Suur manunu' re' ma'retu' mates
5
Rarit au 'kisu 'teni' 'eu Atoni' re' antoko nbi 'toko prenat naan. In nnaa' suur manunu' es anbi In a'niman a'ne'u. Surat naan, matu'i koti-mmaat. Sin na'retu' niis surat naan, nbi bare hiut.a2 Rarit au 'iit ameput es na'ko sonaf neno tunan, re' ma'tain besi. In nataan neik haan ma'tani' mnak, “Sekau es re' nmui' hak he nfei surat naan in a'retun, ma nrees surat naan in afan?” 3 In nataan on naan, mes sin ka napein fa tuaf mese' msa' re' nmui' hak he nfei surat naan, ma nrees in afan. Anbi sonaf neno tunan, ai' anbi pah-pinan, ka tiit fa tuaf mese' msa' re' anmui' hak. Abitan amaets ein sin bare 'maten amsa', ka nmu'if. 4 A'kius on naan ate, au 'kae 'mat-maet, natuin ka tiit fa tuaf mese' amsa' re' anmui' hak, he bisa nfei surat naan ma nrees in afan. 5 Rarit tuaf es na'ko amnasit bo' nua mhaa' ein naan, na'uab neu kau mnak, “Hoe, ba'e! Kais amkae. Fin usif nai' Daut in sufan es ma'tain besi, sin nteek ee nak, ‘Singa na'ko uuf nai' Yahuda’. In npekes nakrat-rati' are' amreu't ein oke'. Onaim In na' nmui' hak he bisa nfei 'retu'-'fo'e na'ko surat naan, ma nrees in afan.”b
6 Au 'neen on naan ate, au 'iit 'Bib-kaes Ana' es anhake nbi mui' haa ma'tain ein naan sin atnaank ein, ma amnasit bo' nua mhaa' ein re' antokon nfuun naan 'toko prenat naan. 'Bib-kaes Ana' naan, on re' nroor niit ee. In suunk ein mana' hiut, ma In maatk ein fua' hiut. In matan fuan fua' hiut naan, nahuum on re' In Asmaan ee mamasaf hiut, re' In nreek anrair sin ntaman neun pah-pinan tuuk am tuuk.c 7 Rarit au 'iit 'Bib-kaes Ana' naan annao neu Atoni' re' antook et a'toko prenat, ma nait suur manunu' naan, na'ko Atoni' naan In a'niman a'ne'u.
8 Oras 'Bib-kaes Ana' naan nait je te, mui' haa' ein re' ma'tain besin naan, nok amnasit bo' nua mhaa, nri'tuun ma na'besan anbi In human ma In matan. Sin aar sin mese'-mese' anna'an baer musiik on re' a'reuk sasando, ma a'pika-kbuub noin moro' es, re' matua' nok kemenyaan re' sin nout gwe he nfoo menin. Kemenyaan foo meni' naan, es re' are' oen ein na'kon Uisneno Iin na.d 9 Rarit sin aar sin ansiin sii feu' gwes, am nak:
“'Bib-kaes Ana' ia kuun, es re' pantas he ntoup suur manunu' naan.
'Bib-kaes Ana' ia kuun, es re' nmui' hak he nfei surat naan in a'retu 'fo'e.
Fin In ntoupu nrair 'roro 'maten.
Rarit Uisneno npaek In naa' asait naan,
he nsoi nafetin naan mansian ein na'kon are' kanan pah ma uuf,
maut he sin bian bisa njarin Uisneno Iin na.
Nok ranan naan, mansian na'kon are' kanan uab ma pah,
bisa njarin Uisneno In nonot-asar sin.e
10 'Bib-kaes Ana' re' ia, nbubun ma nkaububu' sin aar sin,
anjarin uuf ma pah mese'.
'Bib-kaes Ana' re' ia, npiir ma nbeti nrair sin,
he njarin Uisneno In tua ameupt ein.
Sin of anna'an aprenat anbin pah-pinan ia.
Sin of anbirun ma ntainaunun neun Uisneno nbin pah-pinan ia.”f
11 Rarit au 'ait matak, onaim au 'neen hanaf kou' gwes. Onaim au 'kius mui' haa ma'tain ein naan, ma amnasit tuaf bo' nua mhaa, na'baba' ntein nok Uisneno In ameupt ein namfa-faun na'kon sonaf neno tunan. Ameupt ein naan sin amfauk ein antean hoto-bariun.g 12 Sin aar sin ansiin nok hana 'naek am nak,
“Hai maikas mi'ratan 'Bib-kaes Ana' re' maroro' 'maten naan,
Natuin In ro es ansium ma ntoup hai pures ma bo'is sin!
In kuasan kuun, ro kou' besi.
In a'mu'in kuun, ro mfau re'uf.
In ronen ma tenab, ro ka nsaan niit fa.
In ma'tanin kuun, ro ma'tain besi.
Hai maikas mi'ratan In kanan.
Hai mi'ruri' ma mhormaat Ee.
Hai mpures ma mboi's Ee.”
13 Rarit au 'neen siit es antein. Na'ko are' kanan amonit, et sonaf neno tunan, et neno, et pah-pinan, ma tais je nanan, sin aar sin nsiin bu'-bua'. Na'ko bare neu amaets ein amsa', sin aar sin ansiin nokan. Sin aar sin ansiin bu'-bua' am nak,
“Hai mpures ma mbo'is Uisneno re' antook ma ntuun On es a'toko prenat ia.
Hai maikas ma mait mi'ratan 'Bib-kaes Ana' ia msa'.
Hai misaeb rais hormaat meu Sin.
Hai mi'ruri' ma mi'bees meu Sin.
Natuin Sin esan re' anna'an aprenat nabar-baar!
Ma Sin kuasan sin ka natfeek nitan fa!”
14 Rarit mui' haa ma'tain ein naan, natahan piut-piut am nak, “Batuur, namneo on re' naan, tua!” Onaim amnasit tuaf bo' nua mhaa' ein naan, sin anri'tuun ma na'besan neun Uisneno ma neun 'Bib-kaes Ana' naan.