Knaninuk oan no inan-aman
6
Oa sia! Emi musti hanono baa emikaan inan no aman, tan lia nia tuir itakaan Na'in, Yesus Kristus hakaran.a 2 Iha Hakerek Moon no ukun na'ak, “Musti hakneter inan no aman.” Ukun nia, ukun dala uluk mak nodi Maromak mamenon. 3 Tan, baa oras Nia foo ukun nia, Nia moos nameno na'ak, “Kalo hakneter inan no aman, atu hetan matak-malirin no otas naruk.”b4 Ina-ama sia! Keta maka'as resik baa emikaan oan sia, tan lia nia nalo sia hirus emi. Di'ak liu, babilan sia di'a-di'ak. Hanorin sia, nebee sia tuir Kristus dalan. Kalo sia nalo sala, halore dalan loos baa sia hodi foo lia tate'an nosi Kristus.c
Knaninuk ulun no ain-liman sia
5 Ema ain-liman sia! Emi musti hanono baa emikaan ulun mak ukun emi iha raiklaran ne'e, no serwisu tuir niakaan hakaran. Keta serwisu asufanu dei, mais serwisu hodi neon no laran tuir ulun hakaran, hanesan tuir tebe-tebes Kristus hakaran, 6 tan emi moos Kristus ain-liman. Keta serwisu madinas iha ulun oin dei. Masik nia la iha moos, musti serwisu madinas bodik nia. Lia nia mak tuir Na'i Maromak hakaran. 7 Serwisu hodi neon no laran bodik emikaan ulun, nu'u emi serwisu bodik Na'i Maromak. 8 Tan ita hatene ha'ak, Na'i Maromak nanis selu ema mak nalo lia di'ak. Masik ema nia, ain-liman ka, ulun ka, ata ka, na'in ka, Na'i Maromak selu luku.d
9 Ulun sia! Keta tarata emikaan ain-liman sia, tan emi hotu-hotu hana'i baa Ulun ida iha lale'an. Nia la fihir oin, mais Nia rona se-see dei mak nusu baa Nia. Masik ema nia, ain-liman ka, ulun ka, ata ka, na'in ka, Nia rona luku.e
Kristus eman musti kaer metin ro'at-meik
10 Hanono di'a-di'ak ha'ukaan dalen rohan ne'e. Ita musti kaer metin itakaan fiar baa Kristus, tan Nia, itakaan Na'in mak noo beran maka'as kaliuk. 11 Ita musti hadi'a aan nu'u sondadu hodi kaer ro'at-meik nosi Na'i Maromak, nebee ita keta monu baa diabu ulun niakaan kakutak aat. 12 Hanoin! Tan ita ne'e iha hatuda laran. Ita la hatuda sakar ema raiklaran, mais hatuda sakar makaer ukun no makaer beran aat sia iha kukun. 13 Tan lia nia, ita musti hadi'a aan kaer hotu Na'i Maromak Niakaan ro'at-meik sia. Kalo loron aat nia to'o ti'an, ita bele hariik metin hodi sakar funu to'o mohu.
14 Ita hariik metin iha hatuda laran nune'e: Ita kaer Na'i Maromak hanorin loos, lia nia hanesan ita tau bolas sondadu.f Ita moris loos, lia nia hanesan ita tau faru besi heli karas.g 15 Ita katak Lia Di'ak baa ema ha'ak, sia bele di'a-di'ak ho Na'i Maromak, lia nia hanesan ita tau kaso sondadu.h 16 Ita fiar metin baa Na'i Maromak, lia nia hanesan ita kaer metin besi heli aan. Besi heli aan nia bele neli ita nosi rama ha'i mak diabu aat nana natutuk baa ita. 17 Ita kaer metin itakaan fiar ha'ak, Na'i Maromak sori ita ti'an, lia nia hanesan ita tau sabeo besi. Ita kaer metin Maromak Manfatin, lia nia hanesan ita kaer surik, tan Manfatin nia, Kmalar Lulik Niakaan surik.i
18 Kalo hakara hariik metin iha hatuda laran, keta hanawa hamulak tuir Kmalar Lulik hakaran. Baa oras hamulak, keta halu'a hamulak bodik Na'i Maromak eman hotu-hotu iha nabee dei. 19 Keta halu'a hamulak no bodik ha'u. Nebee, Na'i Maromak foo lia fuan makonak baa ha'u, nebee ha'u kbele katak malorek Niakaan Lia Di'ak baa ema seluk sia. 20 Masik ha'u ktama bui moos, ha'u ksei dadi Niakaan sasi'an. Hamulak bodik ha'u mamaluk sia, nebee ha'u la kata'uk kala'ok Niakaan serwisu!
Paulus taka niakaan hakerek baa ema Efesus sia
21 Ha'u kakara basuk emi hatene ha'ukaan tuur-hariik iha ne'e. Tan nia, ha'u ksolok Tikikus baa emi. Nia, ha'ukaan maluk mak ha'u kadomi. Nia madinas nala'o itakaan Na'in, Yesus Kristus Niakaan serwisu.j 22 Foo leet baa nia atu dale nosi amikaan tuur-hariik iha ne'e. Hodi nunia, nia bele nakbiit nola emikaan neon.k
23 Tan emi fiar baa Na'i Maromak, itakaan Ama, no Yesus Kristus, itakaan Na'in, ha'u kaloon nebee emi bele moris dame no hadomi malu. 24 Nebee, itakaan Na'in Yesus Kristus natudu laran di'ak bodik ema hotu-hotu mak la nanawa nadomi Nia.
Ha'ukaan hakerek narohan baa ne'e.
Dame,
Paulus