Surat neu
atoin Ibranis sin
re' fe' nasaitan sin be'i-na'i sin rais pirsait
he npirsain neun Yesus Kristus
Uisneno nreek haefan In Anah, re' ma'tani' nneis na'ko In mafefa' ahuunt ein
1
Un-unu' te, Uisneno anpaek In mafefa kniun' ein he na'uab ein nok hit be'i-na'i atoin Ibranis sin.a Sin npaken cara huma'-huma' he na'uab ein fani-fani nok sin.b 2 Mes oras ia, In nreek haefan anrair In Anah he na'uab nok kit.Na'ko un-unu', Uisneno npiir ma nbetis In Anah re' ia,
he naprenat nabu-bua nok Ne.
Oras In nmoe' neno tunan ma pah-pinan, ma in afan-nesan sin ok-oke',
In Anah naan anmoe' sin nabu-bua nok Ne msa'.
3 Uisneno In Anah re' ia, nakrira' ma naruru' In Aamf ee In pinan ma krahan,
nahuum on re' maans ee ntoom ninu rarit nabaans on.
Fin In tuan ee masaf mese' on re' In Amaf.
Na'ko In Kabin ma Prenat re' ma'tain re'uf,
In nanaob sin ok-oke' anbi neon gwe tnanan ma pah-pinan.
In nfei eno'-ranan,
he nnoes nain mansian ii sin saant am penu sin,
maut he nakninu' sin.
Rarit In ntebi nfain neu sonaf neno tunan,
he ntoko nbi Uisneno In abnapan a'ne'u,
anbi bare' re' mahormata' anneis-neisi.
Uisneno In Anah re' ma'tain re'uf, anneis na'ko ameput sonaf neno tunan sin
4 Uisneno In ameput sonaf neno tunan sin ro ma'tain ein. Mes In Anah ma'tain re'uf, anneis na'ko sin ok-oke'. Uisneno In pangkat es re' a'raat re'uf. Ma In nfee In pangkat naan neu In Anah. Etun In Anah, anneis nain In ameupt ein sonaf neno tunan.
5 Uisneno na'uab niit neu In Anah naan am nak,
“Neno ia, Au usaeb 'piru'-baru he Ho mnaa' aprenat.”c
Uisneno na'uab antein am nak,
“Au re' ia, In Amaf.
Ma In re' ia, Au Anah.”d
Uisneno na'uab nain on naan anmatoom nok In Anah, mes In ka na'uab niit fa on re' naan anmatoom nok In ameupt ein sonaf neno tunan.
6 Oras Uisneno anreek ma nsonu' In Anah ma'tain re'uf naan ate, In naprenat In ameupt ein sonaf neno tunan amsa' am nak,
“Ameupt ein ar-arki!
Hi ro he mhormaat,
ma mi'besan Au Anah!”e
7 Uisneno na'uab anmatoom nok In ameupt ein sonaf neno tunan am nak,
“Au 'moe' Au ameupt ein sonaf neno tunan,
anjarin rabah on re' anin.
Au 'moe' Au ate sin,
anjarin ma'tani' on re' ai.”f
Uisneno na'uab on naan, natuin sin re' naan, suma aan renu'-aan reek ahaa.
8 Mes In na'uab anteni' neu In Anah naan aa kuun am nak,
“Ho re' ia, Uisneno.
Ho of amtoko mbi 'toko prenat tar antea nabar-baar.
Ho of amnaa' kuasa he muprenat nok neek amneot ma amnonot.
9 Ho nekam naan anmariin oras Ho mkius tuaf-tuaf anmoni mne'o ma namnoon.
Mes Ho nekam naan ansuus oras Ho mkius tuaf-tuaf re' a'moink ein anbeon ma npenun.
Etun Ho neekm aan anmariin,
he Au 'oop mina' 'eu Ho 'nakam,
he usaeb 'piru'-baru he Ho mjair Usif re' Ho ma'tanim amneis mu'ko biak ein.”g
10 Uisneno na'uab antein neu In Anah am nak,
“Anah!
Ho re' ia, Usif re' naprenat nain na'ko afi unu'.
Ho re' ia, es re' amreun he neon gwe tnanan anjair nain.
Ho re' ia, es re' muprenat he pah-pinan anjair nain.
11-12 Neon gwe tnanan ma pah-pinan of anpunu nmaten.
Neon gwe tnanan ma pah-pinan of namnekun nkonon.
Mes Ho kuum ammoin mubar-baar.
Ho of mait imporin neon gwe tnanan ma pah-pinan,
nahuum on re' tuaf nait inporin tai pake re' nakroe re'-re'uf.
Ho of amsenu' ma mseka' neon gwe tnanan ma pah-pinan,
nahuum on re' tuaf ansenu' ma nseka' tai paek fe'u.
Mes Ho kuum ka on fa naan.
Natuin Ho mmoin mubar-baar.”h
13 Uisneno na'uab antein neu In Anah am nak,
“Anah!
Uum he mtoko mbi ia, ambi bare re' mahormaat re'uf,
ambi Au bnapak a'ne'u re' ia.
Au of a'moe' Ho muusn ein,
tar antea na'ruir ein ma nhuum fousun neun Ko.”i
Uisneno na'uab nain on naan anmatoom nok In Anah, mes In ka na'uab niit fa on re' naan anmatoom nok In ameupt ein sonaf neno tunan. 14 In ameupt ein, pentiing amsa'. Fin In nhaefa' sin, he nnaon n'urus Iin na ok-oke', re' In he nsoi nafetin naan sin na'kon sin sanat ma penu sin. Maski on naan amsa', mes Uisneno In Anah anneis-neis na'ko sin ok-oke' fe'.