Ana-èpu Noh dènge ana-èpu Yafet
10
Èle èi aae, ka ana-ana Noh abhu ana-èpu. Nuka ana-èpu nèti Sem, Yafet, dènge Ham.2-5 Ana-èpu Yafet, nuka: Gomer, Magog, Madai, Yawan, Tubal, Mesek dènge Tiras. Èci-èci ka dènge lii, suku, aa dènge rai ra.
Ana-èpu Gomer, ka: Askenas, Rifat dènge Togarma.
Ana-èpu Yawan, ka: Elisa, Tarsis, dhèu Kitim, dènge dhèu Dodanim dhu pea ètu sebhe dhasi.a
Ana-èpu Ham
6 Ana-èpu Ham, ka: Kus, Misraim, Put, dènge Kana'an.b
7 Ana-èpu Kus, ka: Seba, Hawila, Sabta, Raema dènge Sabteka.
Ana-èpu Raema, ka: Syeba dènge Dedan.
8 Ana mone Kus, ka, Nimrod. Nèngu ne, kapala musu dhu uru tèka, aa èra. 9 A'èra na mai nèti LAMATUA, aa nèngu kahèi j'aj'i dhèu dhu èra bia magèla badha. Nèti èèna ka, dhèu biasa peka na, “Sèna ka èu more dhèu dhu èra bia magèla badha, sèmi Nimrod, dhu abhu a'èra nèti LAMATUA.” 10 Era na, mulai uru nèti rae Babel, Erek Akad, toke Kalne. Rae se aa'i-aa'i ra, ètu rai Sinear.c 11 Nèti era sèra, na nare hari Asyur. Ka na patitu kota Niniwe, Rehobot-Ir, Kala, 12 dènge Resen, ètu talora aae Niniwe dènge Kala. Aa'i-aa'i sèra, kota-kota kapai hua.
13 Ana-èpu Misraim, ka: dhèu Ludim, dhèu Ananim, dhèu Lehabim, dhèu Naftuhim, 14 dhèu Patrusim, dhèu Kasluhim, dènge dhèu Kaftorim. Dhèu Kasluhim nuka bèi-baki nèti dhèu Pilistin.
15 Ana uuru Kana'an, nuka, Sidon. Kana'an j'aj'i bèi-baki nèti dhèu Het, 16 dhèu Yebusi, dhèu Amori, dhèu Girgasi, 17 dhèu Hiwi, dhèu Arki, dhèu Sini, 18 dhèu Arwadi, dhèu Semari, dènge dhèu Hamati.
Ana-èpu Kana'an se, pea palème d'ai era dhu kaj'èu, 19 toke too rai rèngu mulai nèti Sidon taruu asa Gerar, d'ai Gasa. Nèti èèna, la'e d'ai Sodom, Gomora, Adma dènge Seboim, d'ai kota Lasa.
20 Rèngu aa'i-aa'i sèra, ana-èpu Ham. Èci-èci dènge lii, suku, aa dènge rai ra.
Ana-èpu Sem
21 Sem, a'a Yafet, nèngu ka j'aj'i bèi-baki dhèu Eber.d
22 Ana-èpu Sem, ka: Elam, Asyur, Arpaksad, Lud dènge Aram.
23 Ana-èpu Aram ka: dhèu Us, dhèu Hul, dhèu Geter, dènge dhèu Mas.e
24 Ana Arpaksad ka, Sela. Ana Sela ka, Eber.
25 Ana Eber, mone dhèu dua. Ana uuru, ngara na Pelek (dhu sasoa na ‘palème era’), lula taa èèna dhèu pea palème ètu rai-haha ne. Ngara ari na, Yoktan.
26 Ana-èpu Yoktan, ka: Almodad, Selef, Hasar-Mawet, Yera, 27 Hadoram, Usal, Dikla, 28 Obal, Abimael, Syeba, 29 Ofir, Hawila, dènge Yobab. Rèngu aa'i-aa'i se, ana-èpu Yoktan.
30 Era pea rèngu, mulai nèti Mesa, taruu d'ai Sefar, nuka era dhu kabhuku re sebhe dhimu.
31 Rèngu aa'i-aa'i se, ana-èpu Sem. Èci-èci ka dènge lii, suku, aa dènge rai ra.
32 Aa'i-aa'i se, ana-èpu Noh, èci-èci ka dènge suku ra. Ropa èi aae lala èle, rèngu se'e ka pea papènu lème rai-haha ne.