Mota no wee mak foo moris
22
Nunia hotu, makbukar lale'an nia natudu baa ha'u, mota ida mak ween nalo ema moris nohuun. Wee nia, moon nu'u lalenok. Mota nia suli sai nosi Na'i Maromak no Bibi Malae habesi aan fatin.a 2 Hotu, mota nia suli liu baa dalan inan iha kota nia. Iha mota nia balu-baluk, no ai huun mak fuan nalo ema moris nima-nimak. Ai huun nia sia nafua tinan ida, isin sanulu resin rua. Ne'e mak, fulan ida, isin ida. Tahan, bele halo baa aitahan moras, atu hodi hadi'ak ema nosi klubun hotu-hotu iha raiklaran.b 3 Mais hotu-hotu mak Na'i Maromak dudu nodi kastikar, la noo iha kota nia. Mak noo iha nia, ne'e mak Na'i Maromak no Bibi Malae Oan mak tuur iha habesi aan fatin no siakaan ema mak lo'u-sudur baa Sia.c4 Ema nia sia bele titu-naree besik Na'i Maromak oin. Na'i Maromak naran moos hakerek iha siakaan baboton. 5 La noo kalan iha kota nia. Na'i Maromak eman sia la buka loro no la buka tenik badut, tan Na'i Maromak ahar du'uk mak naroma kota nia. Sia moos atu kaer ukun iha nia to'o nima-nimak.d
Na'i Yesus atu mai ona
6 Nunia hotu, makbukar lale'an nia katak baa ha'u na'ak, “Lia hotu-hotu mak ha'u katak baa o ne'e, tebes no loos. Ema bele fiar ha'ukaan dalen ne'e. Uluk, Na'i Maromak nodi Niakaan Kmalar Lulik nebee katak Niakaan Manfatin baa Niakaan mako'an sia. Mais oras ne'e, Nia nodi makbukar lale'an atu katak baa Niakaan ema sia lia ne'e sia hotu-hotu mak la kleur ona musti dadi.”
7 Nunia hotu, Yesus dale na'ak, “Manoin! La kleur Ha'u kmai ona. Hakerek ne'e, nakerek lia hotu-hotu mak atu dadi. Ema hotu-hotu mak nalo tuir lia fuan iha hakerek ne'e, netan sotir.”
8 Ema mak nakerek hakerek ne'e, ne'e mak ha'u, Yohanis. Ha'u ne'e du'uk mak rona no titu-karee lia ne'e sia hotu-hotu. Ha'u krona kotu, kakni'a kodi lo'u-sudur se'i oin baa makbukar lale'an mak natudu lia nia sia baa ha'u. 9 Mais nia de'an ha'u na'ak, “Hoi! Keta malo nunia! Keta lo'u sudur baa ha'u. O musti lo'u-sudur baa Na'i Maromak dei! Tan ha'u moos Na'i Maromak ain-liman hanesan o mo okaan mamaluk sia mak dadi Niakaan mako'an. Ha'u moos manesak ko ema hotu-hotu mak nalo tuir saa mak hakerek hela iha hakerek ne'e.”
10 Hotu, makbukar nia dale natutan tenik na'ak, “O keta subar hakerek ne'e isin baa ema. Tan la kleur ona, hotu-hotu iha hakerek ne'e, nanis dadi.
11 Ema mak lisan aat,
habusik baa, nebee sia nalo lisan aat bei-beik.
Mais ema mak moris moos,
sia musti moris moos bei-beik.
Ema mak nalo aat,
habusik baa, nebee sia nalo aat bei-beik.
Mais, ema mak nalo di'ak,
sia musti nalo di'ak bei-beik.”e
12 Nunia hotu, Yesus dale nikar tenik na'ak, “Manoin di'a-di'ak! La kleur tenik, Ha'u kmai ona! Ha'u atu kselu baa ema hotu-hotu, tuir siakaan hahalok du'uk.f
13 Ha'u ne'e,
Alfa to'o Omega.
Ha'u ne'e,
Ulun to'o Ikun.
Hotu-hotu huun baa Ha'u,
nosi huun to'o rohan.g
14 Ema mak fasi namoos siakaan tais, sia mak sotir.
Tan sia bele tama odamatan nanokar baa kota nia laran.
Ema mak moris moos, sia mak sotir.
Tan sia bele naa ai fuan mak nalo ema moris nima-nimak.h
15 Mais ema seluk, la bele tama iha kota nia.
Mak lahoos Na'i Maromak eman, la bele nein iha nia.
Sia ne'e mak, ema mak la fiar baa Na'i Maromak,
ema nalo lia kfo'er, ema mak lo'u baa ai'oi lulik,
ema mak no'o ema, ema mak neko ema,
no ema tolek teen.
Sia hotu-hotu nia, la bele tama.
Sia hotu-hotu nia, habusik hela iha luan dei.
16 Ha'u ne'e, Yesus. Ha'u, mak solok makbukar lale'an nia atu nalore lia ne'e sia hotu-hotu, nebee o baa katak Ha'ukaan Manfatin baa ema sarani klubun hitu nia.
Ha'u ne'e, Na'i Daud husar-binan.
Ha'u ne'e, Na'i makaer ukun.
Ha'ukaan kroman lakan,
boot kaliuk hanesan Fitun Lorosa'e.
Ha'ukaan sinak,
biit kaliuk hanesan Fitun Na'in.”i
17 Maromak Kmalar Lulik tene na'ak, “Mai ne'e ona!”
Sasudin feto nia moos bolu na'ak, “La'o mai ona!”
Hotu-hotu mak rona moos tuir na'ak, “Mai ona!”
“Ema mak nanroo, mai nemu ona.
Ema mak buka nemu wee mak nalo ema moris nima-nimak,
mai nola ona!
Ema bele nola wee nia
hodi neok.
Ema bele nemu wee nia
hodi la selu.”j
Yohanis narohan hakerek
18 Ha'u, Yohanis ne'e, foo katene baa ema hotu-hotu mak rona lia mak Na'i Maromak nalore kedan iha hakerek ne'e: Kalo noo ema mak tu'an sa-saa baa hakerek ne'e, Na'i Maromak atu kastikar tu'an baa nia, nodi dinu hitu mak Nia fakar baa raiklaran. 19 Tenik, kalo noo ema mak nasai nalara sa-saa nosi hakerek ne'e, Na'i Maromak atu nola nikar niakaan fafa'ek, nebee nia keta tama baa kota lulik nia, no keta naa ai fuan mak nalo ema moris nima-nimak.k
20 Yesus mesan du'uk mak nalore lia ne'e sia hotu-hotu. Nia nameno ti'an na'ak, “La kleur Ha'u kmai ona. Lia ne'e, tebes no loos!”
Kalo nunia, ha'u kakro'an ka'ak, “Mai ona Na'i Yesus!”
21 Ha'u kaloon nebee, Na'i Yesus natudu laran di'ak baa Niakaan ema hotu-hotu. Amen!
Nosi ha'u,
Yohanis