2 Baa oras nia moos, Maromak Kmalar Lulik foti nodi ha'u baa lale'an. Ha'u karee habesi aan fatin ida. Noo Ida tuur nabesi aan iha fatik nia. 3 Nia naksinak ilas murak matak no mean, hanesan fatuk mahoo matan mak folin todan, mak ema temi na'ak fatuk yaspis no fatuk sardius. Baur tuik ida satan nola habesi aan fatin nia. Baur nia sinak noo ilas matak hanesan fatuk samrud.^a 4 Iha nia moos noo kadera ukun rua nulu resin haat mak satan nola habesi aan fatin nia. Fukun na'in rua nulu resin haat tuur baa kadera nia sia. Sia hotu-hotu tau faru mutin no sabeo nosi mean. 5 Mameran tubu nosi habesi aan fatin iha klaran nia. Kokur moos taba tutan malu. Noo klonus lolon hitu mak laka iha habesi aan fatin oin. Klonus nia na'ak Maromak Kmalar Lulik, mak hanesan kmalar hitu.^b 6 Ha'u ktitu-karee tenik hanesan noo tasi ida mak moon nu'u lalenok iha habesi aan fatin oin.

Hotu, ha'u ktitu-karee buat horis kasalak matan haat. Sia lituk habesi aan fatin nia nodi naliku Na'i Maromak. Buat nia sia, oin-kotuk nakonu mesan matan fuan.^c

7 Buat nomer ida, oin hanesan busa fuik boot. Nomer rua, oin hanesan karau baka aman. Nomer tolu, oin hanesan ema raiklaran. Nomer haat, oin hanesan kikit maksemon.^{d e} 8 Buat matan haat nia, ida-idak noo liras neen. Liras nia sia luan no laran nakonu mesan matan fuan. Loron-kalan buat nia sia nananu la nakotu na'ak,

9 Nodi nananu nunia, sia tonu no nakneter Na'i Maromak, no sera dodan baa Nia, tan Nia mak nabesi aan baa habesi aan fatin nia, no Nia mak iha to'o nima-nimak. Baa oras sia nananu, 10 fukun na'in rua nulu resin haat nia moos sudur baa Na'i Maromak mak nabesi aan iha habesi aan fatin nia. Fukun sia loke siakaan sabeo, rai baa habesi aan fatin nia oin, nodi lo'u-sudur baa Nia mak iha hori nima-nimak to'o nima-nimak. Sia moos tonu-naboot Nia na'ak,