Au dui' susura' ia fee basa Ama' Manetualain lahenda teka-heren fo ri' Ana sue-lai, ma Yesus Kristus nanea nahere si losa' Ana natafali mai.^a 2 Au hule Manetualain natudu Ria dale kasian Na, ma fee susue-lalai kadodou Na neu' emi, ela emi bisa masoda no tetu-tema', mole-dame ma tesatei-tamadale'.

3 Toranoo susue kara emin! Maulu na au ahii' aan seli nau dui' fee emi basa-basan la'e-neu' Manetualain po'i-tata na ita. Tehuu besa' ia nanori-nafada masala' a toda mai, de nau do ta nau au dui' feke'. Manetualain fee ita eno soda roo-tetu' a. Ana fee eno soda' ria noi lai' esa' a, ma Ana ta naralin. Ana fee eno soda' a neu' Ria lahenda kamahere Nara. De besa' ia au hule emi moi-tao mela-maku ela lahenda boso' soba-soba rarali eno soda' fo ri' neme Manetualain mai.

4 Huu fo lahenda hida maso' rafufuni' rai emi talada. Sira nana ta tuka Manetualain eno soda roo-tetu Na, tehuu ara tuka noi hihii-nanau ao-paa nara. Ara rae Manetualain dale malole Na soi eno', de sira bole tao rafarara'u leo naa'. Dedea fufudi' ria so! Sira nana, lahenda masarole-masarali'! Ara nau ita boso' tamanene neu' ita Mane na, ma ita Ramatuan Yesus Kristus. Tehuu emi mafarerene', huu fo mana dui' nai Susura Makamoi' a nae, Ramatua' a ator mema' sira huhuku na neme ulu' mai.

5 Hihii-nanau' dodou' emi bubulu' asa, tehuu au afarerene' selu' fee emi, ela emi muste besa-besa.

8 Leo mae leo' naa boe, tehuu lahenda manori-mafada peko-paki' ara maso' rai emi talada. Sira pake mei-afes nara dadi nete' ela tao rakekeo-rakakanu ao-ina nara, ma ralena laka rafarara'u neu' lahenda mana homu kuasa, ma radadae kuasa malole nai nusatetu-ikutema' a. 9 Tehuu Mikael ta tao sama leo' sira. Ria nana, Manetualain eila'o-limalopen rai nusatetu-ikutema' a mandor na. Tepo' fo Musa maten, Mikael nareresi' no nitu ra malaka bau-ina na, la'e-neu' Musa popora na. Tehuu Mikael ta sale ni, do nadadaen. Ana noi nafada' a nae, “Neu' ko Manetualain ri' ator o, besa' ko o mameda mitan!”^d

10 Tehuu lahenda ia ra, ta leo naa'. Ara radadae ma ramumulu basa hihii-nanau' fo ara ta bubulu'. Ara tuka noi sira hihii-nanau mafarara'u nara, sama leo' banda ra. Huu ria naa, ara tao ralulutu' ao-ina heheli nara.

11 Besa-besa! Neu' ko ara hapu nuu babati nara. Sira makaresi nara leo Kaen. Ara tao tuka leo' Balaam, fo ri' nau tao sudi la'e ubea', sadi hapu doi'. Ara tao tuka leo' Kora boe, de nalulutu' nana huu ana nalena-laka neu' Manetualain. Huu no sira tadalu na, de neu' ko lahenda ia ra bika-bati reme Manetualain mai.^e

12 Kalu lahenda ia ra rabua ro emi mia-minu mafarene Manetualain susue-lalain, sona sira maoro nara seli, ara ta mae'. De emi muste besa-besa. Sira sama leo' batu kusi nai tasi' a, de bisa tao nalulutu' ofaai.^f Sira sama leo' oa keo-ina' a, ana ta natuda soba uda titi' esa neu' dae tuu' a lain boe'. Ara dedea noi bau-ina' a, tehuu ta tao hata malole esa boe'. Ara roroo' leo ai huu', fo ta nanuu sosoa-raraa' hata esa boe'. Kalu ledo-fai nabuna-naboa nara, ta reni buna-boa' esa boe'; nana huu sira nanafa'u heni' losa oka nara. 13 Sira nonoi-tataon noi ri' ramamae' ita. Sira sama leo' nafa bau-ina' a, foa ela tetere' ara tuka-tuka tasi' a suu na. Sira sama leo' ruu' fo reu-mai rai lalai, ara hapu huhuku' de Manetualain tao si reu' mamana maiu', boe ma mopo' asa reu' naa.

14 Henok nana, tititi-nonosi kahitu, reken mulai neme Adam. Ana nafada mema' la'e-neu' lahenda rupa leo ia' a. Ana nae,

16 Lahenda dae-bafo' fo ri' maso' rai emi talada, ralela' noi namuu-nadau' a ta pake babasa'. Ara neo lahenda la'o naroo. Ara ta tao dale' neu' Manetualain hihii-nanaun, ma ara tuka noi hihii-nanau ao-paa nara. Ara dedea noi nadedema ao' a. Ara rahii' rasosoro poo ma hai lahenda dalen, ela ara hapu balasan tuka sira hihii-nanaun.

17-18 Toranoo susue kara emin! Boso' mafarene heni hehelu', fo ri' ita Ramatuan Yesus Kristus lahenda nadedenu nara rafada mema' emi rae, kalu dae-bafo' a saka' noe, sona mamumulu-mamamae' ara kalua mai. Ara rahii' radadae Manetualain hihii-nanaun, fo tuka noi sira hihii-nanau peko-paki nara.^h 19 Besa' ia, lahenda sira hapu si mema'. Sira duduku-papau' reu-mai, tao ra emi mabika-mabati'. Ara rasoda tuka noi lahenda dae-bafo' a hihii-nanaun, Manetualain Dula-dale Malalao-malalafu Na ta nai sira dale nara.

20 Tehuu toranoo susue kara emin! Emi muste mafoa masoda mara neu' batu buku', ri' emi namahere malalao-malalafum. Ma kalu emi hule-haradoi, sona tuka hata fo ri' Dula-dale Malalao-malalafu' a natudu fee emi. 21 Mafarerene', Manetualain sue na emi seli. De emi manea ao-ina mara ma mafarene Ria susue-lalain. Ma emi muste manenete, mahani ita Ramatuan Yesus Kristus natudu dale kasian Na neu' emi, ela emi masoda maroo mo Manetualain.

22 Emi muste matudu dale kasian mara neu' lahenda dale asapaka' ara. 23 Emi muste tulu-fali basa lahenda fo parluu hapu popo'i-tatata', sama leo' emi kalua ma lahenda reme ai-pila' dale' mai. Bei lahenda feke' bali fo emi muste matudu dale malole mara neu' asa. Tehuu besa-besa! Leo mae emi kasian neu' asa, tehuu emi boe muste mahia' sira makekeo-makakanu nara, sama leo' lahenda rahia' badu kekeo'.ⁱ