. Hotu-hotu nata'uk. Sia nalai baa nakfunin iha fatuk kuak no fatuk leet iha foho.g 16 Sia naruka foho no fatuk boot sia na'ak, “Taka hola ami ona! Subar hola ami, nebee Nia mak nabesi aan iha habesi aan fatin nia, la bele naree ami tenik. Hodi nunia, Bibi Malae Oan nia la kastikar ami.h 17 Adeei! Ami susar tebes ona, tan loron dinu mai ti'an! Na'i Maromak no Bibi Malae Oan atu fakar hahibun baa ami ona. La noo ida mak bele sasin, tan ami hotu-hotu nanis mate!”i