Fainekat neu a'naak jemaa't ein
5
Au kuuk a'jair a'naakt es. Unu' te, oras Kristus nasaah In ha'mu'it ma ma'ne'at, au 'kius ma 'iit 'eik au matak fuan. Oras mansian ii ok-oke' of ankius nitan Uisneno In pinan ma krahan, au he 'kius ok rasin naan amsa' 'eik au matak fuan. Onaim au he 'faineek 'eu a'naak jema'at bian sin on nai: 2 hi on re' atukus re' npijaar in a'bib-kaesn ein. Onaim hi ro he mpijaar mirek-reko' tuaf ein re' Uisneno nfee sin neu ki. Am'urus sin nok rek-reko. Kais am'urus natuin hi mepu, mes natuin hi mroim he mmoe' on naan. Am'urus sin natuin Uisneno In romin. Kais amroim he mipeni nneis-neis, mes ammeup nok ma'tani' he mturun ma mbaab Uisneno Iin na.a 3 Kais miprenat tafi'-tafi', he mtao ma'fena' meu tuaf ein re' Uisneno nfee sin he hi m'urus sin. Mes hi ro he mjari 'tope' arekot, re' miruru' ma mikrira' ranan meu sin. 4 Nai' Yesus re' naan, In on re' A'naak Atukus. Oras In ankoen On anfain neem, Uisneno nroim he nfee ki hi upam, natuin hi m'urus Iin na nok rek-reko. Upaf naan, ka bisa nreu' fa, fin in ntahan nabar-baar.Fainekat neu muinf ein
5 Muinf ein! Hi ro mneen ma mitniin a'naak jemaa't ein. Hi aar ki ok-oke' kais maikas hi tuam ein. Fin matu'i et Uisneno In Suur Akninu' mnak,
“Uisneno nraban neu tuaf re' ntuna' ma na'ratan sin tuak ein,
mes In nroim he naruru' ma nakrira' In nekan arekot neu tuaf re' neek a'paran.”b
6 Es naan ate, hi aar ki ok-oke' ro he mimnau Uisneno In kuasa, he hi kais maiks om. A'roo-'roo te, of nateef nok in oras, Uisneno he nbo'is ki.c 7 Amnona' ma mfee hi neekm ein he Uisneno es re' an'urus are' saa'-saa' ii re' nmoe' hi teenb ein ma'fena'. Fin In es re' ankius ma npairoir ki.
8 Ampaant om, oo! Mitenab mirek-reko'! Ampao rek-reko, natuin hit musu, es re' nitu 'nakaf he nareu' nain ki. In he n'oor naan ki, on re' mui' fui apisut re' natoo', ma naim mu'it re' anjair in amnahat. 9 Mes kais mimtau. Hi ro he mraban nitu 'nakaf naan. Hi ro he maran ma mtahan amsa' he mpirsai meu Uisneno piut. Fin hi mihini mrair mak, hi aok-bian apirsait ein anbin mee-mee, ro napenin susat on re' hi msa'. 10 Mes mimnau, fin Uisneno nroim he naruru' ma nakrira' In nekan arekot neu kit. In es re' no'en naan ki he mjair Iin na, natuin hi mtoupu mrair Kristus. Es naan ate In he na'ratan ki, he hi bisa mmoin piut mok Ne. Mes karu hi mipeni mrair susat ma ma'ne'at ambi pah-pinan ia rabah, Uisneno he nareko' nafani' ki. In he nfee ki 'be'if ma ma'tanif, ma nmoe' ki maran ma mtahan. In natoko' ki mbi fatu 'sukif ma'tani' msa'. 11 Hai mtoit he Uisneno es re' annaa' are' kanan kuasa tar antea nabar-baar. Batuur on naan, tua!
Nai' Petrus nasoup in surat
12 Nai' Silasd anturun ma nbaab kau he 'tui suur ana' re' ia. In re' naan, hit aok-bian atoin apirsait, ma au tuaf re' au 'pirsai. Au 'faineek ki, he hi maran ma mtahan ma'tani', fin Uisneno naruru' ma nakrira' In nekan arekot neu kit piut. Onaim hi ro he mhaek piut, kais amtet-koit.
13 Apirsait ein abitan kota Babel sin imsa' ansoun ein haan tabes ma haan buseet neu ki. Uisneno npiir inrair naan sin, on re' In anpiir naan ki.
Au anah nai' Markus ansonu' haan tabes ma haan buseet amsa'.e
14 Karu hi maktefan ate, misee mpaek maneek panaf he miruru' ma nakrira' hi maneekm ein.
Au 'roim he hi aar ki ok-oke' re' ampirsai Kristus bisa mmoin mok mamut, mbi rais rame', ma tainina'.
Saloom,
Au nai' Petrus kau, tua.