'Bib-kaes Ana' naan nfei 'retu'-'fo'e 'Retu'-'fo'e ahunut — meo pae' je npoi neem
6
Rarit au 'iit 'Bib-kaes Ana' naan anfei suur manunu' naan in a'retu 'foe' ahunut. Onaim au 'neen mui't es na'ko mui' haa ma'tain ein naan, ankoa' naher-heer. In haan ee, on re' 'rotos. In naprenat am nak, “Amnao nai!” 2 Nok askeken ate, au 'iit bikaes muit es. Tuaf es ansae nbi bikase' naan, in na'sobe' 'soeb makenat, natuin in niis piut-piut anbi makenat. Oras ia, in nnaa' suni'-kenat, ma npoi nnao ma niis in musun nbin pah-pinan.a'Retu'-'fo'e no nuan ii — taisibu nbi pah-pinan
3 Rarit 'Bib-kaes Ana' naan anfei 'retu'-'fo'e no nuan. Onaim au 'neen mui' ma'tain no nuan ii, naprenat am nak, “Amnao nai!” 4 Rarit bikaes mee mapina' es anpoi neem. Tuaf re' ansae bikase' naan antoup suin kou' gwes. Sin nfee ne kuasa he ntaisibun pah-pinan, maut he mansian ein anmaroor niisn ein es nok es.b
'Retu'-'fo'e no teun ii — oras amnahas ma'tani'
5 Rarit 'Bib-kaes Ana' naan nfei 'retu'-'fo'e no teun ii. Onaim au 'neen mui' ma'tain no teun ii, naprenat am nak, “Amnao nai!” Nok askeken ate, au 'iit bikaes metan es. Tuaf re' ansae nbi bikase' naan, annaa' a'ta'i nbi in a'niman, he ntai mnahat re' nmurai nabatin.c 6 Rarit au 'neen nahuum on re' hanaf es neem na'ko mui' haa ma'tain ein naan sin atnaank ein. Hanaf naan natoon am nak, “Oras amnahas ma'tain ii of antaman pah-pinan. Karu mtoup kai neno ia, suma msoos maan amneas mok teun gwah; ai' mneas re' reko te, mok mees' aah. Mes karu amnahas naan antea gwen, mansian ein kais annoo' nain hau saitun ma hau anggur sin anbin poo'n ein.”d
'Retu'-'fo'e no haan ii — too mfaun anmaten
7 Rarit 'Bib-kaes Ana' naan anfei 'retu'-'fo'e no haan ii. Onaim au 'neen mui' ma'tani' no haan ii naprenat am nak, “Amnao nai!” 8 Nok askeken ate, au 'iit bikaes es snaa moor-muti'. Tuaf asae bikase' naan, kaann ee, ‘A'maten’. Anmui' tuaf es natuin ee nbi in kotin, kaann ee, ‘Bare neu amaets ein’. Rarit sin nua sin napenin kuasa he nnao nroor na'maet mansian ein anbin pah-pinan, anpaek suni', oras amnahas, menas, ma npaek mui' fui apisut. Karu tsoi' amaets ein ok-oke' te, sin amfauk ein on re' baits es na'ko batis haa, mansian pah-pinan ia ok-oke'.e
'Retu'-'fo'e no niimn ii — Uisneno Iin na anpa-paon he In nafeek sin rasin
9 Rarit 'Bib-kaes Ana' naan anfei 'retu'-'fo'e no niimn ii. Onaim au 'iit tuaf ein re' unu' te, anroor niis sin. Sin asmaank ein anbin mei fuat ee in nupun. Atoni' nroor sin, natuin sin npirsain neu Uisneno, ma sin natonan Uisneno In Kabin ma Prenat anbin mee-mee. 10 Sin nsakanan am nak, “Koi Uisneno! Usi' re' ma'tain re'uf! Usi' re' kniun re'uf! Saa' re' Usi' Ho mu'uab, hai mpirsai. Mes hai he mpao mtea reka' ntein, he na' Ho mufeek rasi anmatoom nok tuaf-tuaf re' anroor na'maet kai, he sin napenin hukun?”
11 Sin natanan anrarin on naan ate, sin napenin baur muti' mnanu', tuaf es ate, napein es. Anmui' tuaf natoon neu sin am nak, “Ampao mteni' kre'o, tar antea hi fautf ein namtisin. Natuin anmui' hi aom-bian sin re' of anmaten, natuin anroor niis sin on re' hi.”
'Retu'-'fo'e no neen ii — siraak anbi neon gwe tnanan ma pah-pinan
12 Rarit 'Bib-kaes Ana' naan anfei 'retu'-'fo'e no neen ii. Nok askeken ate, au 'iit tainunus ma'tain besi. Onaim maans ee nameis'ook on re' tai metan, ma fuun ee snaa me'e on re' naa'.f 13 Kfuun ein neon gwe tnanan bamoufun, on re' hau fua mnaut ein re' anmoufun na'kon hau gwe tunan oras ain kou' gwe nfuu namouf sin. 14 Onaim au 'iit neon gwe npee' pisa' nua, rarit annuun gon on re' 'nahek tar antea namneuk. Onaim a'toe'f ein ma puurn ein na'haus ein oke', tar antea sin namnekun oke' na'ko sin baark ein.g 15 Ankius on naan ate, mansian pah-pinan, nmurai na'ko uisf ein, anaa' apreent ein, a'naak sorarus, atoin amu'it, tar antea ate, sin ar-arsin namtaun. Rarit sin naenan ma na'koor ein nbin nuat ein, fatu 'toe'f ein peihaipk ein.h 16 Sin nrenu 'toe'f ein ma faut kou'n ein am nak, “Amkuub maan kai nai! Mi'koro' kai he Atokos abit a'toko preent ee, kais niit antein kai. Ma 'Bib-kaes Ana' ka bisa nhukun kai fa.i 17 Koi! Hai mipein siraak natuin neon suust am nana'renat neem een! Uisneno nok 'Bib-kaes Ana' naan he nmoma' kai sin to'os. Mes ka tiit fa es he bisa nteib ma nsiir!”j